تبلیغات
ماڵپه‌ری ئیسلام كورد
Rss
Logo
ADS
زاراوه‌كانی قیرائات

مه‌تنی تحفة الأطفال

ته‌فسیری قورئانی پیرۆز

شێوازی نوێژی پێغه‌مبه‌ر

ئامۆژگاری بۆ موسڵمانان

كاتی بانگه‌كان&بانكبێژان

24 كاتژمێر راسته‌وخۆ

ئاماری ماڵپه‌ر
میوانانی سه‌رهێل

ژماره‌ى سه‌ردانه‌كان

ڕاپرسی ماڵپه‌ر
ئایا تا ئێستا سوودت له‌ ماڵپه‌ری ئیسلام كورد بینیوه‌؟؟؟

ماڵپه‌ره‌ كۆنه‌كه‌مان
عه‌لمانیه‌ت بناسه‌
گێژاوی مه‌دخه‌لیزم
مێژووی انصار الاسلام
فیرعه‌ونی زه‌مان و قه‌یرانی...

 

 

 

ئه‌م بابه‌ته‌ بڵاوكراوه‌ته‌وه‌
له‌ به‌شی : قورئان و ته‌فسیر,

 

مانای ووشه‌ی هێز له‌ قورئاندا


نوسینی: پیشتیوان سابیر عه‌زیز
پێداچوونه‌وه‌ی: سه‌رباز حه‌مید كه‌ركوكی


مانای هێز له‌ قورئاندا به‌ هه‌موو شێوازیه‌كانیه‌وه‌ ٤٢ جار هاتوه، له‌ ٢٥ سوره‌تدا. ئه‌مه‌ش گرنگی هێز ده‌گه‌یه‌نێت له ‌ژیانی ئوممه‌تی موسڵماندا.
له‌ ڕوانگه‌ی ئایه‌ته‌كانه‌وه‌ ئه‌گه‌ر ته‌ماشای ووشه‌ی هێز بكه‌یین له‌ قورئاندا به‌م مانایانه‌ی خواره‌ دێن:

یه‌كه‌م: به‌ مانای ده‌سه‌ڵاتی خوای گه‌وره(القدرة الإلهیة)‌:
خوای گه‌وره‌ له‌ سوره‌تی ( البقرة) دا ده‌فه‌رموێت: ﴿وَلَوْ یَرَى الَّذِینَ ظَلَمُوا إِذْ یَرَوْنَ الْعَذَابَ أَنَّ الْقُوَّةَ لِلَّهِ جَمِیعًا وَأَنَّ اللَّهَ شَدِیدُ الْعَذَابِ﴾ [البقرة :١٦٥ ]

واته‌: ئه‌گه‌ر ببینن ئه‌وانه‌ی سته‌میان کردوه‌ (به‌ هاوبه‌شی په‌یدا کردن بۆخوا) کاتێک که‌ چاویان ده‌که‌وێت به‌سزا(ی خوا ده‌زانن) که‌ هه‌رچی ده‌سه‌ڵات هه‌یه‌ هه‌مووی بۆ خوایه‌ وه‌ بێگومان سزای خوا زۆر سه‌خته‌.(ته‌فسیری پوخته‌ی قورئان).
دووه‌م: به‌ مانای ده‌سه‌ڵات له‌ لای مه‌لائیكه‌ت(القدرة عند الملائكة):
خوای گه‌وره‌ له‌ سوره‌تی ( التكویر ) دا ده‌فه‌رموێت: ﴿ذِی قُوَّةٍ عِنْدَ ذِی الْعَرْشِ مَكِینٍ﴾ [التكویر :٢٠].
 واته‌: خاوه‌نی هێزو ده‌سه‌ڵاته‌ و لای خاوه‌نی عه‌رش، فریشته‌یه‌کی پایه‌داره‌.(ته‌فسیری ئاسان).

