ماڵپه‌ری ئیسلام كورد
Rss
Logo
ADS
زاراوه‌كانی قیرائات

مه‌تنی تحفة الأطفال

ته‌فسیری قورئانی پیرۆز

شێوازی نوێژی پێغه‌مبه‌ر

ئامۆژگاری بۆ موسڵمانان

كاتی بانگه‌كان&بانكبێژان

24 كاتژمێر راسته‌وخۆ

ئاماری ماڵپه‌ر
میوانانی سه‌رهێل

ژماره‌ى سه‌ردانه‌كان

ڕاپرسی ماڵپه‌ر
ئایا تا ئێستا سوودت له‌ ماڵپه‌ری ئیسلام كورد بینیوه‌؟؟؟

ماڵپه‌ره‌ كۆنه‌كه‌مان
عه‌لمانیه‌ت بناسه‌
گێژاوی مه‌دخه‌لیزم
مێژووی انصار الاسلام
فیرعه‌ونی زه‌مان و قه‌یرانی...

 

 

 

ئه‌م بابه‌ته‌ بڵاوكراوه‌ته‌وه‌
له‌ به‌شی : فه‌رهه‌نگی بانگخوازان,

 

بانگكردنی خه‌ڵك بۆ هیدایه‌ت-ته‌واوكه‌ری زنجیره‌ی سێ یه‌م

ئاماده‌كردنی: دووربین

(2) هیدایه‌ت وه‌رگرتنی “عومه‌ری كوڕی خه‌تتاب” (خوا لێی ڕازی بێت)
“عومه‌ری كوڕی خه‌تتاب” پیاوێكی ئازاو به‌جه‌رگ و بوێر بوو، خاوه‌ن هێزو ده‌سه‌ڵاتێكی بێوێنه‌ بوو، له‌ پێش ئیسلامدا تووندترین كه‌س بوو له‌ دژی ئایینی خوادا! وه‌ تووندترین كه‌س بوو له‌ دژایه‌تی كردنی پێغه‌مبه‌ر ” صَلّى اللهُ عَلَیْهِ وَعَلَى آلِهِ وسَلَّم” قه‌ت دڵی بۆ ئیسلام نه‌رم نه‌ده‌بوو!! ڕۆژێ له‌ ڕۆژان “عومه‌ری كوڕی خه‌تتاب” بڕیار ئه‌دات كه‌ پێغه‌مبه‌ری ئه‌كڕه‌م ” صَلّى اللهُ عَلَیْهِ وَعَلَى آلِهِ وسَلَّم” بكوژێت!! شمشێره‌كه‌ی به‌ بێ كالێن و به‌ڕووتی به‌ده‌ست ده‌گرێ و ده‌چێت تا پێغه‌مبه‌ر ” صَلّى اللهُ عَلَیْهِ وَعَلَى آلِهِ وسَلَّم” بكوژێت!! له‌ ڕێگه‌ی ده‌گاته‌ یه‌كێ له‌ هاوه‌لێنی پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم” كه‌ ئیمانی خۆی ئاشكر نه‌كردبوو پێی ده‌ڵێت: ئه‌وه‌ بۆ كێ ده‌چیت “عومه‌ر” ؟!! عومه‌ریش ئه‌ڵێت ده‌چم موحه‌ممه‌د ده‌كوژم!! هاوه‌ڵه‌كه‌ش پێی ده‌ڵێت: جا به‌نی “عه‌بدولموته‌ڵیب” لێت ده‌گه‌ڕێن زیندوو بمێنیت؟! عومه‌ریش پێی ده‌ڵێت: ده‌ڵێی شوێن ئه‌و كه‌وتوویت؟! هاوه‌ڵه‌كه‌ش 

