تبلیغات
ماڵپه‌ری ئیسلام كورد
Rss
Logo
ADS
زاراوه‌كانی قیرائات

مه‌تنی تحفة الأطفال

ته‌فسیری قورئانی پیرۆز

شێوازی نوێژی پێغه‌مبه‌ر

ئامۆژگاری بۆ موسڵمانان

كاتی بانگه‌كان&بانكبێژان

24 كاتژمێر راسته‌وخۆ

ئاماری ماڵپه‌ر
میوانانی سه‌رهێل

ژماره‌ى سه‌ردانه‌كان

ڕاپرسی ماڵپه‌ر
ئایا تا ئێستا سوودت له‌ ماڵپه‌ری ئیسلام كورد بینیوه‌؟؟؟

ماڵپه‌ره‌ كۆنه‌كه‌مان
عه‌لمانیه‌ت بناسه‌
گێژاوی مه‌دخه‌لیزم
مێژووی انصار الاسلام
فیرعه‌ونی زه‌مان و قه‌یرانی...

 

 

 

ئه‌م بابه‌ته‌ بڵاوكراوه‌ته‌وه‌
له‌ به‌شی : گــۆشـــه‌ی لاوان,

 

زیـــانه‌كـانى سه‌ته‌لایت و ته‌له‌فـزیۆن و تۆڕى ئینتـه‌رنێت


نوسینى: د.محمّد بن إبراهیم النّعیم
وه‌رگێڕانى: م،شاخه‌وان جه‌واد ئه‌حمه‌د

موسڵمانى خۆشه‌ویست كوا گوێڕایه‌ڵیمان بۆ ئه‌م ئایه‌تانه‌ له‌ مامه‌ڵه‌ كردنمان له‌ گه‌ڵ (سه‌ته‌لایت و ته‌له‌فزیۆن و تۆڕى ئینته‌رنێت)، ئایا چاوه‌كان شه‌ونخوونى ناكه‌ن و به‌رده‌وام نین له‌ تێڕوانین بۆ دیمه‌ن و كاره‌ حه‌رام و سه‌نج ڕاكێشه‌كان؟ بۆ ئافره‌تانى پیاوان له‌ خشته‌به‌ر؟ لاشه‌و جوانى خۆیان به‌وپه‌ڕى بێ باوه‌ڕى و له‌ خوانه‌ترسى و بێ شه‌رمییه‌وه‌ ده‌رخستووه‌.  برایانى موسڵمان با ڕوون و ئاشكرابین له‌گه‌ڵ یه‌كتردا، ئایا ئه‌وه‌ى له‌ شاشه‌كانه‌وه‌ پیشان ده‌درێت ته‌نها ئاره‌زووى گه‌نجان ناجولێنێت؟ به‌ڵێ به‌ڵكو فیتنه‌و ئاشوبن و ئاره‌زووى گه‌نجان و پیران ده‌جولێنێت، هه‌ر یه‌ك له‌ ئێمه‌ى مرۆڤــ دان به‌وه‌دا ده‌نێت كه‌ خواى په‌روه‌ردگار حه‌زو ویست و ئاره‌زووى پێبه‌خشیوه‌ و حه‌زوو ئاره‌زوومان هه‌یه‌. به‌ڵــــــێ به‌ڵاى گه‌وره‌و كارى بێشه‌رم و بێحه‌یایى له‌ ناو موسڵماناندا به‌ شێوه‌یه‌كى زۆر به‌ربڵاوه‌، له‌ كاتێكدا ده‌بینیت ئافرتان (له‌ كچان و خوشكان و ژنان) پێكه‌وه‌ له‌گه‌ڵ پیاوان له‌به‌رده‌م شاشه‌ى (سه‌ته‌لایت و ته‌له‌فزیۆنه‌كان) داده‌نیشن، یه‌ك له‌ دواى یه‌ك دیمه‌نى پیاوان و گه‌نجان پیشان ده‌درێت له‌و په‌ڕى 