سێهه‌م: به‌ مانای هێز له‌ لای جنۆكه(القوة‌ عند الجن)‌:
خوای گه‌وره‌ له‌ سوره‌تی ( النمل ) دا ده‌فه‌رموێت: ﴿قَالَ عِفْرِیتٌ مِنَ الْجِنِّ أَنَا آتِیكَ بِهِ قَبْلَ أَنْ تَقُومَ مِنْ مَقَامِكَ ۖ وَإِنِّی عَلَیْهِ لَقَوِیٌّ أَمِینٌ﴾ [النمل :٣٩]. 
 واته‌: جنۆکه‌یه‌کی گه‌وره‌ی به‌هێز له‌ جنۆکه‌کان وتی: من ئه‌و (ته‌خته‌ییت) بۆ دێنم پێش ئه‌وه‌ی له‌ جێگه‌ی خۆت هه‌ستی،  وه‌ من بۆ ئه‌وكاره‌ به‌ هێزو ده‌ست پاكم، ئاماده‌م هه‌روه‌كو خۆی بێهێنمه‌ به‌رده‌ستت (ته‌فسیری پوخته‌ی قورئان و ڕامان).
 
چواره‌م: به‌ مانای ژماره(العدد ).
خوای گه‌وره‌ له‌ سوره‌تی ( هود) دا ده‌فه‌رموێت: ﴿ وَیَا قَوْمِ اسْتَغْفِرُوا رَبَّكُمْ ثُمَّ تُوبُوا إِلَیْهِ یُرْسِلِ السَّمَاءَ عَلَیْكُمْ مِدْرَارًا وَیَزِدْكُمْ قُوَّةً إِلَىٰ قُوَّتِكُمْ وَلَا تَتَوَلَّوْا مُجْرِمِینَ ﴾ [هود :٥٢ ]
واته‌: وه‌ ئه‌ی گه‌له‌که‌م داوای لێبوردن له‌ په‌روه‌ردگارتان بکه‌ن دواتر بگه‌ڕێنه‌وه‌ بۆلای ئه‌و (ئه‌گه‌ر وابکه‌ن خوا) له‌ ئاسمانه‌وه‌ (باران) ده‌بارێنێ به‌سه‌رتاندا به‌لێزمه‌ و هێزێ تر زیاد ده‌کات بۆ هێزه‌که‌تان وه‌ ڕوو وه‌رمه‌گێڕن (له‌ بانگه‌وازه‌که‌م) به‌ تاوان باری.(ته‌فسیری پوخته‌ی قورئان)

پێنجه‌م: به‌ مانای سوربون وتوند گرتن(الجد والمواظبة):
خوای گه‌وره‌ له‌ سوره‌تی ( البقرة )دا ده‌فه‌رموێت: ﴿ وَإِذْ أَخَذْنَا مِیثَاقَكُمْ وَرَفَعْنَا فَوْقَكُمُ الطُّورَ خُذُوا مَا آتَیْنَاكُمْ بِقُوَّةٍ وَاذْكُرُوا مَا فِیهِ لَعَلَّكُمْ تَتَّقُونَ ﴾ [البقرة :٦٣ ]
واته‌: یادی ئه‌و نیعمه‌ته‌ش بكه‌نه‌وه‌ كاتێك په‌یمانمان لێوه‌رگرتن (كه‌ په‌یڕه‌وی ته‌ورات بكه‌ن) و كێوی گورمان به‌ڕاسه‌رتانه‌وه‌ ڕاگرت و پێمان وتن: ئه‌و به‌رنامه‌یه‌ی پێمانداون به‌ توندی بیگرن (ئه‌گینا ئه‌م چیایه‌ ده‌ده‌ین به‌سه‌رتاندا)، هه‌میشه‌ش با له‌ بیرتان بێت چی تێدایه‌و چیتان لێده‌خوازێت، بۆ ئه‌وه‌ی له‌ خوا ترس و پارێزكاربن(ته‌فسیری ئاسان). 

