تبلیغات
ماڵپه‌ری ئیسلام كورد
Rss
Logo
ADS
زاراوه‌كانی قیرائات

مه‌تنی تحفة الأطفال

ته‌فسیری قورئانی پیرۆز

شێوازی نوێژی پێغه‌مبه‌ر

ئامۆژگاری بۆ موسڵمانان

كاتی بانگه‌كان&بانكبێژان

24 كاتژمێر راسته‌وخۆ

ئاماری ماڵپه‌ر
میوانانی سه‌رهێل

ژماره‌ى سه‌ردانه‌كان

ڕاپرسی ماڵپه‌ر
ئایا تا ئێستا سوودت له‌ ماڵپه‌ری ئیسلام كورد بینیوه‌؟؟؟

ماڵپه‌ره‌ كۆنه‌كه‌مان
عه‌لمانیه‌ت بناسه‌
گێژاوی مه‌دخه‌لیزم
مێژووی انصار الاسلام
فیرعه‌ونی زه‌مان و قه‌یرانی...

 

 

 

ئه‌م بابه‌ته‌ بڵاوكراوه‌ته‌وه‌
له‌ به‌شی : بابه‌تی هه‌مه‌جۆر,

 

گه‌وره‌یی وپاداشتی ڕه‌وشت جوانی


ئاماده‌كردنی: م،ئه‌بوبه‌كر ئه‌حمه‌د

بسْمِ اللَّهِ الرَّحْمَنِ الرَّحیمِ
إِنَّ الْحَمْدَ لِلَّهِ نَحْمَدُهُ وَنَسْتَعِینُهُ وَنَسْتَغْفِرُهُ وَنَعُوذُ بِاللَّهِ مِنْ شُرُورِ أَنْفُسِنَا وَسَیِّئَاتِ أَعْمَالِنَا مَنْ یَهْدِهِ اللَّهُ فَلاَ مُضِلَّ لَهُ وَمَنْ یُضْلِلْ فَلاَ هَادِىَ لَهُ وَأَشْهَدُ أَنْ لاَ إِلَهَ إِلاَّ اللَّهُ وَحْدَهُ لاَ شَرِیكَ لَهُ وَأَشْهَدُ أَنَّ مُحَمَّداً عَبْدُهُ وَرَسُولُهُ أَمَّا بَعْدُ ...
باوه‌ڕدارى خۆشه‌ویست: له‌ خواترسان و پابه‌ند بوون به‌سنوره‌ شه‌رعیه‌كانه‌وه‌ بنچینه‌ى كارى چاكه‌یه‌، وه‌ مامه‌ڵه‌ كردن و هه‌ڵسو كه‌وت و ڕه‌وشتى جوانیش له‌گه‌ڵ خه‌ڵكیدا فه‌رمان پێكراوه‌ له‌لایه‌ن خواى په‌روه‌ردگاره‌وه‌ پاشان له‌لایه‌ن پێغه‌مبه‌رى خواوه‌(صلی الله‌ علیه‌ وسلم) وه‌ به‌دڵنیایى فه‌زڵ و پاداشتى ڕه‌وشت جوانى گه‌لێك زۆره‌ به‌ پشتیوانى خواى په‌روه‌ردگار هه‌ندێك له‌و فه‌زڵ و پاداشتانه‌ باس ده‌كه‌ین كه‌ به‌هۆى ڕه‌وشت جوانییه‌وه‌ ده‌ستمان ده‌كه‌وێت، له‌وانه‌:
یه‌كه‌م: باوه‌ڕدارى ڕه‌وشت جوان پاپه‌ندى فه‌رمانى پێغه‌مبه‌رى خوایه‌ (صلی الله‌ علیه‌ وسلم).

