ماڵپه‌ری ئیسلام كورد
Rss
Logo
ADS
زاراوه‌كانی قیرائات

مه‌تنی تحفة الأطفال

ته‌فسیری قورئانی پیرۆز

شێوازی نوێژی پێغه‌مبه‌ر

ئامۆژگاری بۆ موسڵمانان

كاتی بانگه‌كان&بانكبێژان

24 كاتژمێر راسته‌وخۆ

ئاماری ماڵپه‌ر
میوانانی سه‌رهێل

ژماره‌ى سه‌ردانه‌كان

ڕاپرسی ماڵپه‌ر
ئایا تا ئێستا سوودت له‌ ماڵپه‌ری ئیسلام كورد بینیوه‌؟؟؟

ماڵپه‌ره‌ كۆنه‌كه‌مان
عه‌لمانیه‌ت بناسه‌
گێژاوی مه‌دخه‌لیزم
مێژووی انصار الاسلام
فیرعه‌ونی زه‌مان و قه‌یرانی...

 

 

 

ئه‌م بابه‌ته‌ بڵاوكراوه‌ته‌وه‌
له‌ به‌شی : به‌شی فه‌رمووده‌,

 

٤٠ فه‌رمووده‌ له‌ فه‌رمووده‌كانی پێغه‌مبه‌ر (صلی الله علیه وسلم) به‌شی دووه‌م

ئاماده‌كردنی: به‌رزنجی

فه‌رمووده‌ی ٢١
(البِرُّ حُسنُ الخُلُقِ، وَلإثمُ ما حاكَ فی صَدرِكَ وَكَرِهتَ أنْ یطَّلِعَ عَلَیهِ النَّاس )
چاکه‌ی زۆر ڕه‌وشت جوانییه، گوناهیش ئه‌وه‌یه‌ که‌ له‌ دڵتا خورته‌خورت بکا و پێت ناخۆش بێت خه‌ڵکی پێی بزانێت. 
(رواه مسلم) 

فه‌رمووده‌ی ٢٢
(ما أَذِنَ اللهُ لِشَیءٍ ما أَذِنَ لِنَبِیَّ حَسَنِ الصَّوتِ یَتَغَنَّی بِالقرآنِ یَجهَرُ بِهِ )
خوا مۆڵه‌تی نه‌داوه‌ بۆ هیچ شتێک هه‌روه‌کوو مۆڵه‌تی داوه‌ به‌ پێغه‌مبه‌رێکی ده‌نگخۆش که‌ به‌ ئاوازه‌وه‌ به‌ ده‌نگی ئاشکرا قورئان بخوێنێته‌وه‌. 
(متفق علیه) 


فه‌رمووده‌ی ٢٣
(لا یَخلُوَنَّ أَحَدَكُم بإمرَأَةٍ إِلا مَعَ ذی رَحِمٍ مَحرَم )
هیچکه‌س له‌ ئێوه‌ له‌گه‌ڵ ئافره‌تێکدا گۆشه‌گیر نه‌بێ و له‌ شوێنی چۆڵدا له‌گه‌ڵی کۆ نه‌بێته‌وه‌ مه‌گه‌ر له‌گه‌ڵ که‌سێکی مه‌حره‌مدا. 
(متفق علیه) 

فه‌رمووده‌ی ٢٤
(نِعمَتانِ مَغبونٌ فیهِما كَثیرٌ مِنَ النَّاس: الصَّحَةُ والفَرَاغُ )
دوو نیعمه‌ت زۆر که‌س تیایدا خه‌ساره‌تمه‌ند و دۆڕاون: ته‌ندروستی و بێکاری و فه‌راغه‌ت (واته‌ ناتوانن به‌ شێوه‌ی شیاو و ته‌واو سوود له‌و دوو نیعمه‌ته‌ وه‌ربگرن). 
(رواه البخاری) 

