تبلیغات
ماڵپه‌ری ئیسلام كورد
Rss
Logo
ADS
زاراوه‌كانی قیرائات

مه‌تنی تحفة الأطفال

ته‌فسیری قورئانی پیرۆز

شێوازی نوێژی پێغه‌مبه‌ر

ئامۆژگاری بۆ موسڵمانان

كاتی بانگه‌كان&بانكبێژان

24 كاتژمێر راسته‌وخۆ

ئاماری ماڵپه‌ر
میوانانی سه‌رهێل

ژماره‌ى سه‌ردانه‌كان

ڕاپرسی ماڵپه‌ر
ئایا تا ئێستا سوودت له‌ ماڵپه‌ری ئیسلام كورد بینیوه‌؟؟؟

ماڵپه‌ره‌ كۆنه‌كه‌مان
عه‌لمانیه‌ت بناسه‌
گێژاوی مه‌دخه‌لیزم
مێژووی انصار الاسلام
فیرعه‌ونی زه‌مان و قه‌یرانی...

 

 

 

ئه‌م بابه‌ته‌ بڵاوكراوه‌ته‌وه‌
له‌ به‌شی : گـۆشه‌ی ئافره‌تان,

 

گفتوگۆیەك لەنێوان عاباى نوێ و مۆدێرن و عاباى بەحیشمەت 

ئاماده‌كردنی: دایكی سوننه‌

عاباى نوێ و مۆدێرن دەڵێ: ئەى عاباى ڕزیو، ئەى پاشماوەى سەردەمە بەسەرچووەكان، كاتى ئەوەت نەهاتووە لێمان دووركەویتەوەو بڕۆیت، تەحەمولى تۆمان نەماوەو لێت بێزاربووین مۆدەو نوێ تۆى ڕاماڵى و خستیتیە بیرێكى زۆر قووڵەوەو دەشتێكى زۆر دوورەوە، ئافرەتان وازیان لێت هێناوە چونكە جێگەى سەرنجیان نیت.
عاباى بەحیشمەت دەڵێ: ناوى خۆت ناوە نوێ و مۆدێرن لەكاتێكدا هۆكارى خراپەى دەستانێكى پیس و چەپەڵ تۆیان خستۆتە ناومانەوە، وەكردووتیانە بەهۆكارێك بۆ تێركردنى ئارەزووەكانیان. لەسەر سەر بووى داتیانبەزاند بۆ سەرشان پاشان لەپارچەیەكى تەنك دروستیان كردیت و ووتیان خێرى تێدا نىیە مادام دڵەكان خۆپارێزن.
عاباى نوێ و مۆدێرن دەڵێ: بەڕاستى تۆ نابینرێیت ئیللا بەسەر پیرو پەككەوتووەكان یاخود بەهۆى تەعزیەوە نەبێت، كچانى ئەم سەردەمە وازیان لێت هێناوە، ئەو كچانەى كەدەست بەندى جوانىیان 