هاوه‌ڵى خۆشه‌ویست موعازى كوڕى جه‌به‌ل (ڕه‌زای خوای لێبێت) فه‌رمووى: ئه‌ى پێغه‌مبه‌رى خوا (صلی الله‌ علیه‌ وسلم) ئامۆژگاریم بكه‌، ئه‌ویش فه‌رمووى: ( وَخَالِقِ النَّاسَ بِخُلُقٍ حَسَنٍ ) صَحِیح الْجَامِع للشَّیْخ الأَلْبَانی (97) .واته‌: تێكه‌ڵى خڵك بكه‌و ڕه‌وشت و هه‌ڵسوكه‌وتت جوان بێت له‌گه‌ڵیاندا، هه‌روه‌ك چۆن حه‌ز ده‌كه‌یت خه‌ڵكى ڕه‌فتارو هه‌ڵسوكه‌وتى له‌گه‌ڵتاجوان بێت .
دووه‌م: باوه‌ڕدارى ڕه‌وشت جوان خۆشه‌ویست ترین كه‌سه‌ به‌لاى خواى په‌روه‌ردگاره‌وه‌ .
پێغه‌مبه‌رى خوا (صلی الله‌ علیه‌ وسلم) فه‌رموویه‌تى: ( أَحَبُّ عِبَاد اللَّهِ إِلَى اللَّهِ أَحْسَنُهُمْ خُلُقًا ) صَحِیح الْجَامِع للشَّیْخ الأَلْبَانی (179) .واته‌: خۆشه‌ویسترین به‌نده‌ى باوه‌ڕدار له‌لاى خواى په‌روه‌ردگار ئه‌وكه‌سه‌یه‌ كه‌ ڕه‌وشتى جوانه‌ . 
سێ یه‌م: باوه‌ڕدارى ڕه‌وشت جوان نزیكترین به‌نده‌یه‌ له‌ پێغه‌مبه‌رى خواوه‌ (صلی الله‌ علیه‌ وسلم) له‌ ڕۆژى دواییدا .
پێغه‌مبه‌رى خوا (صلی الله‌ علیه‌ وسلم) فه‌رموویه‌تى: (وَأَقْرَبَكُمْ مِنِّى فِى الآخِرَةِ مَجَالِس، أحَاسِنُكُمْ أَخْلاَقاً) صَحِیح الْجَامِع (1535)واته‌: وه‌ نزیكترین كه‌ستان له‌منه‌وه‌ له‌ ڕۆژى دواییدا، چاكترین جوانترین و ڕه‌وشت جوانتانه‌ .
چواره‌م: ڕه‌وشت جوانى هۆكاره‌ بۆ چوونه‌ به‌هه‌شت.
پرسیار كرا له‌ پێغه‌مبه‌رى خوا(صلی الله‌ علیه‌ وسلم) ده‌رباره‌ى زۆرینه‌ى خه‌ڵك به‌هۆى چى یه‌وه‌ ده‌چنه‌ به‌هه‌شته‌وه‌، ئه‌ویش فه‌رمووى: ( تَقْوَى اللَّهِ وَحُسْنُ الْخُلُقِ ) سِلْسِة الأحادیث الْصَحِیحة للشَّیْخ الأَلْبَانی (977) .واته‌: له‌ خواترسان و پابه‌ند بوون به‌سنوره‌ شه‌رعیه‌كانه‌وه‌، وه‌ ڕه‌وشتى جوان له‌گه‌ڵ خه‌ڵكید .
پێنجه‌م: قورسترین كرده‌وه‌یه‌ له‌ته‌رازووى دواڕۆژدا. 
پێغه‌مبه‌رى خوا(صلی الله‌ علیه‌ وسلم) فه‌رموویه‌تى: (مَا مِنْ شَىْءٍ فِى الْمِیزَانِ أَثْقَلُ مِنْ حُسْنِ الْخُلُقِ) صَحِیح الْجَامِع(5721). واته‌: هیچ كرده‌وه‌یه‌ك نى یه‌ كه‌ له‌ ته‌رازووى كرده‌وه‌كاندا قورستربێت به‌ ئه‌ندازه‌ى ڕه‌وشت جوانى(له‌دواى یه‌كتاپه‌رستى) .
شه‌شه‌م: باوه‌ڕدار به‌هۆى ڕه‌وشت جوانییه‌وه‌ ده‌گات به‌ پله‌ى ئه‌وانه‌ى كه‌ به‌شه‌و شه‌و نوێژ ده‌كه‌ن .
پێغه‌مبه‌رى خوا(صلی الله‌ علیه‌ وسلم) فه‌رموویه‌تى: (إِنَّ الْمُؤْمِنَ لَیُدْرِكُ بِحُسْنِ خُلُقِهِ دَرَجَةَ الصَّائِمِ الْقَائِمِ)صَحِیح الْجَامِع (1932)واته‌: به‌ڕاستى مرۆڤى باوه‌ڕدار به‌هۆى ڕه‌وشت جوانییه‌كه‌یه‌وه‌ ده‌گات به‌ پله‌ى ئه‌وانه‌ى كه‌ به‌شه‌و شه‌و نوێژ ده‌كه‌ن و به‌ڕۆژیش به‌ڕۆژوو ده‌بن, (مه‌به‌ست ڕِۆژووى سوننه‌ته‌) .
حه‌وته‌م: ڕه‌وشت جوانى باشترین به‌خششه‌ .
پرسیار كرا له‌ پێغه‌مبه‌رى خوا(صلی الله‌ علیه‌ وسلم)ده‌رباره‌ى خێرترین و باشترین به‌خشش؟ ئه‌ویش فه‌رمووى: ( خُلُقٌ حَسَنٌ ) صَحِیح الْجَامِع للشَّیْخ الأَلْبَانی (3321) واته‌: خوو ڕه‌وشت جوانییه‌ .
هه‌شته‌م: هیچ كرده‌وه‌یه‌ك نى یه‌ باوه‌ڕدار جوان بكات به‌وێنه‌ى ڕه‌وشت جوانى .
پێغه‌مبه‌رى خوا(صلی الله‌ علیه‌ وسلم) فه‌رموویه‌تى: ( عَلَیْكَ بِحُسْنِ الْخُلُق، وَطُولِ الصَّمْتِ، فَوَالَّذِی نَفْسِی بِیَدِهِ مَا تَجَمَّلَ الْخَلائِقُ بِمثلِهَما ) صَحِیح الْجَامِع للشَّیْخ الأَلْبَانی (4048) .واته‌: پابه‌ندبن به‌ڕه‌وشت جوانییه‌وه‌، وه‌ پابه‌ندیش بن به‌ بێ ده‌نگبوونى به‌رده‌وام، چونكه‌ سوێند به‌وه‌ى كه‌ گیانى منى به‌ده‌سته‌ هیچ كرده‌وه‌یه‌ك نییه‌ كه‌ مرۆڤه‌كان بڕازێنێته‌وه‌ به‌وێنه‌ى ئه‌و دووانه‌ .
نۆیه‌م: باوه‌ڕدارى ڕه‌وشت جوان له‌ به‌رزترین شوێنى به‌هه‌شت كۆشكى بۆدروست ئه‌كرێت .
پێغه‌مبه‌رى خوا(صلی الله‌ علیه‌ وسلم) فه‌رموویه‌تى: ( أَنَا زَعِیمٌ بِبَیْتٍ فِى أَعْلَى الْجَنَّةِ لِمَنْ حَسَّنَ خُلُقَهُ ) صَحِیح الْجَامِع (1464). واته‌: وه‌ من كۆشكێك له‌ به‌رزترین شوێنى به‌هه‌شت مسۆگه‌ر ده‌كه‌م بۆ كه‌سێك كه‌ ڕه‌وشتى جوان بێت .
ده‌یه‌م: باوه‌ڕدارى ڕه‌وشت جوان چاكترین به‌نده‌یه‌ .
پێغه‌مبه‌رى خوا (صلی الله‌ علیه‌ وسلم) فه‌رموویه‌تى: ( أفضل المُؤْمِنِینَ إِیمانَاً أحْسَنُهُمْ خُلُقاً ) صَحِیح الْجَامِع للشَّیْخ الأَلْبَانی (1128) . واته‌: چاكترین و باشترینى باوه‌ڕداران كه‌ باوه‌ڕه‌كه‌یان ته‌واوو دامه‌زراو بێت، ئه‌و كه‌سانه‌ن كه‌ ڕه‌وشتیان جوانه‌ 