پێی ده‌ڵێت: نــــا! به‌ڵام بزانه‌ عومه‌ر (پێش ئه‌وه‌ بچیته‌ لای موحه‌ممه‌د و بیكوژیت، بڕۆ سه‌ره‌تا له‌ ماڵی خۆت ده‌ست پێبكه‌!) عومه‌ر ئه‌ڵێ كـــێ؟ ئه‌ویش ئه‌ڵێت: فاتیمه‌ی خوشكت و مێرده‌كه‌ی كه‌ شوێن موحه‌ممه‌د كه‌وتوون، “عومه‌ر” ده‌ڵێت:  تۆ به‌ڕاست وا ئه‌ڵێیت؟! ئه‌ویش ده‌ڵێت: به‌ڵێ!!
عومه‌ر به‌خێرا و به‌ تووڕه‌یی خۆ ده‌گه‌ینێته‌ ماڵی “سه‌عیدی كوڕی زه‌ید” مێردی فاتیمه‌ی خوشكی (خوا لێیان ڕازی بێت)، له‌ ده‌رگای ماڵ ئه‌دات، كه‌ ئه‌و كاته‌ “خه‌ببابی كوڕی ئه‌ره‌ت” (خوا لێی ڕازی بێت) له‌وێ ده‌بێت و فاتیمه‌و سه‌عیدی كوڕی زه‌یدی مێردی فێری قوڕئان ده‌كرد، كاتێ كه‌ عومه‌ر له‌ ده‌رگای دا، “سه‌عید” ده‌چێ ده‌رگاكه‌ ده‌كاته‌وه‌و عومه‌ر ده‌ستی ده‌گرێت و پێی ده‌ڵێت: ده‌ڵێی كافر بوویت؟ سه‌عیدیش ده‌ڵێت: یا عومه‌ر ئه‌ی ئه‌گه‌ر هه‌ق به‌ غه‌یری دینی تۆوه‌ بوو؟ عومه‌ر تووڕه‌ ده‌بێت و شه‌قێكی تێ ده‌سره‌وێنێ  پاشان ده‌ستی فاتیمه‌ی خوشكی ده‌گرێت ده‌ڵێت: ده‌ڵێی تۆش كافر بوویت؟ ئه‌ویش ده‌ڵێت: ئه‌ی ئه‌گه‌ر هه‌ق به‌ غه‌یری دینی تۆوه‌ بوو؟ ئه‌ڵێ شه‌قێكی زۆر تووند ده‌كێشكێ به‌ بنه‌گوێی ئه‌ویشدا، له‌و كاته‌ قوڕئانه‌كه‌ی كه‌ له‌ده‌ست فاتیمه‌ بوو ده‌كه‌وێته‌ خوار!! عومه‌ر پێی ده‌ڵێت ئا ده‌ی ئه‌و كتێبه‌م پێ بده‌؟!! فاتیمه‌ش پێی ده‌ڵێت: تۆ هاوتادانه‌رێكی پیسیت، بڕۆ ده‌ستنوێژ بگره‌ ئینجا وه‌ره‌ بیخوێنه‌وه‌، ئه‌ڵێ عومه‌ر چوو ده‌ستنوێژی گرت و ئینجا قوڕئانه‌كه‌ی ده‌ست دایه‌و خوێندییه‌وه‌  طه * مَا أَنزَلْنَا عَلَیْكَ الْقُرْآنَ لِتَشْقَى * إِلَّا تَذْكِرَةً لِّمَن یَخْشَى * تَنزِیلًا مِّمَّنْ خَلَقَ الْأَرْضَ وَالسَّمَاوَاتِ الْعُلَى * الرَّحْمَنُ عَلَى الْعَرْشِ اسْتَوَى * لَهُ مَا فِی السَّمَاوَاتِ وَمَا فِی الْأَرْضِ وَمَا بَیْنَهُمَا وَمَا تَحْتَ الثَّرَى  (سوره‌ طە 1-6(