گه‌نجانیه‌تى و جوانێتیاندا، پیاوى وا هه‌یه‌ یه‌ك جار غیره‌ت ده‌یگرێت و توڕه‌ ده‌بێت كاتێك پیاوێكى بێگانه‌ ده‌بینێت سه‌یرى خێزانى ده‌كات و نه‌زه‌رى لێده‌كات، به‌ڵام سه‌د جار غیره‌ت ده‌یگرێت توڕه‌ ده‌بێت كاتێك ده‌بینێت خێزانى (كچى، خوشكى) سه‌یرى پیاوێكى بێگانه‌ ده‌كات و نه‌زه‌رى لێده‌كات، ئه‌گه‌ر ڕوو به‌ڕوو بێت!!، به‌ڵام ئه‌و ڕۆژه‌ پیاوان با هه‌ست به‌ بێ غیره‌تى و بێ ده‌سه‌ڵاتى پیاوه‌تى خۆیان بكه‌ن، كاتێك ده‌بینن ئافره‌تانیان به‌ دیار شاشه‌ى (سه‌ته‌لایت و ته‌له‌فزیۆنه‌كان)ـه‌وه‌ داده‌نیشن و ده‌ڕواننه‌ (المصارعة الحرة) یان (فڵان گۆرانى بێژى پیاوى عه‌ره‌بى یان بیانى) یان (زنجیره‌ فیلمه‌كان) یان (دیمه‌نى ڕه‌قص و خۆبادان و تێكه‌ڵاوى پیاوان و ئافره‌تان) یان (فیلمه‌ به‌دڕه‌وشته‌كان كه‌ ڕاسته‌وخۆو بێ هیچ پێچ و په‌ناو په‌رده‌یه‌ك فاحیشه‌ى زیناو نێربازى) پیشان ده‌درێت، ده‌بینرێت ئافره‌تان به‌دیار ئه‌م بێ ڕه‌وشتییه‌وه‌ داده‌نیشن بێ ئه‌وه‌ى ده‌سه‌ڵاتدارانیان (باوكان، مێرده‌كان، براكانیان) ڕێگریان لێبكه‌ن، هۆكار چییه‌و بـــۆچــى؟ وه‌ڵام: هه‌موویان به‌شدارن له‌و تاوانه‌دا، تۆ بێ ده‌نگبه‌و واز له‌ من بێنه‌، منیش واز له‌ تۆ دێنم، كاتێك ئافره‌تان بێ شه‌رم و بێ ترس ئه‌وكاره‌ ده‌كه‌ن بێ گومان باوك و مێردو براكانیشیان ئه‌و كاره‌ ده‌كه‌ن بۆیه‌ غیره‌تیان ناجولێت تا ڕێگریان لێبكه‌ن. (إذا كان رب البیت للدف ضارباً … فشیمة أهل البیت كلّهم الرقص) واته‌: ئه‌گه‌ر خاوه‌ن ماڵ و گه‌وره‌كه‌یان ته‌پڵا و ده‌ف لێبدات، ئه‌وه‌ سیفه‌ت و پیشه‌ى دانیشتوانى ئه‌و ماڵه‌ ڕه‌قص و خۆ بادان ده‌بێت!!!.ئه‌گه‌ر گه‌وره‌و ده‌سه‌ڵاتدارى ئافره‌تان خۆیان ئه‌و كاره‌ بكه‌ن ئه‌وه‌ هه‌رگیز غیره‌تیان ناجولێت و ناتوانن ڕێگرى له‌ ئافره‌ته‌كانیان بكه‌ن!!. ئه‌مه‌ یه‌كێكه‌ له‌ زیانه‌كانى ئه‌و ئامێرانه‌، له‌وه‌ش خراپتر ئه‌وه‌یه‌ فه‌سادو به‌دڕه‌وشتى پێ زیاتر ده‌بێت له‌ ڕێى خستنه‌ ڕووى چه‌ندین فیلم كه‌ هه‌موویان باس له‌ دڵدارى و خۆشه‌ویستى ده‌كات، كه‌ له‌ زانكۆو خوێندنگاو شوێنه‌ گشتییه‌كان ڕووده‌دات، بێ ئه‌وه‌ى كه‌س و كارى ئافره‌تان ئاگایان لێبێت، پاشان كۆتاییه‌كه‌ى ژن و مێردێكى به‌خته‌وه‌ر (به‌ گومانى پڕوپوچى خۆیان)، ئه‌م فیلم و كاره‌ به‌دڕه‌وشتییانه‌ ده‌خرێته‌ ڕووى كۆمه‌ڵگاى موسڵمانان، ئه‌و گۆمه‌ڵگایه‌ى كه‌ پێویسته‌ كچانى فێر بكات كه‌ سه‌یركردنى پیاوان بۆیان و كۆبونه‌وه‌ له‌گه‌ڵیان به‌ ته‌نها حه‌رامه‌و نادروسته‌!!!. به‌ڵێ له‌وه‌ش خراپتر ئه‌وه‌یه‌ شاشه‌ى ته‌له‌فزیۆنه‌كان دیمه‌نى سه‌رجێى ژن و مێرد پیشان ده‌دات له‌ هۆده‌ى نوستن و حه‌وانه‌ى خۆیان، ئاخۆ ده‌بێ بۆچوونى منداڵیان چۆن بێت له‌گه‌ڵ بینینى ئه‌و دیمه‌نه‌؟ له‌ كاتێكدا ئیسلام فیریان ده‌كات سێ جار ئیزن وه‌رگرن تا ڕێگه‌یان بدرێت، بێنه‌ ژووره‌وه‌ یان نا، ده‌بێ چى ڕێزو چى مامه‌ڵه‌یه‌ك بێت له‌گه‌ڵ كاره‌ به‌ نرخ و به‌هاكانى ئیسلامى پیرۆزدا؟ به‌ڕاستى كاره‌ساته‌، له‌و كاره‌ساته‌ش گه‌وره‌ترو تاڵترو ترسناكتر ئه‌وه‌یه‌: داڕووخانى موسڵمانانه‌ له‌ دین و ڕه‌وشت و عیباده‌ت و مێژووى پڕشنگدارى پڕ له‌ ماندووبوون و شه‌ونخونى و جیهاد كردنه‌ به‌ هۆى تێڕوانین و خووگرتن به‌و ئامێره‌ له‌ناوبه‌رانه‌وه‌. به‌ڵێ داڕووخانى سه‌ربه‌رزیى شوێنكه‌وتوانى ئوممه‌تى ئیسلام به‌رامبه‌ر غه‌رب و بێ باوه‌ڕان، به‌وه‌رگرتنى ڕێڕه‌وى ژیان و هه‌ڵس و كه‌وتیان و نه‌هێشتنى په‌رده‌ى نێوه‌ندى ڕق لێبونیان و دوور كه‌وتنه‌وه‌ لێیان (البَراءُ مِنهُم)، سه‌یر كردنیان و بینیى هه‌ڵس و كه‌وتیان به‌به‌رده‌وامى واى له‌ هه‌ندێ موسڵمان كردووه‌ شوێنى داب و نه‌ریب و بۆچوونیان بكه‌وێت له‌ كاتێكدا خواى په‌روه‌ردگار ده‌فه‌رمووێت: ( یَا أَیُّهَا الَّذِینَ آَمَنُوا لَا تَتَّخِذُوا الْیَهُودَ وَالنَّصَارَى أَوْلِیَاءَ بَعْضُهُمْ أَوْلِیَاءُ بَعْضٍ وَمَنْ یَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لَا یَهْدِی الْقَوْمَ الظَّالِمِینَ ) (المائدة: ٥١.).  واته‌: ئه‌ى ئیمانداران گاورو جوله‌كه‌ مه‌كه‌نه‌ هاوه‌ڵ و خۆشه‌ویستى خۆتان، ئه‌وان هه‌ندێكیان هاوه‌ڵ و خۆشه‌ویستى یه‌كترن، هه‌ر یه‌كێك له‌ ئێوه‌ى موسڵمان خۆشه‌ویستى هه‌بێت بۆیان و پشتگیریان لێبكات، ئه‌وه‌ بێ گومان له‌وانه‌ (بێ باوه‌ڕه‌ وه‌كو ئه‌وان)، به‌ڕاستى خواى په‌روه‌ردگار هیدایه‌ت و ڕێنمونى كه‌سانى زاڵم و سته‌مكار ناكات.


خواى په‌روه‌ردگار وا ده‌فه‌رمووێت: ئه‌ى كوا وه‌ڵامى تۆى موسڵمانى نوێژخوێن و قورئان خوێن و شوێنكه‌وتووى پێغه‌مبه‌ر (صلی الله‌ علیه‌ وسلم)؟ به‌ گومانى خۆت موسڵمانێكى باشى به‌ڵام مه‌رج نییه‌ لاى خواى په‌روه‌ردگار وا بیت. شوێنه‌وارى شوێن كه‌وتنى خراپى گاورو جوله‌كه‌ به‌ هه‌ندێك له‌ كوڕان و كچانى موسڵمانانه‌وه‌ دیاره‌ له‌ جل و به‌رگ و سه‌ر چاكردن و بگره‌ له‌ ووتوو وێژیشیاندا. له‌وه‌ش ترسناكتر ئه‌وه‌یه‌ منداڵا و جگه‌ر گۆشه‌كانمان بده‌ینه‌ ده‌ست  شاشه‌ى ته‌له‌فزیۆن و سه‌ته‌لایته‌كان تا ژیانیان وێران بكه‌ن و شه‌ڕو خراپه‌كارى له‌ ناخیاندا بڕوێنن، گومان دروست كردن له‌ بیروباوه‌ڕیان به‌رامبه‌ر خواى په‌روه‌ردگار، ڕاهێنانیان له‌سه‌ر ئه‌نجامدانى چه‌ندین كارى كوشتن و سه‌ربڕین و ته‌قاندنه‌وه‌و شه‌ڕ كردن، ژیان له‌ نێوان خه‌یاڵ و گوماندا، ترساندنیان به‌ بینینى ئه‌و كاره‌ دڕندانه‌یه‌ى كه‌ پیشان ده‌درێت.