یانزه‌یه‌م: ڕه‌وشت جوانى هۆكاره‌ بۆ له‌ناوچوونى دوژمنایه‌تى و به‌رپابوونى دۆستایه‌تى .
خواى په‌روه‌ردگار ده‌فه‌رمووێت:( وَلَا تَسْتَوِی الْحَسَنَةُ وَلَا السَّیِّئَةُ ادْفَعْ بِالَّتِی هِیَ أَحْسَنُ فَإِذَا الَّذِی بَیْنَكَ وَبَیْنَهُ عَدَاوَةٌ كَأَنَّهُ وَلِیٌّ حَمِیمٌ )[فصلت 34] .واته‌: چاكه‌و خراپه‌ وه‌ك یه‌ك نین، به‌چاكترین شێوه‌ وه‌ڵامى خراپه‌ بده‌ره‌وه‌ (خراپه‌ به‌چاكه‌ ڕه‌ت بده‌ره‌وه‌، نه‌ك خراپه‌ به‌خراپه‌ ڕه‌ت بده‌یته‌وه‌) چونكه‌ ئه‌گه‌ر خراپه‌ به‌چاكه‌ ڕه‌ت بده‌یته‌وه‌, ئه‌وا ئه‌و كه‌سه‌ى كه‌ دوژمنیشته‌ ئه‌بێت به‌دۆستێكى خۆشه‌ویستت .
له‌ كۆتایدا... ئه‌مه‌ گوڵبژێرێك بوو له‌ فه‌زڵ و گه‌وره‌یى و پاداشتى ڕه‌وشت جوانى .


وَآخِرُ دَعْوانا أَنِ الْحَمْدُ لِلّهِ رَبِّ الْعَالَمینَ
وَ الصَّلاة وَالسَّلامُ عَلَى نَبِیّنَا مُحَمَّد وَعَلَى آلهِ وَصَحْبهِ أَجمَعین
          

صفحات سایت

پیچک