تبلیغات
ماڵپه‌ری ئیسلام كورد
Rss
Logo
ADS
زاراوه‌كانی قیرائات

مه‌تنی تحفة الأطفال

ته‌فسیری قورئانی پیرۆز

شێوازی نوێژی پێغه‌مبه‌ر

ئامۆژگاری بۆ موسڵمانان

كاتی بانگه‌كان&بانكبێژان

24 كاتژمێر راسته‌وخۆ

ئاماری ماڵپه‌ر
میوانانی سه‌رهێل

ژماره‌ى سه‌ردانه‌كان

ڕاپرسی ماڵپه‌ر
ئایا تا ئێستا سوودت له‌ ماڵپه‌ری ئیسلام كورد بینیوه‌؟؟؟

ماڵپه‌ره‌ كۆنه‌كه‌مان
عه‌لمانیه‌ت بناسه‌
گێژاوی مه‌دخه‌لیزم
مێژووی انصار الاسلام
فیرعه‌ونی زه‌مان و قه‌یرانی...

 

 

 

ئه‌م بابه‌ته‌ بڵاوكراوه‌ته‌وه‌
له‌ به‌شی : چیرۆك و به‌سه‌رهات,

 

هیوا گەیاندمییە ئامانجەكەم!


ئاماده‌كردنی:بێگه‌رد فارس

كاتێك دایە گیانم گیانی سپاردووە، ته‌مه‌نم دوو ساڵان بووه‌، بە داخەوە تا ئێستاش نازانم چ شێوەیەكی هەبووە تا بیری لێ بكەمەوە، ئەو ساتانەش كە باسی دایك دەكرێت هەستێكی خەمبار دامدەگرێت، چونكە ناتوانم مەودای سۆز‌و خۆشەویستی‌و بەزەیی ئەو بزانم، بەو شێوەیە بەبێ سۆزی دایك پەروەردەكراوم، كاتێكیش گەیشتمە تەمەنی نۆ ساڵان بابەگیانیشم دڵی لە كاركەوت‌و ئەویش بۆ هەمیشە بەجێیهێشتین!

 

بەڵام ئەوەی جێی دڵخۆشی بوو، ئەوەبوو باوكم ئافرەتێكی تری كردبووە خێزانی‌و لەویش چەند خوشك‌و برایەكم هەبوو، ئەو ئافرەتە بەڕێزە كە دەكاتە باوەژنی من، زۆر بەسۆز‌و خۆشەویستییەوە سۆزی دایكایەتی پێبەخشیبووم‌و هاوشێوەی منداڵەكانی خۆی‌و دەتوانم 

بڵێم زیاتریش لەوان گرنگی پێدەدام، بۆئەوەی من هەست بە بێ دایكی نەكەم‌، ئەو بۆشاییەی بۆ پڕكردبوومەوە، بەڵام بە داخەوە پاش مردنی بابەگیان ئیتر نەمدەتوانی پێویستی خوێندنگەم بە دەستبهێنم، هەرچەندە زۆر تامەزرۆی تەواوكردنی خوێندن بووم، بەڵام بە ناچاری‌و لەبەركاركردن‌و پەیداكردنی بژێوی، خوێندنم بەجێهێشت، بۆ یارمەتیدانی خوشك‌و براكانم دەستم بە كار كردو كارێك نەمابوو نەمكردبێت، لە شوانی‌و كرێكاری‌و فرۆشتنی نایلۆن‌و ...هتد.
هەمیشە بەلای بیناو تەلاردا تێدەپەڕیم‌و بۆ ماوەیەك دەوەستام‌و باش سەیرم دەكرد، بۆ ئەوەی بزانم چۆن دروستكراوە، هەر لەو ساتەوە ئارەزووی بوون بە ئەندازیار بووە خولیام، هەربۆیە پاش تێپەڕبوونی چەند ساڵێك پێمخۆش بوو بگەڕێمەوە خوێندنگە، هەرچەندە تەمەنم چەند ساڵێك لە هاوپۆلەكانم گەورەتربوو، بەڵام زۆر هیوام بە تەواوكردنی خوێندن‌و ئەنجامێكی باش لە داهاتوو هەبوو، هیچ نەبێت بۆئەوەی ژیانم بەرەو باشی بەرم‌و لە كاركردن ڕزگارم بێت.
یەكێك بووم لە خوێندكارە هەرە زیرەكەكان‌و زۆر هەوڵم دەدا بۆ گەیشتن بە ئامانجەكانم، ئەوەی دڵتەنگی كردم، ئەوەبوو بە هۆی گەورەیی تەمەنەكەمەوە بڕیاری گواستنەوەم بۆ خوێندنگای ئێواران دەرچوو، بەڵام سوپاس بۆ خوای گەورە كاتێك گەیشتمە پۆلی شەشەمی ئامادەیی، بەهۆی ئەوەی كە زۆر زیرەك بووم، مامۆستایەكی بەڕێزم كە تا ئێستاش لە ژیاندا ماوە یارمەتی دام‌و گەڕامەوە بۆ خوێندنی ئاسایی‌و بە پشتیوانی خوای گەورە توانیم بگەمە كۆلێژی ئەندازیاری تەلارسازی!
هەرچەندە باری ئابووریم زۆر باش نەبوو، بەڵام زۆر بە قەناعەتەوە خوێندنم تەواوكردو یەكەمین نەخشەم كێشا بۆ ئەو خانووەی كە خۆم‌و خوشك‌و براكانم تێیدا دەژیاین.
باوەژنەكەم زۆر هاوكاری دەكردم‌و هەمیشە دەیگوت: خۆزگە پێش ئەوەی بمردمایە دەمتوانی هاوسەرێكت بۆ هەڵبژێرم، بەڵام قەدەری خوای گەورە وابوو كە بە ڕووداوی هاتوچۆ ئەویش بۆ دواجار ماڵاوایی لێكردین. خەمێكی زۆر دایگرتم، چونكە دووبارە دایكێكی دڵسۆزم لە دەستچوو، كە هەرگیز جیاوازی نەدەكرد لە نێوان من‌و منداڵەكانی خۆیدا!
ژیان بەردەوامبوو، منیش خوێندنم تەواوكردو سوپاس بۆ خوای گەورە دامەزرام‌و توانیم باری ژیانی خۆم بگۆڕم‌و ژیانی هاوسەریم پێكهێنا، ئێستاش چاوەڕێی هاتنە دونیای جوانترین‌و بەنرخترین نیعمەتی خوای گەورە دەكەین‌و ژیانێكی زۆر ئاسوودە‌و بەختەوەرمان هەیەو هەردوولا ئاواتەخوازی یارمەتیدانی هەژاران‌و بێ نەواو بێ باوكانین، بە پشتیوانی خوای گەورەش هەر بەردەوام دەبین لە كاری باش‌و سوودگەیاندن بە كۆمەڵ‌و هەموو ئەوانەی پێویستیان بە ئێمەیە!
لە كۆتاییدا دەڵێم: تكایە هەرگیز بێ هیوا مەبن، ژیان بێ ناڕەحەتی‌و سەختییەكان هیچ مانایەكی نییە، گرنگ ئەوەیە ئارام بگرین‌و هیوا بڕاو نەبین‌و سووربین لەسەر بەدیهاتنی ئامانجەكان، ئەوسات دەزانن سەركەوتن چ چێژێكی هەیە!
          

صفحات سایت

پیچک