تبلیغات
ماڵپه‌ری ئیسلام كورد
Rss
Logo
ADS
زاراوه‌كانی قیرائات

مه‌تنی تحفة الأطفال

ته‌فسیری قورئانی پیرۆز

شێوازی نوێژی پێغه‌مبه‌ر

ئامۆژگاری بۆ موسڵمانان

كاتی بانگه‌كان&بانكبێژان

24 كاتژمێر راسته‌وخۆ

ئاماری ماڵپه‌ر
میوانانی سه‌رهێل

ژماره‌ى سه‌ردانه‌كان

ڕاپرسی ماڵپه‌ر
ئایا تا ئێستا سوودت له‌ ماڵپه‌ری ئیسلام كورد بینیوه‌؟؟؟

ماڵپه‌ره‌ كۆنه‌كه‌مان
عه‌لمانیه‌ت بناسه‌
گێژاوی مه‌دخه‌لیزم
مێژووی انصار الاسلام
فیرعه‌ونی زه‌مان و قه‌یرانی...

 

 

 

ئه‌م بابه‌ته‌ بڵاوكراوه‌ته‌وه‌
له‌ به‌شی : بابه‌تی هه‌مه‌جۆر,

 

گه‌وره‌یی وپاداشتی سه‌ردانی کردنی نه‌خۆش


ئاماده‌كردنی: م،ئه‌بوبه‌كر ئه‌حمه‌د

بسْمِ اللَّهِ الرَّحْمَنِ الرَّحیمِ

إِنَّ الْحَمْدَ لِلَّهِ نَحْمَدُهُ وَنَسْتَعِینُهُ وَنَسْتَغْفِرُهُ وَنَعُوذُ بِاللَّهِ مِنْ شُرُورِ أَنْفُسِنَا وَسَیِّئَاتِ أَعْمَالِنَا مَنْ یَهْدِهِ اللَّهُ فَلاَ مُضِلَّ لَهُ وَمَنْ یُضْلِلْ فَلاَ هَادِىَ لَهُ وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِیكَ لَهُ وَأَشْهَدُ أَنَّ مُحَمَّداً عَبْدُهُ وَرَسُولُهُ أَمَّا بَعْدُ ...


باوه‌ڕدارى خۆشه‌ویست: مرۆڤى باوه‌ڕدار ده‌بێت به‌رده‌وام له‌ هه‌وڵى ئه‌وه‌دابێت كه‌ چى بكات بۆئه‌وه‌ى په‌روه‌ردگار لێى ڕازى بێت و له‌تاوانه‌كانى خۆش بێت، وه‌ چى بكات بۆئه‌وه‌ى خواى گه‌وره‌ لێى توڕه‌نه‌بێت و سزاى نه‌دات، وه‌ یه‌كێك له‌و كردارانه‌ى كه‌ په‌روه‌ردگار پێى ڕازییه‌و پاداشتى تایبه‌تى بۆ داناوه‌، بریتیه‌ له‌ سه‌ردانى كردن و به‌سه‌ركردنه‌وه‌ى نه‌ خۆش

به‌دڵنیایى فه‌زڵ و گه‌وره‌یى و پاداشتى سه‌ردنى كردن و به‌سه‌ر كردنه‌وه‌ى نه‌خۆش گه‌لێك زۆره‌ به‌پشتیوانى خواى په‌روه‌ردگار هه‌ندێك له‌و پاداشت و خێرانه‌ باس ده‌كه‌ین كه‌به‌هۆى سه‌ر دانیكردنى نه‌خۆشه‌وه‌ ده‌ستمان ده‌كه‌وێت له‌وانه‌:



یه‌كه‌م: سه‌ردانى كردنى نه‌خۆش جێ به‌جێكردنى فه‌رمانى پێغه‌مبه‌رى خوایه‌ (صلی الله‌ علیه‌ وسلم) .

هاوه‌ڵى خۆشه‌ویست به‌ڕائى كورِى عازب (ڕه‌زای خوای لێبێت) ده‌فه‌رمووێت: ( أَمَرَنَا رَسُولُ اللَّهِ (صلی الله‌ علیه‌ وسلم) بِسَبْعٍ وَنَهَانَا عَنْ سَبْعٍ، أَمَرَنَا: بِعِیَادَةِ الْمَرِیض ) رَواهُ الْبُخَاریّ (1239) .واته‌: فه‌رمانى پێ كردوین پێغه‌مبه‌رى خوا (صلی الله‌ علیه‌ وسلم) به‌حه‌وت شت، وه‌ ڕێ گریشى لێكردووین له‌ حه‌وت شت، فه‌رمانى پێكردووین: به‌ سه‌ردانى كردن نه‌خۆش .




دووه‌م: هه‌ر موسڵمانێك سه‌ردانى نه‌خۆش بكات مه‌لائیكه‌ته‌كان داواى لێخۆش بوونى بۆ ده‌كه‌ن.