ئه‌ڵێ عومه‌ر له‌گه‌ڵ خوێندنه‌وه‌ی ده‌ستی كرد به‌ له‌رزین، گوتی ئا ئه‌م قسانه‌ قسه‌ی به‌شه‌ر نین، ئینجا گوتی «  أشهد أن لا إله إلا اڵه و أن محمداً رسول الله» ئینجا گوتی موحه‌ممه‌د له‌ كوێیه‌ پێم بڵێن؟! ئینجا ده‌ڵێ “خه‌بباب” كه‌ خۆی له‌ په‌نا په‌رده‌وه‌ حه‌شاردابوو دێته‌ ده‌رو پێی ده‌ڵێت: من ئه‌تبه‌مه‌ لای! ئه‌ڵێ عومه‌ر له‌ گه‌ڵ خه‌بباب ده‌چنه‌ ماڵی “ئه‌ڕقه‌می كوڕی ئه‌بی ئه‌قه‌رم”، “عومری كوڕی خه‌تتاب” له‌ ده‌رگا ئه‌دات و هاوه‌ڵان ده‌ڵێن: كێییه‌؟ ئه‌ویش ده‌ڵێت: عومه‌ر! ئه‌ڵێ هاوه‌ڵان ترسان و چوون به‌ په‌له‌ خۆیان شارده‌وه‌! ئینجا “حه‌مزه‌ی كوڕی عه‌بدولموته‌ڵیب”  هه‌ڵده‌سێ، ده‌ڵێت: ئه‌ی پێغه‌مبه‌ری خوا ” صَلّى اللهُ عَلَیْهِ وَعَلَى آلِهِ وسَلَّم ” ئیزنم بده‌ من بچم، پێغه‌مبه‌ری “صَلّى اللهُ عَلَیْهِ وَعَلَى آلِهِ وسَلَّم”  ده‌فه‌رموێت: لێی گه‌ڕێ حه‌مزه‌! ئه‌ڵێ یه‌كسه‌ر عومه‌ر دێته‌ ژوورو پێغه‌مبه‌ر تووند ده‌ستی ده‌گرێت ده‌فه‌رموێت: ئایا ئێستا كاتی ئه‌وه‌ نه‌هاتووه‌ ئه‌ی كوڕی خه‌تتاب؟!! عومه‌ریش (په‌نجه‌ی به‌رزكرده‌وه‌) گوتی:  (« إنى أشهد أن لا إله إلا الله و أنك رسول الله »)  ئه‌ڵێ سه‌حابه‌كان له‌ خۆشیان وێكڕا هاواریان كرد و گوتیان (الله اكبر).. ئه‌ڵێ ته‌كبیرێكی وایان كرد هه‌موو خه‌ڵكی مه‌ككه‌ بیستیانه‌وه‌!! به‌ڕاستی مسوڵمان بوون و هیدایه‌ت وه‌رگرتنی عومه‌ر سه‌ركه‌وتنێكی زۆر گه‌وره‌ بوو بۆ ئیسلام و عیززه‌تێكی گه‌وره‌ی دا به‌ ئیسلام، پێغه‌مبه‌ریش به‌رده‌وام دوعای بۆ ده‌كردو ده‌یفه‌رموو:  (« اللهم أعز الإسلام بأحد العُمرین »)  واته‌: خودایه‌ ئه‌و ئیسلامه‌ سه‌رخه‌یت به‌ یه‌كێ له‌ عومه‌ره‌كان، (كه‌ یه‌كیان عومه‌ری كوڕی خه‌تتاب و ئه‌وی تر عه‌مری كوڕی هیشام –ئه‌بووجه‌هل- بوو.