موسڵمانى خۆشه‌ویست ئه‌وه‌مان له‌ بیر نه‌چێت كاتێك به‌رنامه‌ى  ته‌له‌فزیۆنى ده‌كرێته‌وه‌ سه‌ره‌تاو ده‌ستپێكى چه‌ند ئایه‌تێك له‌ قورئانى پیرۆزو چه‌ند ئامۆژگارییه‌ك ده‌بێت كه‌ زۆربه‌ى خه‌ڵكى بێ تاقه‌ت ده‌بن به‌ بیستن و بینینیى (له‌به‌ر ئه‌وه‌ى حاڵى موسڵمانى ئیمان لاوازى ئه‌مرۆ وایه‌ كه‌ به‌ بینین و بیستنى قورئان و فه‌رمووده‌و ووتارو ئامۆژگار بێ تاقه‌ت ده‌بن)،  نابێت ئه‌مانه‌ چاومان كوێر بكات به‌رامبه‌ر ئه‌و هه‌موو خراپه‌یه‌ى كه‌ له‌ دواییدا پیشان ده‌درێت.موسڵمانى خۆشه‌ویست ئه‌مه‌ زیان و خراپه‌ى ته‌له‌فزیۆنه‌، له‌ كاتێكدا چاو ده‌كه‌یته‌وه‌ ده‌بینیت هه‌موو سه‌ربان و بان شوقه‌و بینایه‌ك سه‌حنى سه‌ته‌لایتى به‌سه‌ره‌وه‌ ده‌بینرێت (مه‌گه‌ر كه‌سانێك خواى په‌روه‌ردگار ڕه‌حمى پێكردبێتن)، به‌ڵێ بوونى ئه‌و سه‌ته‌لایت و ئامێرانه‌ خاوه‌نه‌كه‌ى ڕووبه‌ڕووى چه‌ندین تاوان و خراپه‌كارى ده‌كاته‌وه‌، گومان دروست بوون له‌ بیروباوه‌ڕى ئیسلام، دروست بوونى چه‌ندین بیروباوه‌ڕى به‌تاڵ و پوچه‌ڵ، وه‌رگرتنى بیروباوه‌ڕى پڕو پووچ و باتڵى گاورو جوله‌كه‌و دارو به‌ردوو بت په‌رستان.


له‌ هۆڵندا گۆنگره‌یه‌كى جیهانى به‌سترا كه‌ زیاتر له‌ هه‌شت سه‌د هه‌زار پیاوى بانگ خوازى گاورى تێدا به‌شدار بوو، مه‌به‌ستیش له‌ به‌ستنى ئه‌م كۆنگره‌یه‌ ئه‌وه‌بوو: چۆن بتوانن له‌ ڕێى بڵاو كردنه‌وه‌ى ڕاسته‌وخۆ (له‌ ڕێى سه‌ته‌لایته‌وه‌) خه‌ڵكى بكه‌ن به‌ گاور. به‌ڵێ داڕووخانى ڕه‌وشت و ئه‌خلاق له‌ ڕێى بڵاوكردنه‌وه‌ى چه‌ندین فیلم و به‌رنامه‌وه‌ كه‌ هه‌موویان بانگه‌شه‌كردنه‌ بۆ نه‌هێشتن و له‌ ده‌ست دانى ڕه‌وشتى به‌رزى ئیسلام، چـى فیلمێكى بیانى و عه‌ره‌بى هه‌یه‌ دوور بێت له‌ دیمه‌نى ووروژاندنى  لایه‌نى شه‌هوه‌ت، خواردنه‌وه‌ى مه‌ی، به‌كارهێنانى مادده‌ سه‌رخۆشكه‌ره‌كان، ڕه‌قص و خۆ بادان، تێكه‌ڵاوى پیاوان و ئافره‌تان، دڵدارى، گۆرانى و مۆسیقا، .....،هتد؟. وه‌ زیانێك و ترسناكییه‌كى تر له‌ بوونى ئه‌و ئامێرانه‌ ئه‌وه‌یه‌: ترسناكى له‌سه‌ر بارى ئه‌منى و هێمنى كۆمه‌ڵگا ده‌بێت، پیشاندانى ئه‌و هه‌موو فیلمه‌ توندوتیژیى و شه‌ڕوشۆڵه‌ هانده‌رێكه‌ بۆ ئه‌وه‌ى كه‌سانێكى خراپه‌كار تووشى كوشتن و بڕین ڕفاندن و ترساندن ببن، هه‌روه‌ك یه‌كێك له‌ دكتۆره‌ نه‌فسانییه‌ غه‌ربیه‌كان ده‌ڵێت: ئه‌گه‌ر به‌ندیخانه‌ (السِّجْن) كۆكه‌ره‌وه‌ى خراپه‌كاران و تاوانباران بێت، ئه‌وه‌ ته‌له‌فزیۆن و سه‌ته‌لایت سه‌ره‌تایه‌كه‌ بۆ ڕوودانى ئه‌و هه‌موو خراپه‌و تاوانكارییه‌ و بوونى خراپه‌كاران و تاوانباران.


موسڵمانى خۆشه‌ویست، كاتێك باسى ئه‌م بـابه‌ته‌ ده‌كه‌ین پێویسته‌ چه‌ند حه‌قیقه‌ت و ڕاستییه‌ك بخه‌ینه‌ پێش چاو، وه‌ ئاگاداریشى بین:


یه‌كه‌م: ئامێره‌كانى (سه‌ته‌لایت و ته‌له‌فزیۆن) چه‌كێكى دووڕوون، واته‌: بۆ لایه‌نى باشه‌و بۆ لایه‌نى خراپه‌ش به‌كاردێت، به‌ڵام ئه‌و كه‌سانه‌ى هه‌یانه‌و به‌كاریان دێنن زیاتر بۆ لایه‌نى خراپه‌و تاوان به‌كارى دێنن، كه‌ ئه‌ویش لایه‌نه‌ ژه‌هراوییه‌كه‌یه‌تى.


دووه‌م: ئه‌م ئامێرانه‌ لایه‌نى باشه‌و خراپه‌ى تێدایه‌، به‌ڵام خراپه‌و تاوان و زیانى زۆر زۆرتره‌ له‌ سودو قازانجى، چۆن ئه‌گه‌ر شیر تێكه‌ڵ به‌ مه‌ى بكرێت حه‌رام ده‌بێت، هه‌رچه‌نده‌ شیره‌كه‌ش حه‌لاڵه‌، ئه‌گه‌ر ئه‌و ئامێرانه‌ش بۆ حه‌رام به‌ كاربهێنرێن، ئه‌وه‌ هه‌ر حه‌رامه‌ ئه‌گه‌ر بشووترێت: چاكه‌ى تێدایه‌، دڵۆپه‌ چاكه‌یه‌ك له‌ چاو ده‌ریایه‌ك خراپه‌و تاوان، مه‌گه‌ر كه‌سانێك هه‌ر له‌ بنه‌ڕته‌وه‌ ته‌نها بۆ زانستى شه‌رعى و چه‌ند كارێكى باشه‌ى تر به‌ كارى بهێنن، ته‌نانه‌ت نابێت كه‌ناڵێكى ئیسلامیشى تیابێت ئه‌گه‌ر گۆرانى و مۆسیقاو بیدعه‌و هه‌ندآ تاوانى تر بڵاو بكاته‌وه‌، له‌به‌ر ئه‌وه‌ى چۆن ده‌ووترێت: ئه‌و كه‌ناڵانه‌ دروست نییه‌ چونكه‌ خراپه‌ بڵاو ده‌كه‌نه‌وه‌، ئه‌وه‌ ده‌بێ بشووترێت: گۆرانى و مۆسیقاو بیدعه‌و چه‌ند كارێكى تر حه‌رامه‌ و نابێت بڵاو بكرێته‌وه‌، چونكه‌ ئه‌گه‌ر كارێك حه‌رام بوو ئه‌وه‌ ئه‌و كاره‌ حه‌ڵاڵ نابێت هه‌رچه‌نده‌ موسڵمانیش ئه‌نجامى بدات، حه‌رام به‌ كرده‌وه‌ى موسڵمان حه‌ڵاڵ نابێت، هه‌رچه‌نده‌ ئه‌و موسڵمانه‌ى ئه‌و كاره‌ ده‌كات به‌ لاى خۆیه‌وه‌ یان به‌ لاى خه‌ڵكییه‌وه‌ كه‌سێكى باشه‌، كه‌سى باش هه‌رگیز به‌ خراپه‌و تاوان ناڵێت باش (باش له‌ باشه‌وه‌یه‌, خراپه‌ش له‌ كه‌سى خراپ ده‌وه‌شێته‌وه‌)، ئه‌گه‌ر ئه‌و كه‌سه‌ بانگه‌شه‌ى له‌ خوا ترسان و شوێن كه‌وتنى قورئان و سوننه‌تیش بكات!!!.