فه‌رمووده‌ی ٢٥
(أَلمؤمِنُ القَویُّ خَیرٌ وَأَحبُ إلى الله مِنَ المُؤمِنِ الضَّعیفِ، وَفی كُلٍ خَیرٌ، أَحرِص عَلى مایَنفَعُكَ، وأستَعِن بِالله، وَلاَ تَعجَز، وَإن أَصابَكَ شَیءٌ فَلا تَقُل: لَو أنَّی فَعَلْتُ كانَ كذا وَكذا، وَلكِن قُل: قَدَّرَ الله وَمَا شآءَ فَعَل، فإنَّ (لَو) تَفتَحُ عَمَلَ الشَّیطانِ ... )
بڕواداری به‌هێز و بازوو باشتر و خۆشه‌ویستتره‌ لای خوا له‌ بڕواداری لاواز، به‌ڵام له‌ هه‌ردوو لایاندا خێر و چاکه‌ هه‌یه‌. سوور به‌ له‌سه‌ر ئه‌و شته‌ی که‌ سوودت پێ ئه‌گه‌یه‌نێ و به‌ خوا پشت ببه‌سته‌ و لاوازی مه‌نوێنه‌ ئه‌گه‌ر شتێکت تووش هات مه‌ڵێ: ئه‌گه‌ر وا و وام بکردایه‌ وا و وا ده‌بوو، به‌ڵکوو بڵێ: خوا وای بڕیارداوه ‌و هه‌رچیش خۆی مه‌یلی بێ ده‌یکا، چونکه‌ وشه‌ی (ئه‌گه‌ر) (ده‌رگای) کاری شه‌یتان ده‌کاته‌وه. 
(رواه مسلم) 

فه‌رمووده‌ی ٢٦
(مَا یُصیبُ المُسِلمَ مِنَ نَصَبِ وَلا وَصَبٍ وَلا هَمٍ وَلا حَزَنٍ وَلا أَذى وَلا غَم حتى الشَّوكَةَ یُشاكُّها، إِلا كَفَّرَ اللهُ بِها مِن خَطایاهُ )
هه‌رچییه‌ک که‌ تووشی موسڵمان دێت له ماندوویی و ناڕه‌حه‌تی و مه‌راق و خه‌فه‌ت و ئازار و خه‌م، ته‌نانه‌ت دڕکیش که‌ به‌ پێیدا ده‌چێت خوا به‌و شتانه‌ له‌ گوناهی هه‌ڵده‌وه‌رێنێت. 
(رواه مسلم) 

فه‌رمووده‌ی ٢٧
(لا تَزولُ قدَما عَبدٍ حتى یُسأَلَ عَن عُمُرهِ فیمَ أفناهُ، وَعَن عِلمِهِ فِیمَ فَعَلَ فیهِ، وَ عَن مالِهِ مِن أینَ اكتَسَبهُ وَفیمَ أنفَقَهُ، وَعَن جِسمِهِ فیمَ أَبلاهُ )
دوو پێ ی هیچ به‌نده‌یه‌ک ناترازێت تا (له‌ چوارشت) پرسیاری لێ نه‌کرێت: له‌ ته‌مه‌نی که‌ له‌ چیدا به‌سه‌ری بردووه‌، له‌ عیلم و زانستی که‌ له‌ چیدا به‌کاری هێناوه‌، له‌ سامانی که‌ له‌ کوێوه‌ په‌یدای کردووه‌ و له‌ چیدا به‌خشیویه‌تی وه‌ ‌له‌ لاشه‌ی که‌ له‌ چیدا تاقی کردووه‌ته‌وه؟ 
(رواه الترمذی و قال حدیث حسن صحیح) 