شه‌شه‌م: به‌ مانای زۆر سه‌خت و توندو تیژ (البطش):
خوای گه‌وره‌ له‌ سوره‌تی ( هود )دا ده‌فه‌رموێت: ﴿ قَالَ لَوْ أَنَّ لِی بِكُمْ قُوَّةً أَوْ آوِی إِلَىٰ رُكْنٍ شَدِیدٍ﴾ [هود :٨٠ ]
وتی خۆزگه‌ له‌ به‌رانبه‌ر ئێوه‌دا هێزێکم ببوایه‌ یان په‌نایه‌کی قایم ببوایه‌ په‌نام پێ ببردایه‌ (به‌رگریم) ده‌کردن.(ته‌فسیری پوخته‌ی قورئان).

حه‌وته‌م: به‌ مانای توانا( الشدة):
خوای گه‌وره‌ له‌ سوره‌تی ( هود )دا ده‌فه‌رموێت:
﴿فَلَمَّا جَاءَ أَمْرُنَا نَجَّیْنَا صَالِحًا وَالَّذِینَ آمَنُوا مَعَهُ بِرَحْمَةٍ مِنَّا وَمِنْ خِزْیِ یَوْمِئِذٍ ۗ إِنَّ رَبَّكَ هُوَ الْقَوِیُّ الْعَزِیزُ﴾ [هود :٦٦ ]
جا کاتێ فه‌رمانمان هات (بۆ له‌ناو بردنیان) صاڵح مان ڕزگار کرد ئه‌وانه‌ش بڕوایان هێنابوو له‌گه‌ڵی به‌ به‌زه‌ییه‌ك له‌لایه‌ن خۆمانه‌وه‌ له‌ سه‌رشۆڕی و ڕیسوایی ئه‌و ڕۆژه‌ به‌ڕاستی په‌روه‌ردگارت هه‌ر خۆی به‌ توانا و به‌ ده‌سه‌ڵاته‌.(ته‌فسیری پوخته‌ی قورئان)

هه‌شته‌م: به‌ مانای چه‌ك( السلاح):
خوای گه‌وره‌  له‌ سوره‌تی ( الأنفال )دا ده‌فه‌رموێت: ﴿ وَأَعِدُّوا لَهُمْ مَا اسْتَطَعْتُمْ مِنْ قُوَّةٍ وَمِنْ رِبَاطِ الْخَیْلِ تُرْهِبُونَ بِهِ عَدُوَّ اللَّهِ وَعَدُوَّكُمْ وَآخَرِینَ مِنْ دُونِهِمْ لَا تَعْلَمُونَهُمُ اللَّهُ یَعْلَمُهُمْ ۚ ﴾ [الأنفال :٦٠ ]
واته‌: هه‌تا بۆتان ده‌كرێ و له‌ تواناو وزه‌تاندایه‌ چه‌ك و جبه‌خانه‌ی جه‌نگ و، ئه‌سپی چابوكی سواریی- دژی دوژمنانی دینی خوا - ئاماده‌ بكه‌ن ئه‌ی باوه‌ڕداران !- واته‌: به‌پێی ئه‌وكات و سه‌رده‌مه‌ تێیدان چه‌ك و فڕۆكه‌و تانك و ڕۆكێت و هه‌مو جۆره‌ پێویستیه‌ك رێك بخه‌ن ﴿ تُرْهِبُونَ بِهِ عَدُوَّ اللَّهِ وَعَدُوَّكُمْ ﴾ دوژمنی خواو، دوژمنی خۆتانی پێ بترسێنن ،چونكه‌ ئه‌ر بزانن توانای جه‌نگتان هه‌یه‌ ناتوانن شه‌ڕتان پیبَفرۆشن ﴿ وَآخَرِینَ مِنْ دُونِهِمْ لَا تَعْلَمُونَهُمُ ﴾ بێ له‌وانیش ئه‌و دوژمنانه‌ش بترسێنن ئێوه‌ نایانناسن ﴿ اللَّهُ یَعْلَمُهُمْ ۚ ﴾ هه‌ر خوا چاك ئه‌یانناسێ.(ته‌فسیری ڕامان).

          

صفحات سایت

پیچک