سێ یه‌م: ئه‌و شاشه‌ بچوكه‌ى ته‌له‌فزیۆن و سه‌ته‌لایت بۆته‌ گه‌وره‌ترین چه‌ك به‌ده‌ست دوژمنانى ئیسلامه‌وه‌ تا بتوانن له‌ ڕێیانه‌وه‌ بیروباوه‌ڕو ڕه‌وشت و به‌ها پیرۆزو به‌رزه‌كانى ئیسلامى پێ له‌ناو به‌رن. 


چواره‌م: ته‌له‌فزیۆن و سه‌ته‌لایت ده‌سه‌ڵاتى په‌روه‌رده‌یى له‌ دایكان و باوكان و مامۆستایان و بانگه‌وازكاران سه‌ندووه‌و ئه‌و ئامێرانه‌ په‌روه‌رده‌یان ده‌كه‌ن، ده‌بینیت ئه‌و هه‌موو مۆدیل و مۆدیل كاریانه‌ى له‌ناو موسڵماناندا هه‌یه‌ زۆربه‌ى هه‌ره‌ زۆرى له‌ ڕێى ئه‌و ئامێرانه‌وه‌ هاتۆته‌ ناو كۆمه‌ڵگاى موسڵمانى بآئاگاو شوێن كه‌وتووى گاورو جوله‌كه‌و بێ باوه‌ڕان، بۆیه‌ پێویسته‌ كه‌شتى ته‌قواو خۆپارێزى بخه‌ینه‌ ڕێ پێش هه‌ستان و هاتنى لافاوى تاوان و خراپه‌ى له‌ناوبه‌ر. براى موسڵمان، خاوه‌ن سه‌ته‌لایت، خاوه‌ن ته‌له‌فزیۆن، فرۆشیارى گۆرانى وفیلمه‌ خراپه‌كان، ئه‌ى ئه‌و كه‌سه‌ى كه‌ ده‌ڕوانیته‌ ئه‌و شاشه‌ به‌دڕه‌وشتییانه‌، باش بزانه‌ هه‌ر به‌ سه‌یركردنێكت نوكته‌یه‌كى ڕه‌ش له‌سه‌ر دڵت دروست ده‌بێت و ڕه‌شایى تاوان یه‌ك له‌ دواى یه‌ك زیاد ده‌كات تا زاڵ ده‌بێت به‌سه‌ر سپیایى دڵتدا، ئه‌و كاته‌ دڵت ده‌مرێت و ته‌نها لاشه‌ت زیندوو ده‌بێت، حه‌زت به‌ هه‌موو خراپه‌یه‌ك ده‌بێت و ڕقت له‌ هه‌موو كارێكى خێرو چاكه‌ ده‌بێت، له‌ چاكه‌ دوور ده‌كه‌ویته‌وه‌و له‌ خراپه‌ نزیك ده‌بیته‌وه‌، خه‌م و خه‌فه‌ت و دڵته‌نگى به‌ناو چه‌وانته‌وه‌ ده‌رده‌كه‌وێت، چۆن به‌خته‌وه‌ر ده‌بیت له‌ كاتێدا خواى په‌روه‌ردگار فه‌رموویه‌تى؟: ( وَمَنْ أَعْرَضَ عَنْ ذِكْرِی فَإِنَّ لَهُ مَعِیشَةً ضَنْكًا وَنَحْشُرُهُ یَوْمَ الْقِیَامَةِ أَعْمَى ) (طه: ١٢٤)  واته‌: هه‌ر كه‌سێك پشت له‌ یادو زیكرى من هه‌ڵبكات (شوێنى فه‌رمووده‌ى خواو پێغه‌مبه‌ر (صلی الله‌ علیه‌ وسلم) نه‌كه‌وێت) ئه‌وه‌ ژیانێكى ته‌نگ و ناڕه‌حه‌تى ده‌بێت (له‌ دونیاو له‌ ناو گۆڕدا) وه‌ له‌ ڕۆژى دواییدا به‌ كوێرى حه‌شرى ده‌كه‌ین.