فه‌رمووده‌ی ٢٨
(عَلى كلُّ مُسلِمٍ صَدَقَةٌ، قَالَ: أَرَأیتَ إِن لَم یَجِد؟ قَالَ: یَعمَلُ بِیَدَیهِ فَیَنفَعُ نَفسَهُ وَیَتَصَدَّق، قَالَ: اَرَأیتَ إِن لَم یَستَطِع؟ قَالَ: یُعِینُ ذا الحاجةِ المَلهُوف. قالَ: أَرأَیتَ إِن لَم یَستَطِع؟ قَالَ : یأمُرُ بِالمعروفِ أوِالخَیرِ. قَالَ: أرَأیتَ إن لَم یَفعَل؟ قَال: یُمسِكُ عَنِ الشَرَّ فَإنَّها صَدَقَةٌ )
هه‌موو موسڵمانێک خێرکردنی له‌سه‌ره، یه‌کێ پرسی: ئه‌ی ئه‌گه‌ر نه‌یبوو ؟ فه‌رمووی: به‌ ده‌ستی خۆی ئیش بکات و سوود به‌ خۆی و غه‌یری خۆی بگه‌یه‌نێ، وتی: ئه‌ی ئه‌گه‌ر نه‌یتوانی؟ فه‌رمووی: یارمه‌تی خه‌ڵکی لێقه‌وماوی موحتاج بدات، وتی: ئه‌ی ئه‌گه‌ر نه‌یکرد؟ فه‌رمووی: خۆی بگرێ له‌ خراپه‌کردن، ئه‌وه‌ خۆی چاکه‌کردن و (صدقه)یه. 
(متفق علیه) 

فه‌رمووده‌ی ٢٩
(یَا أَیُّها النَّاسُ! مَن عَلِمَ شَیئاً فَلیَقُم بِهِ، وَمَن لَم یَعلَم فَلیَقُل اللهُ أَعلَم، فإنَ مِنَ العِلمِ أَن یَقُولَ الرَّجُلُ لِما لا یَعلَمُ: الله أعلمُ قالَ الله تَعالى لِنَبِیهِ: قُل ما أسأَلُكُم عَلَیهِ مَن أجرٍ وَما أَنَا مِنَ المُتَكَلَّفینَ )
ئه‌ی خه‌ڵکینه‌! هه‌رکه‌س شتێکی زانی با به‌ گوێره‌ی زانینه‌که‌ی جێبه‌جێی بکات و هه‌رکه‌س نه‌یزانی با بڵێت: خوا باشتر ده‌زانێت، چونکه‌ ئه‌مه‌ عیلمه‌ که‌ یه‌کێک سه‌باره‌ت به ‌شتێک که‌ نایزانێت بڵێت: خوا باشتر ده‌زانێت. خوا به‌ پێغه‌مبه‌ره‌که‌ی فه‌رمووه: تۆ بڵێ له‌سه‌ر گه‌یاندنی (ئه‌م په‌یامه‌) داوای هیچ پاداشتێکتان لێ ناکه‌م و من له‌و که‌سانه‌ نیم که‌ زۆر له‌ خۆیان ده‌که‌ن. 
(رواه البخاری) 

فه‌رمووده‌ی ٣٠
(إِنَّ المؤمِنَ لَیُدرِكُ بِحُسنِ الخُلُقِ دَرَجَةِ الصَّائِم القائِم )
بڕوادار به‌ ڕه‌وشتجوانی ده‌گاته‌ پله‌ی ڕۆژووگری شه‌وبێدار. 
(رواه ابو داود) 

فه‌رمووده‌ی ٣١
(جَاءَ رَجُلٌ إِلَى رَسُولِ الله فَقالَ: أَوصِنِیِ فَقالَ: لا تغضَب )
پیاوێک هاته‌ خزمه‌ت پێغه‌مبه‌ری خوا و عه‌رزی کرد: ئه‌ی پێغه‌مبه‌ری خوا ئامۆژگاریم بکه‌، فه‌رمووی: تووڕه‌ مه‌به‌ (له‌ ریوایه‌تێکدا سێ جار فه‌رمووی: تووڕه‌ مه‌به). 
(رواه البخاری) 