جا لێره‌وه‌ “عومه‌ر” ده‌ستپێشخه‌ری كردو هه‌ڵسایه‌ سه‌ر پێی و گوت ئه‌ی پێغه‌مبه‌ری خوا، ئایا ئێمه‌ له‌سه‌ر هه‌ق نین؟ پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم”  فه‌رمووی: به‌ڵێ! “عومه‌ر” گوتی: ئه‌ی ئه‌وان له‌سه‌ر ناهه‌ق نین؟ پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم”  فه‌رمووی: به‌ڵێ! “عومه‌ر” گوتی: ده‌ی بۆ خۆ بشارینه‌وه‌؟!! پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم”  فه‌رمووی: ده‌ی ده‌ڵێی چی بكه‌ین ئه‌ی “عومه‌ر”؟ “عومه‌ر” گوتی: ده‌چینه‌ ده‌رو ته‌وافی كه‌عبه‌ ده‌كه‌ین، پێغه‌مبه‌ر ” صَلّى اللهُ عَلَیْهِ وَعَلَى آلِهِ وسَلَّم “  فه‌رمووی: ده‌ی وا ده‌كه‌ین ئه‌ی عومه‌ر.. ئه‌ڵێ ئینجا مسوڵمانان هاتنه‌ ده‌ره‌وه‌ بۆ یه‌كه‌مجار بوو به‌ ئاشكرا (الله اكبر) و (لا اله الا الله) بكه‌ن، بۆ ئه‌مه‌ بوون به‌ دوو پۆڵ، پۆڵێكیان “عومه‌ر” پێشه‌نگی ده‌كردن، پۆڵه‌كه‌ی تر “حه‌مزه‌ی كوڕی عه‌بدولموته‌ڵیب”! پێغه‌مبه‌ریش “صَلّى اللهُ عَلَیْهِ وَعَلَى آلِهِ وسَلَّم”  له‌ ناوه‌ڕاستیان بوو ده‌یانگوت: (الله اكبر و لله الحمد) تا چوون ته‌وافی كه‌عه‌به‌یان كرد.. به‌م دیمه‌نه‌ قوره‌یشییه‌كان زۆر ترسان هه‌ر كه‌سه‌ له‌ ترسی “عومه‌ری كوڕی خه‌تتاب” و پێغه‌مبه‌رو یارانی ڕایانكرده‌ ماڵه‌وه‌.. لێره‌وه‌ به‌ ئاشكر بڵاو كردنه‌وه‌ی ئیسلام ده‌ستی پێكرد، پاشان تێكڕای مسوڵمانان به‌ نهێنی كۆچیان كرد بۆ مه‌دینه‌، “عومه‌ر” نه‌بێت، كه‌ له‌به‌ر چاوی قوڕیشییه‌كان كۆچی كردو گوتی: كێ ده‌یه‌وێ منداڵه‌كه‌ی یه‌تیم بێته‌وه‌، وه‌ خێزانه‌كه‌ی بێوه‌ژن بێته‌وه‌ دایكی خۆی نه‌بینێێته‌وه‌، با بۆم بێته‌ دوای ئه‌م دۆڵه‌وه‌.. ئه‌ڵێ كه‌س نه‌یوێرا ئه‌وه‌ی له‌گه‌ڵ بكات و كه‌س زاتی نه‌كرد له‌ دژی بوه‌ستێته‌وه‌.. بۆیه‌ لێره‌وه‌ “عه‌بدوڵڵای كوڕی مه‌سعوود” (خوا لێی ڕازی بێت)  ده‌ڵێت: به‌رده‌وام له‌وڕۆژه‌ی عومه‌ر مسوڵمان بووه‌ ئێمه‌ سه‌ربه‌رزووین عیززه‌تمان له‌م ئیسلامه‌دا پێ بڕاوه‌!
(3) هیدایه‌تدانی خالیدی كوڕی وه‌لید (خوا لێی ڕازی بێت(