پێغه‌مبه‌رى خوا (صلی الله‌ علیه‌ وسلم) فه‌رموویه‌تى: ( مَا مِنْ مُسْلِم یَعُود مُسْلِمًا غَدْوَة إِلاَّ صَلَّى عَلَیْهِ سَبْعُونَ أَلْف مَلَك حَتَّى یُمْسِی وَإِنْ عَادَ عَشِیَّة إِلاَّ صَلَّى عَلَیْهِ سَبْعُونَ أَلْف مَلَك حَتَّى یُصْبِح وَكَانَ لَهُ خَرِیف فِی الْجَنَّة ) صَحِیح الْجَامِع (5767). واته‌: هیچ موسڵمانێك نییه‌ كه‌ سه‌ردانى موسڵمانێك بكات له‌ به‌یانیدا ئیللا حه‌فتا هه‌زار مه‌لائیكه‌ت بۆى ده‌پاڕێنه‌وه‌و داواى لێخۆش بوونى بۆ ده‌كه‌ن تاكو ئێوه‌ره‌، وه‌ ئه‌گه‌ر له‌ ئێواه‌دا سه‌ردانى موسڵمانێك بكات ئیللا حه‌فتا هه‌زار مه‌لائیكه‌ت بۆى ده‌پاڕێنه‌وه‌و داواى لێخۆش بوونى بۆ ده‌كه‌ن تاكو به‌یانى، وه‌ باخێكى له‌ به‌هه‌شتدا پێده‌به‌خشرێت .



سێ یه‌م: هه‌ر موسڵمانێك سه‌ردانى نه‌خۆش بكات ئه‌وا به‌هه‌شتى بۆ مسۆگه‌ر ده‌بێت .

پێغه‌مبه‌رى خوا(صلی الله‌ علیه‌ وسلم) فه‌رموویه‌تى: ( خَمْسٌ مَنْ فَعَلَ وَاحِدَةً مِنْهُنَّ كَانَ ضَامِنًا عَلَى اللَّهِ مَنْ عَادَ مَرِیضًا ) صَحِیح الْجَامِع للشَّیْخ الأَلْبَانی (3253) .واته‌: پێنج شت هه‌یه‌ هه‌ر موسڵمانێك یه‌كێكیان ئه‌نجام بدات, ئه‌وا په‌روه‌ردگار به‌هه‌شتى بۆ مسۆگه‌ر ده‌كات: هه‌ر موسڵمانێك سه‌ردانى نه‌خۆش بكات .



چواره‌م: هۆكاره‌ بۆ بیرهاتنه‌وه‌ى قیامه‌ت .

پێغه‌مبه‌رى خوا (صلی الله‌ علیه‌ وسلم) فه‌رموویه‌تى: ( عُودُوا الْمَرِیضَ وَاتَّبِعُوا الْجَنَازَةَ تُذَكِّرُكُمُ الآخِرَةَ ) صَحِیح الْجَامِع (4109) .واته‌: سه‌ردانى نه‌خۆش بكه‌ن و به‌سه‌رى بكه‌نه‌وه‌، وه‌ شوێنى جه‌نازه‌ش بكه‌ون، چونكه‌ ڕۆژى دوایتان بیرده‌خاته‌وه‌.



پێنجه‌م: سه‌ردانى كردنى نه‌خۆش پاداشتى  زۆر گه‌وره‌و بێ سنورى هه‌یه‌ .

پێغه‌مبه‌رى خوا (صلی الله‌ علیه‌ وسلم) فه‌رموویه‌تى: ( مَنْ عَادَ مَرِیضًا أَوْ زَارَ أَخًا لَهُ فِى اللَّهِ نَادَاهُ مُنَادٍ أَنْ طِبْتَ وَطَابَ مَمْشَاكَ وَتَبَوَّأْتَ مِنَ الْجَنَّةِ مَنْزِلاً ) صَحِیح الْجَامِع (6387) .واته‌: هه‌ركه‌سێك سه‌ردانى نه‌خۆشێك بكات، یاخود برایه‌كى موسڵمانى به‌سه‌ربكاته‌وه‌، به‌ڵام له‌به‌ر ڕه‌زامه‌ندى خواى په‌روه‌ردگار بێت ( نه‌ك بۆ به‌رژه‌وه‌ندى دونیایى )، ئه‌وا بانگه‌وازكارێك بانگ ده‌كات و ده‌ڵێت: په‌روه‌ردگار ژیان و گوزه‌رانت خۆش و به‌خته‌وه‌ر بكات، وه‌ هه‌نگاو نانت خۆش و دروست بكات، وه‌ جێگه‌یه‌كت بۆ ساز بكرێت له‌ به‌هه‌شتدا .



شه‌شه‌م: جێ به‌جێكردنى مافێكه‌ له‌ مافه‌كانى موسڵمان له‌سه‌ر موسڵمان .