موسڵمانى خۆشه‌ویست هه‌ڵویسته‌یه‌ك بكه‌و پرسیارێك له‌ خۆت بكه‌، تا كه‌ى شوێنى هه‌واو ئاره‌زوو ده‌كه‌ویت و خۆت ده‌خه‌یته‌ گێژاوى تاوان و خراپه‌كارییه‌وه‌؟ مردن و كاتى سه‌ره‌مه‌رگ بێنه‌ پێش چاوى خۆت، ئه‌و ڕۆژه‌ بێنه‌ پێش چاوت به‌ زه‌لیلى و داماوى له‌به‌ر ده‌ستى خواى په‌روه‌ردگاردا ده‌وه‌ستیت، به‌چى زمانێك وه‌ڵامى خواى په‌روه‌ردگار ده‌ده‌یته‌وه‌؟ (به‌و زمانه‌ى خراپه‌یه‌ك نه‌مابوو پێى نه‌كه‌یت؟)!!، به‌چى پێیه‌ك خۆت ڕاده‌گریت و ده‌وه‌ستیت؟ (به‌و پێیه‌ى له‌هه‌ر شوێن و جێگایه‌ك خراپه‌ هه‌بوایه‌ ده‌ڕۆیشتى بۆى)!!!؟ وه‌ڵامت چییه‌و چى ده‌ڵێیت كاتێك خواى په‌روه‌ردگار پێى ووتى؟ ئه‌ى به‌نده‌كه‌م بۆ به‌گه‌وره‌مت نه‌زانى و ترسى منت له‌ دڵدا نه‌بوو؟ ئه‌ى به‌نده‌كه‌م بۆ شه‌رمت لێم نه‌كرد؟ بۆ منت به‌ چاودێر نه‌زانى به‌سه‌رته‌وه‌؟ ئایا ئاگادار بوون و بینینى منت به‌كه‌م سه‌یر ده‌كرد؟ ئایا چاكه‌م له‌ گه‌ڵدا نه‌كردبووى؟ ئایا نازوو نیعمه‌تم به‌سه‌ردا نه‌ڕشتبووى؟ موسڵمانى خۆشه‌ویست دینت، ڕه‌وشتى به‌رزت، عه‌قڵى ته‌واوت، وه‌ ئه‌و دڵه‌ت كه‌ له‌ خواى په‌روه‌ردگار ده‌ترسێت، وه‌ غیره‌تت له‌سه‌ر ئافره‌تانت، ئه‌م شتانه‌ به‌ حه‌رام و خراپ ده‌زانێت، ده‌ى سه‌ركه‌وه‌ به‌سه‌ر نه‌فستاو زاڵبه‌ به‌سه‌ر ئاره‌زووتداو ئه‌و جیهازو شاشانه‌ له‌ ماڵتدا ده‌ركه‌و مه‌یهێڵه‌ "خۆ ئه‌گه‌ر ئه‌ڵێى ئه‌مه‌ ناگونجێ و ناكرێت (به‌ڵام له‌ بنه‌ڕتدا وانییه‌) ئه‌وه‌ هه‌وڵبده‌ كه‌ناڵێك له‌ ماڵه‌كه‌تدا مه‌هێڵه‌ ئه‌گه‌ر گۆرانى موسیقاشى تێدایه‌"، چونكه‌ تۆى ده‌سه‌ڵاتدار له‌ ماڵه‌وه‌ پێغه‌مبه‌ر (صلی الله‌ علیه‌ وسلم) به‌رپرسێتى خستۆته‌ سه‌ر شانت و پێت ده‌ڵێت: ((... وَالرَّجُلُ رَاعٍ فِی أَهْلِهِ وَهُوَ مَسْئُولٌ عَنْ رَعِیَّتِهِ...)) صحیح، أخرجه البخاری فی "كتاب الجمعة" (853)، ومسلم فی "كتاب الإمارة" (1829)، من حدیث إبن عمر ((ڕه‌زای خوای لێبێت)).. واته‌: ... پیاوان شوان و به‌رپرسن له‌ ماڵ و منداڵ و خێزانیان، وه‌ پرسیاریان لێده‌كرێت (له‌ دواڕۆژدا) له‌ باره‌ى به‌رپرسیارێتێكه‌یانه‌وه‌.... ده‌ى موسڵمان ئه‌و به‌ڵایه‌ له‌ ماڵه‌كه‌تدا ده‌ربكه‌و واز بهێنه‌ له‌ كڕین و فرۆشتنى ئه‌و شته‌ خراپانه‌ بهێنه‌. براى به‌ڕێز زۆربه‌ى هه‌ره‌ زۆرى ئه‌و به‌رنامه‌و فیلمانه‌ به‌رنامه‌ ڕێژیان بۆ كراوه‌ بۆ نه‌هێشتنى دینى تـــۆ، بۆ داڕووخان و نه‌مانى ڕه‌وشتى به‌رزو جوانى تــــۆى موسڵمان. پێغه‌مبه‌ر (صلی الله‌ علیه‌ وسلم) هه‌واڵى پێمان داوه‌ كه‌ فیتنه‌ یه‌ك له‌ دواى یه‌ك به‌ وێنه‌ى شه‌وى تاریك و ڕه‌ش به‌سه‌ر ئه‌م ئوممه‌ته‌دا دێت كۆتاییه‌كه‌ى له‌ سه‌ره‌تاكه‌ى خراپتره‌، وه‌ موسڵمانانیشى لێ ئاگادار كردۆته‌وه‌، هه‌روه‌ك هاوه‌ڵى به‌ڕێز أسامه‌ كوڕى زید (خواى لێ ڕازى بێت) ده‌فه‌رمووێت: جارێكیان پێغه‌مبه‌ر (صلی الله‌ علیه‌ وسلم) چووه‌ سه‌ر به‌رزى و ته‌پۆلكه‌یه‌كى شارى مه‌دینه‌و فه‌رمووى: ((هَلْ تَرَوْنَ مَا أَرَى إِنِّی أَرَى مَوَاقِعَ الْفِتَنِ خِلَالَ بُیُوتِكُمْ كَمَوَاقِعِ الْقَطْرِ)) رواه البخاری (1878)، ومسلم (7427).. واته‌: ئایا نابینن ئه‌وه‌ى كه‌ من ده‌یبینم؟ من ده‌بینم فیتنه‌ به‌سه‌ر ماڵه‌كانتاندا به‌ وێنه‌ى باران ده‌بارێت. پێغه‌مبه‌ر (صلی الله‌ علیه‌ وسلم) كاتێك ئه‌و فه‌رمووده‌ پیرۆزه‌ى فه‌رمووه‌، نه‌ سه‌ته‌لایت، نه‌ ته‌له‌فزیۆن، نه‌ گۆرانى و فیلمى خراپ هه‌بووه‌!! ئه‌م شتانه‌ هیچى نه‌بوو پێغه‌مبه‌ر (صلی الله‌ علیه‌ وسلم) واى فه‌رمووه‌، تــــو خــوا ئه‌گه‌ر خۆشه‌ویستمان (صلی الله‌ علیه‌ وسلم) ئێستا زیندوو بوایه‌و حاڵى "ئیمان لاوازى و دوور كه‌وتنه‌وه‌ له‌ شه‌رع و تاوان زۆرى و چاكه‌ كه‌مى" ئه‌مڕۆى موسڵمانانى ببینیایه‌ ده‌بوایه‌ چى بووتایه‌؟!!!