“خالیدی كوڕی وه‌لید” (خوا لێی رازی بێت) خۆی باسی ده‌كات و ده‌فه‌رموی: كاتێ خوا ویستی خێری پێم بوو هێنامیه‌وه‌ سه‌ر خۆ و خۆشه‌ویستی ئیسلامی خسته‌ دڵمه‌وه‌، خۆم به‌ خۆمم ده‌گوت: له‌هه‌موو نه‌به‌ردێكا دژی محمد “صَلّى اللهُ عَلَیْهِ وَعَلَى آلِهِ وسَلَّم” ئاماده‌ بووم، و له‌ هه‌ر شوێنێكیش ئاماده‌بووبم به‌جێم هێشتووه‌، و موحه‌ممه‌د ” صَلّى اللهُ عَلَیْهِ وَعَلَى آلِهِ وسَلَّم”سه‌ركه‌وتووبووه‌..
له‌كاتێكا پێغه‌ممه‌ر “صَلّى اللهُ عَلَیْهِ وَعَلَى آلِهِ وسَلَّم” ڕۆیشت بۆ حوده‌یبییه‌، له‌ته‌ك كۆمه‌ڵه‌ سوارێكی بت په‌رستا ڕۆیشتینه‌ ده‌ره‌وه‌ و له‌ناوچه‌ی  (عوسه‌فان) به‌ پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم” گه‌یشتین، به‌ره‌و ڕووی وه‌ستام، ویستم ده‌ستیان لێ بوه‌شێنم، كه‌چی ئه‌و له‌به‌رده‌ممانا نوێژی نیوه‌ڕۆی به‌ هاوه‌ڵه‌كانی كرد، و ویستمان له‌ناو نوێژه‌كه‌دا هێرش به‌رینه‌ سه‌ریان، هه‌ستی به‌ مه‌به‌سته‌كه‌ی ئێمه‌ كرد، و نوێژی ترسی به‌كۆمه‌ڵه‌كه‌ی كرد ئه‌ویش ئه‌وه‌یه‌ كه‌ نوێژخوێنه‌كان ده‌بنه‌ دوو به‌شه‌وه‌ به‌شێكیان له‌ناو نوێژه‌كه‌دان و |ڕوو به‌قیبله‌، به‌شه‌كه‌ی تریشیان ڕووده‌كه‌نه‌ دوژمنان و له‌هه‌ر لایه‌كه‌وه‌ بن، “خالید” ده‌ڵێ: به‌هاوڕێكانم گوت: ئه‌م پیاوه‌ پارێزراوه‌، و ناتوانین ده‌ستی لێ بوه‌شێنین، ئیتر وازمان لێ هێنا و ئه‌ویش خۆی لادا له‌ به‌ره‌وڕووبونه‌وه‌مان..
كه‌ قوره‌یش له‌حوده‌یبییه‌دا پێكهاتن له‌ته‌كیا و ڕێكه‌وتنیان مۆركرد، به‌خۆمم ده‌گوت: باشه‌، چی ماوه‌ته‌وه‌؟ و بۆ كوێ بچم؟ حه‌به‌شه‌م پێده‌زانی بڕۆم ئه‌ویش پاشاكه‌ی شوێن موحه‌ممه‌د “صَلّى اللهُ عَلَیْهِ وَعَلَى آلِهِ وسَلَّم” كه‌وتووه‌، و هاوه‌ڵه‌كانی له‌وێ ئۆقره‌یان گرتووه‌، برۆم بۆ لای هیره‌قل، ده‌بێ له‌ دینه‌كه‌ی خۆم وازبێنم و ببمه‌ جوو یا فه‌ڵه‌، و له‌ناو خه‌ڵكێكی ناهاوزمانا بژیم، و له‌ غه‌ریبایه‌تیدا.. ئیتر ڕۆیشتمه‌وه‌ بۆ ماڵ خۆمان و له‌وێ لێی دانیشتم..
كاتێ “وه‌لید”ی برام (وه‌لیدی كوڕی وه‌لید) هاتبوو بۆ مه‌ككه‌ بۆ ئه‌وه‌ی له‌ته‌ك پێغه‌مبه‌را عه‌مره‌ی قه‌زا بكات، له‌مه‌ككه‌ ده‌رچووم و نه‌م ویست بیان بینم، وه‌لیدی برام نامه‌یه‌كی بۆ دانابووم كه‌ تیایا نوسیبووی:
به‌ناوی خوای به‌خشنده‌ی میهره‌بان
له‌پاشان:
من وا نازانم ڕای تۆ له‌ ئیسلامت لادا، و عه‌قڵی پیاوێكی تۆ ئیسلام نه‌ناسێ، پێغه‌ممه‌ر “صَلّى اللهُ عَلَیْهِ وَعَلَى آلِهِ وسَلَّم” له‌باره‌ی تۆوه‌ پرسیاری لێكردم و فه‌رمووی “خالید” له‌ كوێیه‌؟ منیش عه‌رزم كرد: قوربان! خوا ده‌یهێنێ بۆ لات.. ئه‌ویش فه‌رموی ده‌بێ پیاوێكی وه‌ك خالید بێ ئاگابێ له‌ ئیسلام؟ بۆ ئه‌و باشتر وابوو هه‌وڵ و تێكۆشانی له‌گه‌ڵ مسووڵمانان بوایه‌، ئێمه‌ش به‌سه‌ر غه‌یری خۆیا پێشمان ده‌خس، براكه‌م! زووبه‌ فریابكه‌وه‌، ئه‌و شوێنه‌ باشانه‌ی له‌كیست چووه‌ قه‌ره‌بوویان بكه‌وه‌..
كاتێ نامه‌كه‌م خوێنده‌وه‌ خۆم ئاماده‌كرد بۆ ڕۆیشتن.. ئاره‌زووم له‌ ئیسلام زیاتر بوو، به‌تایبه‌ت كه‌ پێغه‌ممه‌ر  “صَلّى اللهُ عَلَیْهِ وَعَلَى آلِهِ وسَلَّم” هه‌واڵی پرسی بووم، زۆر خۆشحاڵی كردم.. له‌خه‌وما وام ده‌زانی له‌ وڵاتێكی نه‌هامه‌تی وگرانی ته‌نگدام، و به‌ره‌و وڵاتێكی سه‌ر سه‌وزی پان و به‌رین ده‌ڕۆم.. كه‌گه‌یشتمه‌ مه‌دینه‌ بۆ “ئه‌بوبه‌كر”م گیڕایه‌وه‌ ئه‌ویش فه‌رمووی: خوا له‌ته‌نگه‌لانی بت په‌رستییه‌وه‌ ڕێنوێنی بۆ پان وبه‌رینی ئیسلام كردوویت..
كاتێ له‌مه‌ككه‌دا بڕیارم دا كه‌ به‌ره‌و مه‌دینه‌ بڕۆم و موسوڵمان ببم، بیرم كرده‌وه‌ كێ بكه‌م به‌هاوه‌ڵی خۆم له‌م گه‌شته‌دا، به‌”سه‌فوانی كوڕی ئومه‌ییه‌” گه‌یشتم و گوتم: “ئه‌بوو وه‌هه‌ب”! ده‌زانی ئێمه‌ له‌چ حاڵێكداین؟
ئێمه‌ وه‌ك خرێ واین، موحه‌ممه‌د به‌سه‌ر عه‌ره‌ب وعه‌جه‌ما زاڵ بووه‌، ئه‌گه‌ر ئێمه‌ش بڕۆیشتینایه‌ بۆ لای موحه‌ممه‌د و شوێنی كه‌وتباین، شه‌ره‌فی ئه‌و شه‌ره‌فی ئێمه‌یشه‌.. كه‌چی زۆر به‌سه‌ختی وه‌ڵامی دامه‌وه‌ و ڕازی نه‌بوو.. گوتی: ئه‌گه‌ر كه‌س نه‌مێنێته‌وه‌ ته‌نیا خۆم نه‌بێ من شوێنی ناكه‌وم.. ئیتر لێك جیا بووینه‌وه‌..
له‌دڵی خۆیشما گوتم: له‌وانه‌یه‌ دڵی گه‌رم بێت، چونكه‌ له‌ غه‌زای به‌درا باوكی و براكه‌ی كوژراون..