فه‌رمووده‌ی ٣٢
(أَیُّهَا النَّاس! إِنَّ الله طَیّبٌ لا یَقبَلُ إِلاّ طَیبا – وَإِنَّ الله أّمَرَ المؤمِنینَ بِما أَمَرَ بهِ المرسَلینَ، فَقالَ (یا أَیُّها الرُّسُلُ كُلوا مِنَ الطَیّباتِ وَاعمَلوا صالِحا) وَقالَ تَعالى: (یاأیها الذینَ آمنوا كُلُوا مِن طَیباتِ ما رَزَقناكُم) ثُمَّ ذَكرَ الرَّجُلَ یُطیلُ السَّفَرَ، أَشعَثَ أغبَرَ، یَمُدُّ یَدَیهِ إلى السَّمآء: یا ربُّ یا ربُّ! وَمَطعَمُهُ حَرامٌ وَمَشرَبُهُ حَرامٌ، وَغُذِیَ بِاالحرامِ فأنَّى یُستَجابُ لَه؟!.. )
ئه‌ی خه‌ڵکینه! به‌ڕاستی خوا خاوێنه‌ و هه‌رچی خاوێن نه‌بێت وه‌ری ناگرێت. به‌ڕاستی خوا ئه‌و فه‌رمانه‌ی که‌ به‌سه‌ر پێغه‌مبه‌رانیدا داوه‌ به‌سه‌ر موسڵمانانیشیدا داوه. فه‌رموویه‌تی: ئه‌ی پێغه‌مبه‌ران، له‌و شته‌ پاکوخاوێنه‌کان بخۆن و کاری چاکه‌ بکه‌ن، هه‌روه‌ها فه‌رموویه‌تی: ئه‌ی بڕواداران، له‌و شته‌ پاکوخاوێنانه‌ی که‌ پێمان داون بخۆن. پاشان پێغه‌مبه‌ری خوا (صلی الله علیه‌ وسلم) باسی که‌سێکی کرد که‌ له‌ سه‌فه‌ردا زۆری پێ ده‌چێ و سه‌روپرچی هاتووه‌ و ته‌پوتۆزاوییه ‌و دوو ده‌ستی به‌ره‌و ئاسمان به‌رز ده‌کاته‌وه‌ و (ده‌ڵێ): ئه‌ی په‌روه‌ردگارم، ئه‌ی په‌روه‌ردگارم! له‌ کاتێکدا که‌ خواردن و خواردنه‌وه‌ی حه‌رامه‌ و به‌ حه‌رام تێر کراوه، ئیتر چۆن پاڕانه‌وه‌ی گیرا ده‌بێ و چۆن وه‌ڵامی ده‌درێته‌وه؟! 
(رواه مسلم)
 
فه‌رمووده‌ی ٣٣
( ما مِن یَومِ یُصبِحُ العِبادُ فِیهِ إِلا مَلَكَان یَنـزلانِ، فَیَقُلُ أَحَدُهُما: (اللهمُ أعطِ مُنفِقاً خَلَفاً، وَیَقولَ الآخرُ: اللَّهمَّ أَعطِ مُمسِكاً تَلَفاً) 
هیچ شه‌وێ ڕۆژ له‌ به‌نده‌کانی خوا نابێته‌وه‌ مه‌گه‌ر دوو فریشته‌ دێنه‌ خواره‌وه‌ و یه‌کێکیان ده‌ڵێت: خوایه هه‌رکه‌س سامانی ده‌به‌خشێت و (ێدقه) ده‌کات ماڵی تری پێ بده، ئه‌وه‌ی تریشیان ده‌ڵێت: خوایه‌ هه‌رکه‌س ده‌ستی قوچاندووه‌ و له‌ دارایی خۆی نابه‌خشێ ماڵه‌که‌ی له‌نێو به‌ره ‌و بیفه‌وتێنه. 