خۆشه‌ویستان ئه‌گه‌ر به‌ ووردى بڕوانینه‌ به‌رنامه‌ داڕێژى دوژمنانى ئیسلام ئه‌وه‌ زۆر به‌ڕوونى و ئاشكرایى ده‌بینین كه‌ دوژمنانى ئیسلام جۆره‌ها به‌رنامه‌ داده‌ڕێژن بۆ له‌ناو بردنى ئیسلام، ده‌ى كه‌وابوو موسڵمانان با دوژمنانى ئیسلام و فیڵا و ته‌ڵه‌كانیان بناسین، چونكه‌ مه‌به‌ستیان ته‌نها ئه‌وه‌یه‌ بتكه‌ن به‌ گاور یان جوله‌كه‌ یان هاوڵ بڕیارده‌ر یان بێ باوه‌ڕبوون، یان كه‌مترین شت دڵت په‌یوه‌ست بێت به‌ ڕه‌وشت و داب و نه‌ریتیان. موسڵمانان شتێك كه‌ خواى په‌روه‌ردگارو پێغه‌مبه‌ر (صلی الله‌ علیه‌ وسلم) بۆیان جێگیر كردبێتین تا هه‌موو موسڵمانان ئاگادارى بن و بیزانن، ئه‌وه‌یه‌ كه‌ دوژمنانى ئیسلام جۆره‌ها به‌رنامه‌ داده‌ڕێژن بۆ له‌ناو بردنى دین و ماڵى موسڵمانان و له‌ناو بردنى خۆشیان، هه‌روه‌ك ده‌فه‌رمووێت: ( وَدَّ كَثِیرٌ مِنْ أَهْلِ الْكِتَابِ لَوْ یَرُدُّونَكُمْ مِنْ بَعْدِ إِیمَانِكُمْ كُفَّارًا حَسَدًا مِنْ عِنْدِ أَنْفُسِهِمْ مِنْ بَعْدِ مَا تَبَیَّنَ لَهُمُ الْحَقُّ (البقرة: ١٠٩). واته‌: زۆرێك له‌ خاوه‌ن كیتابه‌كان (گاورو جوله‌كه‌) له‌به‌ر حه‌سوودیى و ناپاكیان پێیان خۆشه‌و حه‌زده‌كه‌ن دواى ئه‌وه‌ى باوه‌ڕتان هێناوه‌و موسڵمان بوونه‌ كافرتان بكه‌نه‌وه‌، پاش ئه‌وه‌ى كه‌ به‌ ته‌واوى هه‌ق و ڕاستیان بۆ ڕوون بوویه‌وه‌و زانیان كه‌ موحه‌ممه‌د پێغه‌مبه‌رى خوایه‌ (صلی الله‌ علیه‌ وسلم)(صلی الله‌ علیه‌ وسلم). وه‌ هه‌روه‌ها ده‌فه‌رمووێت: وَلَا یَزَالُونَ یُقَاتِلُونَكُمْ حَتَّى یَرُدُّوكُمْ عَنْ دِینِكُمْ إِنِ اسْتَطَاعُوا (البقرة: ٢١٧). واته‌: بێگومان بن كه‌ ئه‌و بێ باوه‌ڕانه‌ جه‌نگتان له‌گه‌ڵ ده‌كه‌ن و هه‌رگیز كۆتایى ناهێنن و ده‌ست هه‌ڵناگرن "تا ئه‌گه‌ر بۆیان بگونجێت" له‌ ئایینتان وه‌رده‌گێڕن. به‌نده‌كانى خوا گه‌وره‌ترین هۆكارێك بۆ نه‌هێشتن و له‌ناوبردنى دینى تۆى موسڵمان سه‌فه‌ر كردنه‌ بۆ ووڵاتانى شیرك و كوفرو بێ ڕه‌وشتى، پێغه‌مبه‌ر (صلی الله‌ علیه‌ وسلم) ده‌فه‌رمووێت: ((إِنِّی بَرِیءٌ مِنْ كُلِّ مُسْلِمٍ یُقِیمُ  بَیْنَ  ظَهْرَانَیِ  الْمُشْرِكِینَ، قَالُوا: یَا رَسُولَ اللَّهِ، وَلِمَ ؟ قَالَ: لا تَرَاءَى نارَهُمَا)) رواه أبو داود (2647)، والترمذی (1604)، و الطبرانی فی "المعجم الكبیر" (2/441/2215)، وصححه الشیخ الألبانی فی "صحیح سنن أبی داود" (3/45/2645).. واته‌: من به‌ریم له‌و موسڵمانه‌ى كه‌ نیشته‌جێیه‌ له‌ناو هاوه‌ڵ بڕیارده‌ران، هاوه‌ڵانى به‌ڕێز (خوایان لێ ڕازى بێت) ووتیان بۆچـى ئه‌ى پێغه‌مبه‌ر (صلی الله‌ علیه‌ وسلم)؟ ئه‌ویش فه‌رمووى: له‌به‌ر ئه‌وه‌ى حوكمیان یه‌كسان نییه‌، وه‌ هه‌ندێ له‌ زاناكان فه‌رموویانه‌: له‌به‌ر ئه‌وه‌ى خواى په‌روه‌ردگار جیاوازى خستۆته‌ نێوان ووڵاتى موسڵمانان و ووڵاتى بێ باوه‌ڕان، بۆیه‌ دروست نییه‌ بۆ موسڵمان نیشته‌جێ بێت له‌ ووڵاتى كافران كاتێك ئه‌وان ئاگریان كرده‌وه‌و ئه‌میش بیان بینێت( بڕوانه‌: تفسیر سنن أبی داود (معالم السنن) لأبی سلیمان الخطابی (2/16)).، واته‌:نزیك بێت لێیان و تێكه‌ڵاویان بێت مه‌گه‌ر بۆ كارى پێویست.


موسڵمانى خۆشه‌ویست باسى سه‌فه‌رێك ده‌كه‌م كه‌ له‌ مێشكى زۆربه‌ى خه‌ڵكیدا نییه‌، به‌ڵكو زۆربه‌ى خه‌ڵكى هه‌ر به‌سه‌فه‌رى نازانن، به‌ڵێ منیش ده‌ڵێم: ئه‌و سه‌فه‌ره‌ نییه‌ كه‌ كه‌سى گه‌شتیار تیایدا ماندوو ده‌بێت، ناڕه‌حه‌تى تیابێت و له‌ ماڵ و منداڵ و كه‌س و كارو ووڵاتى دوور بێت و غه‌ریب بێت، به‌ڵكو باسى سه‌فه‌رێك ده‌كه‌م پێویستى به‌ پاسپۆرت و شوێن گرتن نییه‌، گه‌شتیار پێویستى به‌ ته‌مه‌نى دیارى كراو نییه‌، گه‌شتیار پێویستى به‌ هاوڕێ نییه‌، به‌ڵكو ته‌نها پێویستى به‌ هاوڕێیه‌تى كردنى شه‌یتان و نه‌فسى فه‌رمان كارێتى به‌ خراپه‌، گه‌شتێكه‌ كه‌سى گه‌شتیار نه‌فسى تاوانبارى ئه‌میرێتى، كوێى ویست لێبێت ده‌یبات، له‌ نێوان ووڵاتان ده‌یگێڕێت، گه‌شتێكه‌ پیاو به‌ ویستى خۆى به‌ ته‌نها له‌ گه‌ڵ ئافره‌تان ده‌مێنێته‌وه‌و به‌ده‌میانه‌وه‌ پێده‌كه‌نێت و سه‌یرى جوانیان ده‌كات، كه‌ ئه‌وه‌ش ئه‌و په‌ڕى بێ شه‌رمى و بێ حه‌یاییه‌. ئه‌و سه‌فه‌ره‌ى كه‌ من باسى ده‌كه‌م بریتییه‌: له‌ سه‌فه‌ر كردنى مرۆڤــ به‌ عه‌ق و دڵى بۆ ووڵاتانى شیرك و كوفرو داڕوخانى ئه‌خلاق و ڕه‌وشت له‌ ڕێگه‌ى شاشه‌و كه‌ناڵه‌ ئاسمانییه‌كانه‌وه‌ كه‌ ئه‌مڕۆ ماڵى زۆربه‌ى موسڵمانانى داگیر كردووه‌. گه‌شت كردن بۆ ئه‌و ووڵاتانه‌ له‌ ڕێگه‌ى شاشه‌كانه‌وه‌ (ته‌له‌فزیۆن و سه‌ته‌لایت و ئینته‌رنێت) زیان و ترسناكى زۆر زیاتره‌، وه‌ پاشه‌ڕۆژى زۆر ترسناكتره‌ وه‌ك له‌ سه‌فه‌ر كردن به‌ لاشه‌و به‌ ڕێگه‌ى دیارى كراودا، چونكه‌ ئه‌و كه‌سه‌ى به‌ دیار ئه‌و شاشانه‌وه‌ داده‌نیشێت و كاتى خۆى به‌ فیڕۆ ده‌دات ته‌نها سه‌یر ده‌كات و شت وه‌رده‌گرێت، بآئه‌وه‌ى هیچ به‌ره‌نگارى و ڕه‌ددێكى هه‌بێت، به‌ڵام ئه‌و كه‌سه‌ى به‌ لاشه‌ى سه‌فه‌رى پێویست ده‌كات بۆ ئه‌و ووڵاتانه‌ به‌ ئاگایه‌و ده‌سه‌ڵاتى به‌سه‌ر نه‌فسى خۆیدا هه‌یه‌، زیاتر له‌و كه‌سه‌ى كه‌ به‌ عه‌ق و دڵى گه‌شت ده‌كات بۆ ووڵاتانى شیرك و كوفرو داڕوخانى ئه‌خلاق و ڕه‌وشت له‌ ڕێگه‌ى شاشه‌و كه‌ناڵه‌ ئاسمانییه‌كانه‌وه‌. به‌نده‌كانى خوا ئه‌و كه‌ناڵه‌ ئاسمانییه‌ خراپانه‌ كه‌ زۆربه‌ى خه‌ڵكى ڕازییه‌و ڕێگه‌ى داوه‌ بێته‌ ناو ماڵه‌كانیان له‌ شه‌رعدا حه‌رامه‌، هه‌ر چه‌نده‌ كه‌سانێك به‌ باشى بزانن بڵێن باشه‌ى تێدایه‌، به‌ڵێ منیش وا ده‌ڵێم، به‌ڵام بێ گومان ده‌بێت دان به‌وه‌دا بنێین كه‌ لایه‌نى باشه‌ى سه‌دان جار كه‌متره‌ له‌ لایه‌نى خراپه‌و تاوانى.


