ماڵپه‌ری ئیسلام كورد
Rss
Logo
ADS
زاراوه‌كانی قیرائات

مه‌تنی تحفة الأطفال

ته‌فسیری قورئانی پیرۆز

شێوازی نوێژی پێغه‌مبه‌ر

ئامۆژگاری بۆ موسڵمانان

كاتی بانگه‌كان&بانكبێژان

24 كاتژمێر راسته‌وخۆ

ئاماری ماڵپه‌ر
میوانانی سه‌رهێل

ژماره‌ى سه‌ردانه‌كان

ڕاپرسی ماڵپه‌ر
ئایا تا ئێستا سوودت له‌ ماڵپه‌ری ئیسلام كورد بینیوه‌؟؟؟

ماڵپه‌ره‌ كۆنه‌كه‌مان
عه‌لمانیه‌ت بناسه‌
گێژاوی مه‌دخه‌لیزم
مێژووی انصار الاسلام
فیرعه‌ونی زه‌مان و قه‌یرانی...

 

 

 

ئه‌م بابه‌ته‌ بڵاوكراوه‌ته‌وه‌
له‌ به‌شی : به‌شی فه‌رمووده‌,

 

کۆمه‌ڵه‌ فه‌رمووده‌یه‌کی په‌روه‌رده‌ی خێزانی

گوڵبژێرێك له‌و فه‌رمووده‌ به‌نرخانه‌ی یێغه‌مبه‌ری پێشه‌وا محمد (صلى الله علیه وسلم), له‌سه‌ر چۆنێتی هه‌ڵسوكه‌وت وجۆری به‌شداری وئاماده‌یی وهاوكاری له‌بواره‌ جیاجیاكاندا, ته‌نانه‌ت چۆنێتی هه‌ستان به‌پێگه‌یاندنی نه‌وه‌ی نوێ, دیاره‌ ئاشكرایه‌ فه‌رمووده‌كانی پێغه‌مبه‌ریش ئه‌ركی جێ به‌جێ كردنی سه‌رشانی هه‌موو موسڵمانێكه‌. به‌و هیوایه‌ی سوودمه‌ند بێت به‌ هه‌موو دایك و خوشكێكی ئیماندار.

15- ده‌رباره‌ی چاكه‌كردن له‌گه‌ڵ خێزاندا

له‌ دوا وه‌سێتی پێغه‌مبه‌ر (صلى الله علیه وسلم) پێش وه‌فاتی فه‌رمووی: (الله الله فی النساء، فإنّهُنّ عَوانٌ فی أیدیكم، أخذتموهم بأمانة الله). أخرجه النسائی فی الكبیرى، واته‌: (بۆ خاتری خوا ئاگاداری ئافره‌تان بن, ئه‌وان له‌ژێر چاودێریتان و به‌ئه‌مانه‌تی خوا له‌ده‌ست ئێوه‌دان).


14- ده‌رباره‌ی چۆنیه‌تی هه‌ڵسوكه‌وتی ژن و پیاو له‌گه‌ڵ یه‌كتریدا.

له‌جابره‌وه‌ ده‌گێڕنه‌وه‌ كه‌ وتوویه‌تی: كُنّا مع النبی فَلمّا قَدّمنا المدینة ذهبنا لندخل، فقالَ: (امهلوا حتى تدخلوا لیلاً لكی تمتشط الشعثة وتستحد المغیبة). متفق علیه، واته‌: له‌ خزمه‌ت پێغه‌مبه‌ردا بووین (صلى الله علیه وسلم), كاتێك نزیك مه‌دینه‌ بووینه‌وه‌, به‌نیاز بووین به‌ره‌و ماڵه‌كانمان بكه‌وینه‌ ڕێ, پێغه‌مبه‌ر صلى الله علیه وسلم) فه‌رمووی: ( هێواش بن, تاكو شه‌وتان به‌سه‌ردا دێت, بۆ ئه‌وه‌ی ئافره‌تان قژیان دابهێنن و خۆیان بڕازێننه‌وه‌). 

13- ده‌رباره‌ی قه‌ده‌غه‌كردنی نیكاحی (متعه‌).

له‌ حه‌زره‌تی عه‌لی یه‌وه‌ (ڕه‌زاو ڕه‌حمه‌تی خوای لێ بێ) ده‌گێڕنه‌وه‌ كه‌ وتوویه‌تی: (نَهى رَسول الله عن متعة النساء). أخرجه السبعة إلا أبا داود،، واته‌: پێغه‌مبه‌ر نیكاحی متعه‌ی قه‌ده‌غه‌ كردووه‌. نیكاحی (متعه‌) واته‌ هاوسه‌رگیری كاتی.

12- ده‌رباره‌ی قه‌ده‌غه‌كردنی ژن به‌ ژن.