پێغه‌مبه‌رى خوا (صلی الله‌ علیه‌ وسلم) فه‌رموویه‌تى: ( حَقُّ الْمُسْلِمِ عَلَى الْمُسْلِمِ سِتٌّ، قِیلَ مَا هُنَّ یَا رَسُولَ اللَّهِ قَالَ: إِذَا لَقِیتَهُ فَسَلِّمْ عَلَیْهِ وَإِذَا دَعَاكَ فَأَجِبْهُ وَإِذَا اسْتَنْصَحَكَ فَانْصَحْ لَهُ وَإِذَا عَطَسَ فَحَمِدَ اللَّهَ فَسَمِّتْهُ وَإِذَا مَرِضَ فَعُدْهُ وَإِذَا مَاتَ فَاتَّبِعْهُ ) رَواهُ مُسْلِم (5616) .واته‌: مافى موسڵمان به‌سه‌ر موسڵمانه‌وه‌ شه‌شه‌، ووترا: چین؟ ئه‌ى پێغه‌مبه‌رى خوا (صلی الله‌ علیه‌ وسلم) ئه‌ویش فه‌رمووى: ئه‌گه‌ر پێى گه‌یشتیت سه‌لامى لێبكه‌ى، وه‌ ئه‌گه‌ر بانگیكردى و ده‌عوه‌تى كردیت ئه‌وا به‌ده‌نگێوه‌ بچى و وه‌ڵامى بده‌یته‌وه‌، وه‌ ئه‌گه‌ر پژمى و وتى (الحمد اللَّه), ئه‌وا دوعاى خه‌یرى بۆبكه‌ى، وه‌ ئه‌گه‌ر داواى ئامۆژگارى لێ كردى ئه‌وا ئامۆژگارى بكه‌ى، وه‌ ئه‌گه‌ر نه‌خۆش كه‌وت سه‌ردانى بكه‌یت و به‌سه‌رى بكه‌یته‌وه‌، وه‌ ئه‌گه‌ر مرد ئه‌وا شوێنى جه‌نازه‌كه‌ى بكه‌وه‌ى .



حه‌وته‌م: هه‌ر موسڵمانێك سه‌ردانى نه‌خۆشێك بكات و بۆى بپاڕێته‌وه‌ ئه‌وا په‌روه‌ردگار شیفاى بۆ ده‌نێرێت .

پێغه‌مبه‌رى خوا (صلی الله‌ علیه‌ وسلم) فه‌رموویه‌تى: هیچ موسڵمانێك نییه‌ كه‌ سه‌ردانى نه‌خۆشێك بكات و حه‌وت جار بڵێت:( أَسْأَلُ اللَّهَ الْعَظِیمَ، رَبَّ الْعَرْشِ الْعَظِیمِ، أَنْ یَشْفِیَكَ إِلاَّ عُوفِىَ ) صَحِیح الْجَامِع (5766) .واته‌: داوا ده‌كه‌م له‌ خواى گه‌وره‌و مه‌زن، په‌روه‌ردگارى عه‌رشى مه‌زن، كه‌ شیفات بدات، ئیللا ئه‌وكه‌سه‌ خواى په‌روه‌ردگار شیفاى بۆ ده‌نێرێت و چاك ئه‌بێته‌وه‌، ( به‌مه‌رجێك ئه‌و كه‌سه‌ ئه‌جه‌لى نه‌هاتبێت ) .



له‌ كۆتایدا... ئه‌مه‌ گوڵبژێرێك بوو له‌ گه‌وره‌یى و پاداشتى سه‌ردانى كردن و به‌سه‌ركردنه‌وه‌ى نه‌خۆش .



باوه‌ڕدارى خۆشه‌ویست:  سه‌ردانى كردنى نه‌خۆش چه‌ند ئه‌ده‌ب و ئاكارێكى هه‌یه‌ پێویسته‌ باوه‌ڕدار جێ به‌جێى بكات  له‌وانه‌:


(1) ده‌بێت زۆر له‌لاى نه‌خۆشه‌كه‌ دانه‌نیشێت، به‌ جۆرێك كه‌ نه‌خۆشه‌كه‌و كه‌س و كارى بێزار بێت .


(2) پێویسته‌ له‌كاتى گونجاودا بچێت بۆسه‌ردانى نه‌خۆش .


(3) ده‌بێت بۆ نه‌خۆشه‌كه‌ بپاڕێته‌وه‌و دوعاى خێرى بۆ بكه‌ى


(4) ده‌بێت زۆر پرسیار له‌ نه‌خۆش نه‌كرێت .


(5) ده‌بێت ئه‌و كه‌سه‌ى سه‌ردانى نه‌خۆش ده‌كات پۆشاكى پاك له‌به‌ر بكات و بۆنى خۆش له‌ خۆى بدات .


(6) نابێت هه‌واڵى ناخۆش بۆ نه‌خۆش باس بكرێت .



وَآخِرُ دَعْوانا أَنِ الْحَمْدُ لِلّهِ رَبِّ الْعَالَمینَ



وَ الصَّلاة وَالسَّلامُ عَلَى نَبِیّنَا مُحَمَّد وَعَلَى آلهِ وَصَحْبهِ  أَجمَعین .

          

صفحات سایت

پیچک