موسڵمانى خۆشه‌ویست ئاگادارت ده‌كه‌مه‌وه‌ به‌ سێ شت، ئاگاداركردنه‌وه‌یه‌ بۆ هه‌موو پیاوێكى به‌رپرس له‌ ماڵ و منداڵ و ئافره‌تانى:


یه‌كه‌م: خواى په‌روه‌ردگار فه‌رمانى به‌ به‌نده‌كانى كردووه‌ كه‌ ته‌قواى بكه‌ن و لێى بترسن، به‌ڵام پێت ده‌ڵێم: كوا ته‌قواو ترسى تۆ له‌ خواى گه‌وره‌ كاتێك به‌ چاوه‌كانت ده‌ڕوانیته‌ ئه‌و كاره‌ حه‌رام و خراپانه‌.


دووه‌م: خواى په‌روه‌ردگار فه‌رمانى پێ كردوویت كه‌ خۆت و ماڵ و منداڵت له‌ ئاگرى دۆزه‌خ بپارێزێت، هه‌روه‌ك ده‌فه‌رمووێت: ( یَا أَیُّهَا الَّذِینَ آَمَنُوا قُوا أَنْفُسَكُمْ وَأَهْلِیكُمْ نَارًا وَقُودُهَا النَّاسُ وَالْحِجَارَةُ )(التحریم: ٦). واته‌: ئه‌ى ئیمانداران خۆتان و ماڵ و منداڵتان بپارێزن له‌ ئاگرى دۆزه‌خ، ئه‌و ئاگره‌ى كه‌ سوته‌مه‌نییه‌كه‌ى مرۆڤــ و به‌رده‌ (به‌ردى ڕه‌شى كبریت، زوو ئاگر ده‌گرێت و به‌لاشه‌وه‌ ده‌نووسێت)، خۆتان ڕزگار بكه‌ن له‌ ئاگرێكى زۆر به‌ ئێشى ترسناك، وه‌ له‌گه‌ڵ خۆتاندا ئه‌هله‌كه‌شتان ڕزگار بكه‌ن كه‌ ده‌ڵێن خۆشمان ده‌وێن، چۆن خۆشتان ده‌وێن له‌ كاتێكدا به‌ ده‌ستى خۆتان به‌ره‌و هه‌ڵدێران و له‌ناو چوونیان ده‌به‌ن له‌گه‌ڵ بوونى ئه‌و ئامێرانه‌دا. ئه‌و كه‌سه‌ى كه‌ ئه‌هل و منداڵه‌كانى تووشى ئه‌و تاوانانه‌ ده‌كات ئایا له‌وه‌ ناترسێت به‌ر ئه‌و فه‌رمووده‌یه‌ى پێغه‌مبه‌ر (صلی الله‌ علیه‌ وسلم) بكه‌وێت كه‌ ده‌فه‌رمووێت: ((مَا مِنْ عَبْدٍ یَسْتَرْعِیهِ اللَّهُ رَعِیَّةً یَمُوتُ یَوْمَ یَمُوتُ  وَهُو غَاشٌّ  لِرَعِیَّتِهِ إِلاَّ حَرَّمَ اللَّهُ عَلَیْهِ الْجَنَّةَ)) رَوَاهُ الْبُخَارِىُّ (6731)، و مسلم (1/87/380)، وابن حبان فی "صحیحه"(4495)، وقال شعیب الأرنؤوط: إسناده صحیح على شرط مسلم.. واته‌: هیچ به‌نده‌یه‌ك نییه‌ كه‌ خواى په‌روه‌ردگار ده‌یكاته‌ به‌رپرس و گه‌وره‌و ده‌سه‌ڵاتدار، ئه‌و ڕۆژه‌ى كه‌ ده‌مرێت غه‌ش و خیانه‌تى كردووه‌ له‌ژێر ده‌سته‌كانى، ئه‌وه‌ خواى په‌روه‌ردگار ڕێگه‌ى به‌هه‌شتى لێده‌گرێت و نایكاته‌ به‌هه‌شته‌وه‌ له‌گه‌ڵ كۆمه‌ڵى یه‌كه‌م له‌ سه‌رفرازان، یان هه‌ر نایكاته‌ به‌هه‌شته‌وه‌ ئه‌گه‌ر زوڵم و سته‌م و خیانه‌ت به‌ دروست و حه‌ڵاڵ بزانێت(بڕوانه‌: شرح النووی على صحیح مسلم (2/166)). موسڵمانى خۆشه‌ویست وا گومان مه‌به‌!! بڵێیت: ئه‌م فه‌رمووده‌یه‌ ته‌نها مه‌به‌ستى گه‌وره‌و كاربه‌ده‌ستانه‌، نه‌خێر هه‌رگیز وانییه‌، به‌ڵكو فه‌رمووده‌یه‌كى گشتیه‌و هه‌موو ئه‌و كه‌سانه‌ ده‌گرێته‌وه‌ كه‌ فه‌رمانیان پێكراوه‌ ژێر ده‌سته‌كانیان بپارێزن، پێشه‌وا له‌سه‌رێتى حه‌ق و مافى خه‌ڵكى بپارێزێت، پیاوان له‌سه‌ریانه‌ ماڵ و منداڵیان بپارێزن(بڕوانه‌: المفهم لما أشكل من تلخیص كتاب مسلم (1/284).).  خۆ ئه‌گه‌ر هه‌ر پشت هه‌ڵ ده‌كه‌یت و گوێ ناده‌یت به‌ حه‌ق و شوێنى هه‌واو ئاره‌زوو و شه‌یتان ده‌كه‌ویت، ئه‌وه‌ ئاگادارت ده‌كه‌مه‌وه‌ له‌ كارى


