تبلیغات
ماڵپه‌ری ئیسلام كورد
Rss
Logo
ADS
زاراوه‌كانی قیرائات

مه‌تنی تحفة الأطفال

ته‌فسیری قورئانی پیرۆز

شێوازی نوێژی پێغه‌مبه‌ر

ئامۆژگاری بۆ موسڵمانان

كاتی بانگه‌كان&بانكبێژان

24 كاتژمێر راسته‌وخۆ

ئاماری ماڵپه‌ر
میوانانی سه‌رهێل

ژماره‌ى سه‌ردانه‌كان

ڕاپرسی ماڵپه‌ر
ئایا تا ئێستا سوودت له‌ ماڵپه‌ری ئیسلام كورد بینیوه‌؟؟؟

ماڵپه‌ره‌ كۆنه‌كه‌مان
عه‌لمانیه‌ت بناسه‌
گێژاوی مه‌دخه‌لیزم
مێژووی انصار الاسلام
فیرعه‌ونی زه‌مان و قه‌یرانی...

 

 

 

ئه‌م بابه‌ته‌ بڵاوكراوه‌ته‌وه‌
له‌ به‌شی : گـۆشه‌ی ئافره‌تان, خێـزان و په‌روه‌رده‌,

 

ئافرەتی دانا كلیلی بەختەوەریی خێزانە!


ئاماده‌كردنی: به‌رزان ئالانی

ئایا ئافرەت دەتوانێت نەریتە نێگەتیفەكانی هاوسەرەكەی بگۆڕێت؟ - بێگومان ئافرەتی دانا دەتوانێت هاوسەرەكەی بگۆڕێت، هەرچەندە سروشتی ڕەق‌و توندو وشك بێت‌و خاوەنی سیفات گەلێكی نەرێنی وەكو بەسەراقیژاندن‌و دەنگ بەرزكردنەوەی لە ڕادەبەدەرو جنێودان‌و ناوناتۆرەو كەللەڕەقی بێت‌و هەوڵی چارەسەری هیچ ناكۆكییەك نەداو كۆتایی بە هیچ گرفت‌و تەنگ‌و چەڵەمەیەك نەهێنێت، بەردەوام شتی بچووك گەوەر بكات‌و گرفت زیاد بكات‌و هەوڵی تێكدانی ژیانی هاوسەری بدات.

 

- شارەزایان لەو باوەڕەدان كە ئافرەتی ژیرو دانا دەتوانێت هەموو ئەم سیفەتانە بگۆڕێت بۆ سیفەتی جوان‌و ئەرێنی، بێگومان بە ئارامی‌و لەسەرخۆیی‌و دانایی، داناكان خاوەنی گۆچانی ئەفسوناویی نین، بەڵكو خاوەنی ژیری‌و دانایی‌و ئارامین، چارەسەری هەموو گرفتێك بە