پاشان به‌ “عیكریمه‌ی كوڕی ئه‌بو جه‌هل” گه‌یشتم، چیم به‌ “سه‌فوان” گوت، به‌ویشم گوت، ئه‌ویش وه‌ك “سه‌فوان” وه‌ڵامی دامه‌وه‌.. گوتم: ده‌باشه‌ .. ئه‌م هه‌واڵه‌ لای كه‌س باس مه‌كه‌..گوتی: باسی ناكه‌م..
ڕۆیشتمه‌وه‌ بۆ ماڵ دوو وڵاخم ئاماده‌ كرد، كه‌ هاتمه‌ ده‌ره‌وه‌ “عوسمانی كوری ته‌لحه‌”م بینی، گوتم: ئه‌مه‌ ده‌كه‌م به‌هاوه‌ڵی خۆم، ویستم باسی بكه‌م، له‌پاشان بیرم كردوه‌ كه‌ چه‌ند‌ان كه‌س له‌ باوك و كه‌س وكاری كوژراوه‌ پێم ناخۆش بوو پێی بڵێم..
پاشان گوتم: خۆ من ئێستا ده‌ڕۆم با پێی بڵێم، ئه‌و په‌ڕه‌كه‌ی ده‌ڵێت نایه‌م.. كاتێ بۆم باس كرد، زۆر خێرا وه‌ڵامی دامه‌وه‌ ‌و ئاماده‌گی خۆی ده‌ر بڕی..
پێم گوت: من ئه‌مڕۆ ده‌ڕۆم، و ئه‌مه‌ش بارگه‌و بنه‌مه‌.. ئیتر به‌ڵێنمان دا له‌ ناوچه‌ی (یه‌ئجوج)دا یه‌ك بگرین، ئه‌گه‌ر ئه‌و پێشتر گه‌یشت له‌ ڕێم بوه‌ستێ، ئه‌گه‌ر من پێشتر گه‌یشتم له‌ڕێی بوه‌ستم..
له‌گزنگی به‌ره‌به‌یانا له‌ناوچه‌ی (یه‌ئجوج) یه‌كمان گرته‌وه‌، ڕۆیشتین تا گه‌یشینه‌ ناوچه‌ی (هه‌دده‌)، دیمان “عه‌مری كوڕی عاس”ش له‌وێیه‌، چاكوچۆنی لێ كردین، و به‌خێرهاتنی پێ گوتین.. گوتی: به‌ره‌و كوێ ده‌چن؟ گوتمان: ئه‌ی تۆ چی هێناویتیه‌ ده‌ره‌وه‌؟ گوتی: ئه‌ی چی ئێوه‌ی هێناوه‌ته‌ ده‌ره‌وه‌؟ گوتمان ئیسلام، و ده‌مانه‌وێ مسووڵمان ببین و شوێن پێغه‌ممه‌ر “صَلّى اللهُ عَلَیْهِ وَعَلَى آلِهِ وسَلَّم” بكه‌وین.. ئه‌ویش گوتی: منیش هه‌مان مه‌به‌ستم هه‌یه‌ و ئیتر هه‌رسێكمان پێكه‌وه‌ ڕۆیشتین و بووینه‌ هاوه‌ڵ..
كه‌ گه‌یشتینه‌ مه‌دینه‌ منیش خۆم گۆڕی و جوانترین پۆشاكی خۆمم له‌به‌ركرد، و هه‌واڵی هاتنی ئێمه‌یان به‌ پێغه‌ممه‌ر “صَلّى اللهُ عَلَیْهِ وَعَلَى آلِهِ وسَلَّم” دابوو، زۆر پێی خۆشحاڵ ببوو. ئینجا ویستم بڕۆم بۆلای، “وه‌لید”ی برامم پێ گه‌یشت گوتی: خێرابه‌، پێغه‌ممه‌ر “صَلّى اللهُ عَلَیْهِ وَعَلَى آلِهِ وسَلَّم” هه‌واڵی هاتنی تۆی پێ گه‌یشتووه‌ زۆر خۆشحاڵ بووه‌، و چاوه‌رێتان ده‌كات..