ئیبن عومه‌ر (ڕه‌زاو ڕه‌حمه‌تی خوای لێ بێت) وتویه‌تی: (نهى رسول الله عن الشِغار) متفق علیه، واته‌: ئیبن عومه‌ر (ڕه‌زاو ڕه‌حمه‌تی خوای لێ بێت) وتویه‌تی: ( پێغه‌مبه‌ر ژن به‌ ژنی قه‌ده‌غه‌ كردووه‌).

11- ده‌رباره‌ی قه‌ده‌غه‌كردنی به‌زۆر به‌شوودانی كچ.

(زوّجَ جذام بنته خنساء، وهی كارهة، فأتتْ خنساء الى رسول الله، فرَدّ نكاحها) (أی فسخها). متفق علیه‌: جوزام خه‌نسای كچی به‌زۆر دا به‌شوو, خه‌نساش هاته‌ لای پێغه‌مبه‌ر (صلى الله علیه وسلم), پێغه‌مبه‌ری خواش زه‌واجه‌كه‌ی ڕه‌ت كرده‌وه‌ واته‌ (هه‌ڵیوه‌شانده‌وه‌) چونكه‌ كچه‌كه‌ خۆی ڕازی نه‌بووه‌و به‌زۆر دراوه‌ به‌ شوو.

وه‌هه‌روه‌ها پێغه‌مبه‌ر (صلی الله علیه وسلم) فه‌رموویه‌تی: (لا تُنْكَحُ الأیم حتى تستأمر ولا تُنْكحُ البِكْرُ حتى تُسْتَأذن) واته‌: (بێوه‌ژن تاكو فه‌رمانی پێ نه‌درێت و, كچیش تا مۆڵه‌تی لێ وه‌رنه‌گیرێت, ماره‌یی نایه‌ت)

10- ده‌رباره‌ی مۆڵه‌تی بینینی ئافره‌تی خوازراو.

پێغه‌مبه‌ر (صلى الله علیه وسلم) فه‌رموویه‌تی: (إذا خطبَ أحدكم المرأة فإنْ استطاع أن ینظر منها الى ما یدعوه الى نكاحها فلیفعل) رواه احمد وابو داود وصححه الحاكم، واته‌: (ئه‌گه‌ر یه‌كێكتان به‌نیاز بوو ئافره‌تێك بخوازێت و بوار هه‌بوو بیبینێ تا بیخوازێت, باسه‌یر بكات).

9- ده‌رباره‌ی وه‌ڵامدانه‌وه‌ی خوازیاری موسڵمان.

پێغه‌مبه‌ر (صلى الله علیه وسلم) فه‌رموویه‌تی: (إذا أتاكم مَنْ تَرْضَونَ دینَه وخُلُقَه فَزَوِّجُه، إلاّ تفعَلوا تكمْ فِتْنةٌ فی الأرض وفسادٌ عریض) رواه الترمذی بسند حسن وابن ماجة والحاكم، واته‌: (گه‌ر یه‌كێك هاته‌ داخوازی كچتان و ڕازی بوون له‌ ئاین په‌روه‌ری و ڕه‌وشتی، ئه‌وا لێی ماره‌ بكه‌ن, گه‌ر وانه‌كه‌ن فیتنه‌و ئاشوبێكی گه‌وره‌ له‌سه‌ر زه‌وی وبه‌دڕه‌وشتی‌یه‌كی زۆر بڵاوو به‌رپا ده‌بێت).

8- ده‌رباره‌ی بایه‌خدان به‌ ئافره‌تی دیندار له‌ هاوسه‌رگیریدا.

پێغه‌مبه‌ر (صلى الله علیه وسلم) فه‌رموویه‌تی: (تُنْكَحُ المَرْأةُ لأربَعٍ: لِمالِها ولِحَسَبِها ولِجَمالِها ولِدِینِها، فاظفرْ بذاتِ الدین تَرِبَتَ یَداك) رواه البخاری واته‌: (ئافره‌تان بۆیه‌كێك له‌م چواره‌ هه‌ڵده‌بژێرێن و ده‌خوازرێن: یان بۆ ماڵ و سه‌روه‌ت, یان له‌به‌ر ڕێزداری خانه‌واده‌ی, یان له‌به‌ر جوانی‌یه‌كه‌ی, یان له‌به‌ر ئاین په‌روه‌ری‌یه‌كه‌ی, جا ئافره‌تی خاوه‌ن باوه‌ڕ بخوازه‌ تا ژیانت به‌خته‌وه‌ر بێت).

7- ده‌رباره‌ی بایه‌خدان به‌ هاوسه‌رگیری:

پێغه‌مبه‌ر (صلى الله علیه وسلم) فه‌رموویه‌تی: (النكاح مِنْ سُنَّتی فَمَنْ لَمْ یَعْمَلْ بِسُنّتی فَلَیْسَ منی، وتزوجوا فإنی مُكاثر بكم الأمم) رواه ابن ماجة، واته‌: (هاوسه‌رگرتن له‌ سوونه‌تی منه‌، هه‌ر كه‌سێك لێی لابدات شوێنكه‌وته‌ی ئایینه‌كه‌م نی‌یه‌, هاوسه‌ر بگرن, له‌به‌ر ئه‌وه‌ی من ده‌مه‌وێ ژماره‌تان له‌هه‌موو گه‌لانی تر زیاتر بێت).