لە یەك تێگەیشتن‌و گفتوگۆ دەكرێت، هەموو گفتوگۆو قسەكردنێكیش، پێویستە دوور لە توڕەبوون‌و ڕووگرژی بێت، ئەگەرنا دەبێتە كێشەوگرفت، هەروەها پێویستە لە كاتی گونجاودا قسە لەسەر گرفتەكان بكرێت، هەرگیز بابەتی جەدەل‌و گفتوگۆ مەكەرەوە كاتێك هاوسەرەكەت بە ماندوویی لەسەر كارەكەی دەگەڕێتەوە، یان لە كاتی خەوتن‌و پشووداندا، بۆئەوەی داواكارییەكانت جێبەجێ بكرێت، پێویستە كاتێكی گونجاوو وشەو گوتاری جوان هەڵبژێریت!
- بێدەنگبوون‌و ئارامی لە چركەساتی كێشەو گرفت‌و توڕەبووندا، بە واتای لاوازی‌و بێدەسەڵاتی نایەت، بەڵكو مانای هێزو دەسەڵاتی ڕاستەقینەو ژیریی‌و داناییە، هەروەكو پێشەوای مرۆڤایەتی (سەلامی خوای لێبێت) دەفەرمووێت: (ئازا ئەو كەسە نییە كە لە زۆرانبازیدا سەردەكەوێت، بەڵكو ئازا ئەو كەسەیە كە دەتوانێت لە كاتی توڕەبووندا كۆنترۆڵی خۆی بكات)!
- بێگومان هیچ پەیوەندییەك بەبێ جیاوازی لە بیروڕا‌وبۆچووندا بوونی نییە، چ لەگەڵ هاوسەر، یان كەس‌وكار، یان دۆستان‌و هاوڕێیان، بەڵام نابێت ئەم جیاوازییە بگۆڕین بۆ تێڕوانینمان بەرەو كێشەو گرفت، لەوەش گرنگتر پەرچەكردارمان لە كاتی گرفتەكەدا، هەرچەندە مرۆڤ ئارام‌و لەسەرخۆبێت، چارەسەری گرفت‌و كێشەكان ئاسانترو خێراتر دەبێت!
- ژیانی هاوسەرێتی بریتی نییە لە شەڕو ئاژاوەو ناخۆشی، هاوسەر دوژمن‌و ناحەزی تۆ نییە، لەبەرئەوە پێویست بە كەللەڕەقی‌و دژایەتیكردن ناكات، چونكە هەر گرفت‌و كێشەیەك لە ژیانی هاوسەریدا زەرەرو زیانەكەی بۆ هەردوولا دەگەڕێتەوە، لە هەمان كات هەر دەستكەوت‌و قوربانیدان‌و سازشكردنێك لە پێناوی یەكتریدا، داهات‌و دەرەنجامەكەی بۆ هەردوولایە.
- گەر دەزانیت هەر بابەتێك هاوسەرەكەت نیگەران دەكات، پێویست ناكات لەبارەیەوە بدوێیت، چونكە بە دڵنیاییەوە ناگەنە ئەنجام، باشتر وایە نامەیەكی بۆ بنووسیت‌و تیایدا بیروڕای خۆتی بۆ ڕوون بكەیتەوە..
- هەرگیز مەخەوە، كاتێك هاوسەرەكەت توڕەیە، یان نیگەرانە، گەر هاوسەرەكەت هەڵوێستێكی نواند تۆی نیگەران كرد، تۆ وابیربكەرەوە كە ئەو مەبەستی نیگەرانكردنی تۆ نەبووە، تۆ هاوسەرو خۆشەویست‌و هاودەمی ژیانی ئەویت، ڕەنگە بە هۆی ماندوویی‌و زۆری كاركردنییەوە بووبێت، یاخود نەیزانیبێت كە ئەو هەڵوێستە تۆ نیگەران دەكات، یان هۆكارێك هەیە كە هێشتا تۆ دركت پێنەكردووە، بەڵام لە كۆتاییدا دەردەكەوێت كە بۆ بەرژەوەندی تۆ بووە، (دڵنیابە ئەگەر هاوسەرەكەت خۆشی نەوێیت، ئامادە نەدەبوو لەگەڵ تۆدا بەردەوامی بە ژیان بدات، كەواتە هەمیشە گومانی باشی پێببەو خۆت لە گومانی خراپ بە دووربگرە)!
- ئه‌گه‌رچی هاوسەرەكەت سروشتی ناخۆش‌و توڕەو جنێوفرۆش‌و ناوناتۆرەو دەم بەهاوار بێت‌و بەناڕەحەت تێبگات، دڵنیابە تۆ تەنها كەسێكی كە دەتوانیت بیگۆڕیت.
هەرچەندە ئەو قسەی ناخۆش بكات، هەرگیز نەكەیت تۆ هەمان شێوەو ڕەفتاری ئەو دووبارە بكەیتەوە، تەنانەت ئەگەر ویستی ئەو لەگەڵتدا گاڵتەجاڕی بوو، وای لێبكە كە ئەو هەست بكات تۆ هەرگیز شێوەو ڕەفتاری ئەو بەكارناهێنیت، پێی بڵێ كە تۆ پەروەردەكاری، ئاكارو ڕەفتار‌و كانزایەكی پاكت هەیە، ڕێگەت نادات ئەو جۆرە وتەو ڕەفتارانە بەكاربهێنیت.
- متمانەت هەبێت كە مرۆڤ دەگۆڕێت، بێگومان تا سەر جنێوفرۆش‌و قسەناخۆش نابێت، ئەو كات دەبێتە كەسێكی بەڕێز، كەسی بەڕێزیش شەرم لە خۆی دەكات‌و پێویست بە ئاڕاستەكردن‌و سەرزەنشتكردن ناكات.
- وردەكاربە لە قسەكانتدا: ئەمە گرفتی زۆرینەی هاوسەرانە بە پیاوو ئافرەتەوە، زۆربەی هۆكارەكەشی دەگەڕێتەوە بۆ جیاوازی بیروڕایان، كێشەیەكی گەورە لە نێوانیان دروست دەبێت، بە هۆی وشەیەكەوە كە ئافرەتەكە، یان پیاوەكە بەكاریدەهێنێت، بە هۆی تەنها وشەیەكەوە كە ڕەنگە لە كاتی توڕەیی، یان ماندووبووندا بێت، بۆماوەی چەند ڕۆژێك كار لە پەیوەندی نێوانیان دەكات‌و سەرجەم هەستەكان لە چركەساتێكدا هەڵدەگەڕێتەوە، خۆشەویستی دەگۆڕێت بۆ ڕق‌و كین، سۆزو بەزەیی دەبێتە توڕەیی..
- بۆئەوەی پەیوەندی هاوسەری سەركەوتوو بێت، پێویستە سەرنجمان لەسەر هەندێك وشە چڕ نەكەینەوە.
- پێویستە هەمیشە گومانی باش بەریت بە هاوبەش‌و هاودەمی ژیانت، ئەو كەسەی خۆشی دەوێیت، هەرگیز هەستەكانت بریندار ناكات‌و ناڕەحەت‌و بێزارت ناكات، دڵنیابە هاودەم‌و هاوخەمی ژینت بە دەربڕینی ئەو وشەیە مەبەستی بێزاركردن‌و برینداركردنی هەستەكانت نەبووە، دەتوانیت لەو كاتانەدا تۆ پەرچەكردارت پێچەوانە بێت، بە سۆزەوە مامەڵەی لەگەڵدا بكە، دڵنیابە ئەو كێشەیەكی هەیە، یان لە كارەكەیدا ماندوو بووە، لەبەرئەوە ئەگەر هاوسەرەكەت قسەیەكی كرد تۆ نیگەران بوویت، ئەوا دەبێت واگومانی پێببەیت كە بە هەڵە ئەو وشەیەی لەدەم دەرچووە، یان بە هۆی ماندووی‌و كێشەو گرفتەكانییەوە، یان بە هۆی كێشەیەكی داراییەوە که‌ لای تۆ باسی نەكردووە، بۆئەوەی تۆ نیگەران نەبیت.
          

صفحات سایت

پیچک