فه‌رمووده‌ی ٣٤
 (أَیُّكم مَالُ وارثِهِ أَحَبُّ إلَیهِ مِن مالِهِ. قالُوا: یا رَسُلَ الله! ما مِنا إلا مَالُهُ أَحَبُّ إِلَیهِ. قال: فإِنَّ مالَهُ ما قَدَّم و مَالُ وَارِثِهِ ما أَخَّرَ )
کێ له‌ ئێوه‌ ماڵی خۆی له‌ لا خۆشه‌ویستتره؟ وتیان: ئه‌ی پێغه‌مبه‌ری خوا، هه‌موومان ماڵی خۆمان له‌ لا خۆشه‌ویستتره. فه‌رمووی: ده‌ی به‌ڕاستی هه‌رکه‌س ماڵی خۆی ئه‌وه‌یه‌ که‌ پێشی خۆی خستووه‌ و به‌خشیویه‌تی و ماڵی میراتبه‌ره‌که‌ی ئه‌وه‌یه‌ که‌ هێشتوویه‌تییه‌وه (چونکه‌ بۆ ئه‌و به‌جێ ده‌مێنێت). 
(رواه البخاری) 

فه‌رمووده‌ی ٣٥ 
(لا یَبْلُغُ العَبْدُ أَنْ یَكونَ مِنَ المُتَقّینَ حَتّى یَدَعَ ما لا بَأْسَ بِهِ حَذَراً مِمَّا بِهِ بَأسْ )
به‌نده‌ی خوا ناگاته‌ ڕاده‌یه‌ک که‌ بچێته‌ ڕیزی له‌خواترسان و (متقی)یه‌کان تا واز له‌و شتانه‌ دێنێت که‌ له‌ ڕووی شه‌رعییه‌وه‌ گیروگرفتیان له‌سه‌ر نییه، له‌ ترسی ئه‌وه‌ی که‌ نه‌بێ به‌ تووشی ئه‌و شتانه‌وه‌ که‌ له‌ ڕووی شه‌رعییه‌وه‌ په‌سه‌ند نین. 
(رواه الترمذی و قال حدیث حسن) 

فه‌رمووده‌ی ٣٦
 (إیّاكُم وَالدُّخُلُ عَلى النَّساءِ، فَقَالَ رَجُلٌ مِنَ الأنصارِ: أَفَرَأَیتَ الحَمْوَ؟ قَالَ: الحَموُ المَوتُ )
وریا بن خۆتان له‌ چوونه‌ لای ئافره‌تان (به‌ته‌نیایی) بپارێزن، پیاوێک له‌ یاریده‌ده‌ران فه‌رمووی: ئه‌ی خزمی نزیکی ژن بۆ بۆ پیاوه‌که‌ی یا به‌پێچه‌وانه‌وه‌ (واته‌ ماڵه‌ خه‌زوورانی هه‌ردوولا بۆ یه‌کتر وه‌کوو ژنخوشک بۆ پیاو، یا هێوه‌ر بۆ ژن) حوکمی چۆنه‌ ؟ فه‌رمووی: ئه‌وه‌ هه‌ر مه‌رگه. (واته‌ مه‌رگ له‌و کاره‌ چاکتره‌ یا ئه‌و کاره‌ مرێنه‌ره) دیاره‌ ئه‌وه‌ ده‌گه‌یه‌نێت که‌ حوکمه‌که‌ی توندتره‌، چونکه‌ جێگه‌ی گومان نییه‌ و خه‌ڵکی تووشبوونی گوناهـ به‌دوور ده‌زانن و به‌و هۆیه‌وه‌ شه‌یتان زیاتر له‌ که‌میندایه. 
(متفق علیه) 