6- ده‌رباره‌ی په‌یوه‌ندی زایه‌ندی

پێغه‌مبه‌ر (صلى الله علیه وسلم) فه‌رموویه‌تی: (إذا باتتْ المَرْأة مُهاجِرة فِراش زوجِها لَعَنَها الملائكة حتى ترجع). رواه البخاری ومسلم، واته‌: (ئه‌گه‌ر ئافره‌تێك به‌بێزاری جێ‌ی هاوسه‌ری جێ هێشت و به‌دوور له‌و ڕۆژ بكاته‌وه‌, فریشته‌كان نه‌فره‌ت وله‌عنه‌تی لێ ده‌كه‌ن تا ده‌گه‌ڕێته‌وه‌).

5- ده‌رباره‌ی ڕێزی كچ لای پێغه‌مبه‌ر.

حه‌زره‌تی عائیشه‌ دایكی موسڵمانان (خوا لێی ڕازی بێت) ده‌ڵێت: إن فاطمة بنت النبی (صلى الله علیه وسلم) كانتْ إذا دَخلَتْ على النبی قامَ إلیها، فرَحِبَ بها، وقَبّلَها وأجلسها فی مجلسه) متفق علیه، واته‌: (هه‌ركاتێك فاتمه‌ی كچی پێغه‌مبه‌ر سه‌ری له‌ پێغه‌مبه‌ر بدایه‌, پێغه‌مبه‌ر له‌به‌ری هه‌ڵده‌ستاو پێشوازی لێ ده‌كرد, ماچیشی ده‌كردو له‌جێی خۆیدا دای ده‌نا.

4- ده‌رباره‌ی دادپه‌روه‌ری له‌نێوان منداڵاندا.

پێغه‌مبه‌ر (صلى الله علیه وسلم) فه‌رموویه‌تی: (اتّقوا اللهَ واعدِلوا فی اولادِكم) متفق علیه، واته‌: (سنووره‌كانی خوا بپارێزن و له‌نێوان منداڵه‌كانتاندا دادپه‌روه‌ربن).

3- ده‌رباره‌ی یه‌كسانی خستن له‌ نێوان منداڵاندا:

پێغه‌مبه‌ر (صلى الله علیه وسلم) فه‌رموویه‌تی: (ساووا بینَ أولادكم فی العطیّة) رواه الطبرانی، واته‌: (له‌ نێوان منداڵه‌كانتاندا یه‌كسانی بنوێنن له‌ به‌خشیشدا).

2- ده‌رباره‌ی كاریگه‌ری په‌روه‌رده‌ی دایك و باوك له‌سه‌ر منداڵ: 

پێغه‌مبه‌ر (صلى الله علیه وسلم) فه‌رموویه‌تی: (ما مِنْ مَولودٍ إلاّ یُولَد على الفِطْرَةِ، فأبواهُ یُهَوِّدانَه أو یُنَصّرانه أو یُمَجِّسانه) رواه مسلم، واته‌/ (هه‌موو كۆرپه‌یه‌ك له‌سه‌ر سروشتی خواناسی له‌دایك ده‌بێت, به‌ڵام باوك ودایكیان به‌ره‌و جووله‌كه‌بوون یا گاوربوون یا ئاگرپه‌رستی ده‌یبه‌ن).

1- ده‌رباره‌ی جیاوازی نه‌خستن له‌ نێوان كوڕو كچدا:

پێغه‌مبه‌ر (صلى الله علیه وسلم) فه‌رموویه‌تی: (مَنْ كانَتْ له اُنْثى فَلَمْ یَئدْها ولم یهنْها ولم یؤثِّر علیها وَلَدَهُ أدخلَهُ الله الجَنّة) متفق علیه، واته‌/ (هه‌ر كه‌سێك كچێكی هه‌بوو زینده‌ به‌چاڵی نه‌كردو, زوڵم و سته‌می لێ نه‌كردو سنگی كوڕه‌كه‌ی به‌سه‌ردا نه‌شكانده‌وه‌, خوای په‌روه‌ردگار ده‌یخاته‌ به‌هه‌شته‌وه‌).
          

صفحات سایت

پیچک

ساخت وبلاگ در میهن بلاگ

شبکه اجتماعی فارسی کلوب | ساخت وبلاگ صوتی صدالاگ | سوال و جواب و پاسخ | رسانه فروردین، تبلیغات اینترنتی، رپرتاژ، بنر، سئو | Buy Website Traffic