پێوەیەو پێڵاوى بەرزو دەنگداریان لەپێیە، تۆ جێگەت نەماوە لەسەردەمى ئازادیدا چونكە تۆ دروشمى دواكەوتن و عەشایەریت پێوەیە.
عاباى بەحیشمەت دەڵێ: ئەى پیس دەرباڵەكانتیان نەخشاندووەو پێشەوەتیان ڕازاندووەتەوەو كردووتیانە بەبووكە شووشەى دەستى خۆیان، هەموو ڕۆژێك سەیرو سەمەرە دەبیت، تۆ داپۆشەرى ئافرەتانێك نیت كەخۆیان دەپۆشن، بەڵكو تۆ ئاشووبى ئەم سەردەمەى، تۆ دروشمى فاسقێتى و سەرپێچیت، ئەى بانگەشەكارى ڕووتى و سفورى، ئەى نامەبەرى خراپێتى، ئەى نەفرەت لێكراوى هەموو سەردەمێك، تۆى هەموو چاوەكان لەدوورەوە وەهەموو تووش بوویەكیش تەماحت تێ دەكات.
عاباى نوێ و مۆدێرن دەڵێ: پێدەكەنێ و دەڵێ ئەوەتا لەهەموو دەرگایەكم داو لەبەرى كردم، هەموو عازەبێك و هەموو مێشك و هۆشێكم نەهێشتووە، تەنگم پێ هەڵچنیویت و خەریكم دەتخنكێنم، لەبازاڕیش بێ نرخم كردوویت.
عاباى بەحیشمەت دەڵێ: ئەى نەفرەت لێ كراو سترى چەندەها ماڵت هەتك كرد، وەسەڕشۆڕیت تووشى چەندەها ئافرەت كرد، چەندەها فرمێسكت لەچاوان هەڵقووڵان وەتووشى شەونخوونیت كردن، وەئابڕووى چەندەها ماڵت زڕاند، سەرنجدانى ئافرەتانت لەكۆمەڵگادا ڕواند، بنەماكانى پاكێتى و بەحیشمەتت داڕووخاند، ئەى ئاشووب، ئەى سەرپێچى، ئەى خراپترین بەڵا، وادەردەبڕى كەتۆ نوێ و مۆدێرنى، تۆ دروشمى بۆ ئازادى، سبەى دەزانى كەبەتەواوى فڕێیانداى، تۆ دروشم نیت بۆ ئازادى بەڵكو تۆ ڕووتى و بێ نرخیت.
عاباى نوێ و مۆدێرن دەڵێ: ئەى ڕزیوى كۆنە سبەینێ دەتبینم لەگۆڕ دەنرێیت، دەڕۆیت و جارێكى تر ناگەڕێیتەوە، وەئاكامى تۆ لەم ڕۆژگارەدا لەناوچوونە، بێ هوودەو بێ نرخە هەوڵدانت بۆ مانەوە، ڕەنگى تۆ ڕەنگێكى قێزەونەو لەشێوەشدا وەكو دەوارى.
عاباى بەحیشمەت دەڵێ: بەشێوەى ڕازاوەیى تۆ، نە ئەوەى كەتۆ پێى دەڵێى داپۆشین، گێلەكانیش لێى ڕازى نین، بۆیە سەیلى شارستانى ڕاتدەماڵێ و دەبیتە باسى دوێنێ، ئەمە حاڵى تۆیە لەگەڵ هاوەڵانتدا بەڵام هاوەڵانى من ڕازى نابن بەشتێكى تر جگە لەمن، هەرگیز واز لەمن ناهێنن.
عاباى نوێ و مۆدێرن دەڵێ: ئەى كۆنەى ڕزیو، تۆ هیچ شوێنەوارى زەوقت تێدانىیە، نەش جادووگەریت لەسەر كەسە، نابینى ڕەنگەكانى من چەندە زۆرن، نابینى كچان ڕوویان لێمە، لەبەرئەو هەموو كاریگەرى و تازەگەرییەى كەتیامە.
عاباى بەحیشمەت دەڵێ: توانجى ئەوەم لێ دەدەى كەچاوشكێنم وەلەوەش كەعاباى هەموو خواپەرستێكم، بیرۆچكە شەیتانىیەكان تۆى داڕشتووە بۆیە دوورخراویتەتەوە لەڕێنموونى قورئان، تۆ كچى ژوورەكانى مۆدەى منیش زادەى سەردەمى پاكى.
عاباى نوێ و مۆدێرن دەڵێ: ئەبینم ئەوانەى كەتۆیان پۆشیوە بەناو خۆڵدا ڕاتدەكێشن و لەكاتى گەرماشدا بەگەرما دەتڕازێننەوە، بەپۆشینیان بۆ تۆ دەیەها ساڵ دەخرێتە سەر تەمەنیان.
عاباى بەحیشمەت دەڵێ: دەڵێى ئافرەتان من بەناو خۆڵدا ڕادەكێشن، ئایا ئەو فەرموودەى پێغەمبەرى خوات صلى الله علیه وسلم لەیاد نى یە كەفەرموویەتى: ((یرخین شبرا)) واتە: بستێك شۆڕى بكەنەوە، وەگلەیى گەرمیم لێ دەكەى لەكاتێكدا خواى پەروەردگار فەرموویەتى: { قُلْ نَارُ جَهَنَّمَ أَشَدُّ حَرًّا } (سورة التوبةـ٨١) واتە: پێیان بڵێ ئاگرى دۆزەخ زۆر لەگڕو گەرمى دونیا گەرمترە.
عاباى نوێ و مۆدێرن دەڵێ: من نەبم خاوەن هەموو حەزێكم ڕازى كردووە، هەموو گەردنێكى جوانم دەرخستووە، وەقەبیح و ناشرینەكانم شاردووەتەوە، بەڕادەیەك ئەگەر مەیموونێكیش من بپۆشێ دەبێ بەگوڵ.
عاباى بەحیشمەت دەڵێ: تۆ لەشەرعى ئێمەدا قەدەغەو حەرامى، جێگاى تۆ لەنێوان ئێمەدا نىیە، با ئافرەتانیش پێشبڕكێت بۆ بكەن، هەروەكو پێشبڕكێى پەپوولەكان بۆ ئاگر.
عاباى نوێ و مۆدێرن دەڵێ: جێى سەرسوڕمانت نەبێ سبەى كەوازت لێ دێنن، یان پارچە پارچەو شیتەڵت دەكەن، چونكە مانەوەى تۆ مەحاڵە، بۆ هیچ كات و سەردەمێكیش بەكەڵك نایەى، جا بەسەلامەت بڕۆ یان چاوەڕێى مردنێكى ناسۆر بكە.
عاباى بەحیشمەت دەڵێ: تۆ گەندەڵ و ناڕەوایى، دڵنیابە كەلەناوچووى، شێوەت لەشێوەى قەلەڕەش و لەمێشیش بێ قەدرترى ئەى نێچیرى ئاسان بۆ گورگەكان، ئەگەر بەدەستى من بووایە دەمسووتاندى، گڕى ئاگرم تێ بەردەداى، جا قەدرى خۆت بزانە، پەروەردگار بەم زووانە قەبرەكەتم پێ پیشان بدات.
          

صفحات سایت

پیچک