فه‌رمووده‌ی ٣٧
(إِذا آوَى أحَدُكُم إِلى فِراشِهِ فَلْیَنفِضْهُ بِداخِلَةِ إزارِهِ فَإنَّهُ لا یَدرِی ما خَلْفَهَ عَلَیهِ، ثُمَّ لیَقُلْ: باِسمِكَ رَبّی وَضَعتُ جَنبی وَبِكَ أَرفَعُهُ. إن أَمسَكتَ نَفسی فَارحمها وَإن أَرسَلتَها فَاحفَظها بِما تَحفَظُ بِهِ عِبادَكَ الصَّالِحینَ )
گه‌ر که‌سێکتان چووه‌ ناو جێگای نووستن باجێوبانه‌که‌ی بته‌کێنێت، چونکه‌ نازانێ چی تیا به‌جێ ماوه‌ (واته‌ ده‌گونجێت جانه‌وه‌رێک یا شتێکی ئازارده‌ری تێدا بێت)، پاشان بڵێت: به ‌ناوی تۆوه‌ ئه‌ی په‌روه‌ردگارم ڕاکشام و به‌ناوی تۆشه‌وه‌ هه‌ڵده‌ستمه‌وه. ئه‌گه‌ر له‌م نوستنه‌مدا گیانت کێشام ڕه‌حمی پێ بکه‌ و ئه‌گه‌ر گیانیشت نه‌کێشام به‌و شێوه‌یه‌ی گیانی پیاوچاکانی خۆتی پێ ده‌پارێزی، بیپارێزه. 
(متفق علیه) 

فه‌رمووده‌ی ٣٨
(أَللّهُمَّ إِنیِ أَسألُكَ الهُدى والتَّقى والعَفَافَ وَالغَنِنى )
ئه‌ی خوایه، به‌ ڕاستی من ڕێنمایی و له‌خواترسان و داوێنپاکی و قه‌ناعه‌ت و بێئیحتیاجی هه‌ر له‌ تۆ داوا ئه‌که‌م. 
( رواه مسلم ) 

فه‌رمووده‌ی ٣٩
 (مَن خافَ أدلَجَ، وَمَن أَدلَجَ بَلَغَ المَنـزِلَ، ألا إِنّ سِلعَةَ اللهِ غالِیَة أَلا إِنَّ سِلعَةَ الله الجَنَّة )
هه‌رکه‌سێ بترسێ (زوو و له‌ سه‌ره‌تای شه‌وی ته‌مه‌نیدا) ده‌که‌وێته‌ ڕێ وه‌ هه‌رکه‌س زوو بکه‌وێته‌ ڕێ ده‌گاته‌ مه‌نزڵ، ئاگادار بن به‌ڕاستی کاڵای خوا گرانه، ئاگادار بن کاڵای خوا به‌هه‌شته. 
(رواه الترمذی و قال حدیث حسن) 

فه‌رمووده‌ی ٤٠
 (بَادِرًوا بِالأَعمَالِ سَبعاً، هَل تَنظُرونَ إِلاّ: فَقرأ مَنسیا، أو غَنِیَ مَطغِیا، أَو مَرَضاً مُفسداً، أَو هَرماً مُفنِدا، أو مَوتاً مُجهِزا، أَوِ الدَّجال، فَشَرُّ غائِبٍ یُنتَظَر، أَو السّاعة والساعَةُ أَدهَى وَأَمَر )
له‌ حه‌وت کاردا ده‌ستپێشخه‌ری بکه‌ن، ئێوه‌ جگه‌ له‌م حه‌وت شته‌ چاوه‌ڕوانی چی تر ده‌که‌ن ؟: هه‌ژارییه‌ک که‌ شتتان له‌بیر ده‌باته‌وه یا ده‌وڵه‌مه‌ندییه‌ک که‌ سه‌رکه‌شتان ده‌کات یا نه‌خۆشییه‌ک که‌ ئه‌تانفه‌وتێنێت یا پیرییه‌ک که‌ ئه‌تانخڵافێنێت یا مردنێک که‌ ئه‌تان بڕێته‌وه‌ یا ده‌ججال که‌ خراپترین گومبووی چاوه‌ڕوانکراوه یا دواڕۆژ که‌ زۆر تاڵ و ناسۆرتره. 
(رواه الترمذی و قال حدیث حسن).
          

صفحات سایت

پیچک

ساخت وبلاگ در میهن بلاگ

شبکه اجتماعی فارسی کلوب | اخبار کامپیوتر، فناوری اطلاعات و سلامتی مجله علم و فن | ساخت وبلاگ صوتی صدالاگ | سوال و جواب و پاسخ | رسانه فروردین، تبلیغات اینترنتی، رپرتاژ، بنر، سئو