سێ یه‌م: ئه‌ویش ئه‌وه‌یه‌: دوو شتت له‌به‌ر ده‌مدایه‌، كه‌ ڕاكردن نییه‌ لێیان، یه‌كه‌میان: خواى په‌روه‌ردگار به‌شه‌وو ڕۆژ نیعمه‌تى به‌سه‌ردا ڕشتوویت، ئایا له‌وه‌ ناترسیت له‌ ناكاو خواى گه‌وره‌ سزات بۆ بنێرێت (له‌سه‌ر تاوانه‌كانت)، ئایا نازانیت چه‌ند گه‌ل و هۆز له‌ ناوچوون له‌ چاو تروكانێكدا به‌ هۆى تاوانه‌كانیانه‌وه‌؟. خۆ ئه‌گه‌ر هه‌ر واز ناهێنیت له‌ تاوان ئه‌وه‌ كارێكى ترت له‌به‌رده‌مدا ماوه‌ كه‌ به‌هیچ شێوه‌یه‌ك ڕزگارت نابێت لێى: ئه‌ویش مانه‌وه‌و ته‌نیایى ناو گۆڕته‌، پڕ بان ده‌م و چاوت بووه‌ له‌ خۆڵ، لاشه‌ت پڕ بووه‌ له‌ كرم و مارو دوپشك، پاشان كه‌ زیندوو ده‌كرێیته‌وه‌ به‌سه‌رى ڕووت و پێى په‌تى له‌به‌ر ده‌ستى خواى په‌روه‌ردگاردا ده‌وه‌ستێندرێیت، حه‌سره‌ت و په‌شیمانیت زیاتر  ده‌بێت ئه‌و كاته‌ى كه‌ خێزانت، كوڕت، كچت، برات، شوێنكه‌وتوانت، شانت ده‌گرن و پێت ده‌ڵێن: كوا مافمان؟ بۆ فێڵت لێكردین؟ بۆ غه‌ش و خیانه‌تت لێكردین؟ بۆ ئامۆژگاریت نه‌كردین؟ بۆ ڕێگه‌ى تاوانت بۆ ئاسان كردین؟ بۆ ده‌مانت بینى به‌دیار كه‌ناڵه‌ خراپه‌كانه‌وه‌ دانیشتبووین و تاوانمان ده‌كرد به‌ڵام ڕێگریت لێنه‌ده‌كردین؟ ده‌بێت حاڵت چۆن بێت له‌و كات و ساته‌ ناڕه‌حه‌ته‌دا. بۆ هه‌موو ئه‌و كه‌سانه‌ى كه‌ زۆر به‌ ساده‌یى ئه‌و ئامێرانه‌ له‌ ماڵه‌وه‌ داده‌نێن، پێیان ده‌ڵێم: سوێند به‌ خواى په‌روه‌ردگار ڕاده‌گیرێیت له‌به‌ر ده‌ستى خواى په‌روه‌ردگاردا، وه‌ پرسیارت لێده‌كرێت، ده‌بێت وه‌ڵامت چى بێت به‌رامبه‌ر خواى زانا به‌ هه‌موو ئاشكراو نهێنیه‌كان؟!!! خۆ ئه‌گه‌ر پاش هه‌موو ئه‌مانه‌ هه‌ر وازت نه‌هێناو شاشه‌ى ته‌له‌فزیۆنه‌كه‌ت پڕ بوو له‌ كه‌ناڵى خراپ، ئه‌وه‌ به‌دوورى مه‌گره‌و لۆمه‌ى كوڕه‌كه‌ت مه‌كه‌ سبه‌ینێ سه‌ڵیب له‌ مل بكات (ببێته‌ گاورو جوله‌كه‌)، وه‌ به‌دوورى مه‌زانه‌ كچه‌كه‌ت بێ هیچ شه‌رم و بێ هیچ حه‌یایه‌ك په‌یوه‌ندى ناشه‌رعى له‌گه‌ڵ كوڕانى بێگانه‌ ببه‌ستێت و هه‌ر ڕۆژه‌ى له‌گه‌ڵ كوڕێكدا ده‌رچێت به‌ملاولادا، وه‌ به‌دوور نازانرێت كه‌ ئافره‌تانى خاوه‌ن مێرد په‌یوه‌ندى حه‌رام و ناشه‌رعى له‌گه‌ڵ دۆست و هاوڕێیانى مێردیان و كه‌سانى تردا ببه‌ستن و تووشى تاوانى سه‌رشۆڕكه‌رو ئابڕوو به‌رى زیـــنــــــــا ببن، ئه‌ویش هه‌مووى به‌ هۆى بوونى ئه‌و ئامێر و كه‌ناڵه‌ خراپانه‌وه‌یه‌ له‌ ناو ماڵه‌كانماندا!!!. ئه‌وه‌ى كه‌ ئینسان ده‌یان بینێت له‌ شاشه‌ى كه‌ناڵه‌كانه‌وه‌ بێ گومان كاریگه‌رى له‌سه‌رى ده‌بێت ئه‌گه‌ر پاش ماوه‌یه‌كى زۆریش بێت، به‌ڵام شه‌یتان چاوو دڵى خه‌ڵكى كوێر كردووه‌ و ئاگایان له‌ خۆیان نییه‌، كه‌سى وا هه‌یه‌ چه‌ندین ساڵ هه‌وڵى داوه‌ تا ماڵ و منداڵى چاك بكات، به‌ڵام له‌ ماوه‌یه‌كى زۆر كه‌مدا تووشى خراپه‌و تاوانى زۆریان ده‌كات، ئه‌ویش به‌ هێنانى ئه‌و ئامێرو كه‌ناڵه‌ خراپانه‌یه‌ بۆ ناو ماڵ و منداڵى. موسڵمانى خۆشه‌ویست حوكمى كڕین و فرۆشتنى ته‌له‌فزیۆن و سه‌ته‌لایت لاى ئه‌م زانا به‌ڕێزانه‌ حه‌رامه‌، مه‌گه‌ر سه‌دا سه‌د بۆ كارى باشه‌ به‌كار بهێنرێت: (الشیَّخ إبنُ حَمید، سَماحَةُ الشَّیخِ إبنُ باز، وَفَضیلَةُ الشَّیخ إبنُ العُثَیمین، وَفَضیلَةُ الشَّیخ إبنُ جبرین) (ڕه‌حمه‌تى خوایان لێبێت). خۆ ئه‌گه‌ر ده‌ڵێیت من تازه‌ ئه‌و ئامێرانه‌م هه‌یه‌ چى بكه‌م؟ ده‌ڵێم: له‌ خوا بترسه‌ و هه‌وڵبده‌ با كه‌ناڵه‌كانت دینى بێت (قورئانى پیرۆزو شه‌رعى ئیسلام و به‌رنامه‌ى به‌سوود بێت)، با كه‌ناڵێكى تیا نه‌بێت كه‌ خراپه‌و تاوانى تیا پیشان ده‌درێت، ته‌نانه‌ت با به‌ ناوى هه‌واڵ و زانیارى و وه‌رزش و ...هتد، شه‌یتان هه‌ڵت نه‌خه‌ڵه‌تێنێت و ده‌رگاى خراپه‌ت بۆ بكاته‌وه‌و به‌  هۆیانه‌وه‌ بآئاگا بیت و تووشى تاوان بیت، موسڵمان پاش هه‌موو ئه‌مانه‌ ئه‌وه‌ ماوه‌ ئه‌ركى سه‌رشانت بزانیت و هه‌ستیت به‌ كارى خۆت(1).


(1) وه‌رگـــێڕ.
          

صفحات سایت

پیچک