منیش پێم هه‌ڵگرت ڕۆیشتم بۆ خزمه‌تی، هه‌ر له‌گه‌ڵ ئێمه‌ی دی ده‌م به‌ بزه‌وه‌ بوو تا گه‌یشتینه‌ به‌رده‌می، به‌ناوی پێغه‌ممه‌ریه‌تییه‌وه‌ سڵاوم لێكرد و گوتم: سڵاوی خوات لێ بێ ئه‌ی پێغه‌مه‌ری خوا، ئه‌ویش به‌ڕوویه‌كی كراوه‌ و گه‌شه‌وه‌ وه‌ڵامی دامه‌وه‌ و له‌به‌رده‌میا شایه‌تمانم هێنا و گوتم من شایه‌تی ده‌ده‌م كه‌: “أشهد ان لا اله الا اڵه، وأنك رسول الله”
 فه‌رمووی وه‌ره‌.. ئینجا سوپاسی خوای كرد كه‌ هیدایه‌ت و ڕینوێنی منی بۆ ئیسلام كردووه‌، و فه‌رمووی: من ژییرییه‌كم له‌تۆدا ده‌بینی، هیواداربووم كه‌ ته‌سلیمی خێرت بكات..
گوتم: ئه‌ی پێغه‌ممه‌ری خوا من دوژمنایه‌تی جه‌نابت ودینی خوام زۆر كردووه‌، توخوا داوای لێ خۆشبوونم له‌خوا بۆ بكه‌، ئه‌ویش فه‌رمووی:  “ئیسلام ئه‌وه‌ی پێش خۆی ده‌شۆرێته‌وه‌” كه‌ زانی من حه‌ز ده‌كه‌م دوعام بۆ بكات
فه‌رمووی: خوایه‌! له‌ هه‌رشوێنێكا “خالیدی كوڕی وه‌لید” هه‌وڵی بۆ به‌رنگاربوونه‌وه‌ی ئاینی تۆ داوه‌، لێی خۆش ببه‌.. “عوسمانی كوڕی ته‌لحه‌”، و “عه‌مری كوڕی عاس”یش هاتنه‌ پێشه‌وه‌و به‌یعه‌ت و په‌یمانیان دا به‌ پێغه‌ممه‌ر “صَلّى اللهُ عَلَیْهِ وَعَلَى آلِهِ وسَلَّم”. ئه‌مه‌ش له‌ مانگی سه‌فه‌ری ساڵی هه‌شته‌می كۆچیدا بوو..
(تێبینی: ته‌واوی ئه‌م چیڕۆكه‌ی خالیدی كوڕٍی وه‌لید له‌ پێگه‌ی مه‌كۆی كوردژین وه‌رگیراوه‌، ده‌ستی نووسه‌ره‌كه‌ی خۆش بێت)
لێره‌دا كۆتایی به‌م باسه‌ش ده‌هێنین، له‌خوای گه‌وره‌ داواكارم كه‌ هیدایه‌تی هه‌موو لامان زیاتر بۆ دینه‌كه‌ی خۆی بدات و سه‌بات و خۆڕاگریمان له‌سه‌ر ئه‌م دینه‌ پێ ببه‌خشێت و ئاقیبه‌تی هه‌موو لامان خێركات (ئامین)
          

صفحات سایت

پیچک

ساخت وبلاگ در میهن بلاگ

شبکه اجتماعی فارسی کلوب | اخبار کامپیوتر، فناوری اطلاعات و سلامتی مجله علم و فن | ساخت وبلاگ صوتی صدالاگ | سوال و جواب و پاسخ | رسانه فروردین، تبلیغات اینترنتی، رپرتاژ، بنر، سئو