تبلیغات
ماڵپه‌ری ئیسلام كورد
Rss
Logo
ADS
زاراوه‌كانی قیرائات

مه‌تنی تحفة الأطفال

ته‌فسیری قورئانی پیرۆز

شێوازی نوێژی پێغه‌مبه‌ر

ئامۆژگاری بۆ موسڵمانان

كاتی بانگه‌كان&بانكبێژان

24 كاتژمێر راسته‌وخۆ

ئاماری ماڵپه‌ر
میوانانی سه‌رهێل

ژماره‌ى سه‌ردانه‌كان

ڕاپرسی ماڵپه‌ر
ئایا تا ئێستا سوودت له‌ ماڵپه‌ری ئیسلام كورد بینیوه‌؟؟؟

ماڵپه‌ره‌ كۆنه‌كه‌مان
عه‌لمانیه‌ت بناسه‌
گێژاوی مه‌دخه‌لیزم
مێژووی انصار الاسلام
فیرعه‌ونی زه‌مان و قه‌یرانی...

 

 

 

ئه‌م بابه‌ته‌ بڵاوكراوه‌ته‌وه‌
له‌ به‌شی : فه‌رهه‌نگی بانگخوازان,

 

بانگكردنی خه‌ڵك بۆ هیدایه‌ت-زنجیره‌ی سێ یه‌م

ئاماده‌كردنی: دووربین

زنجیره‌ی- سێیه‌م-
شێوازی بانگه‌وازكردن
نووسه‌ران و شاره‌زایان نووسراوی زۆریان سه‌باره‌ت به‌ شێوازه‌كانی بانگه‌واز نوسیوه‌، به‌ڵام به‌نده‌ لێره‌ ئاماژه‌ به‌گرنكترینیان ده‌ده‌م، كه‌ پێنج خاڵن؛
ئه‌ڵێم له‌ شێوازه‌ سه‌ركه‌وتووه‌كانی بانگه‌وازكردن و بانگكردنی خه‌ڵك بۆ هیدایه‌ت چه‌ند خاڵێكن:
1. سووربوون له‌سه‌ر هیدایه‌تدانی كه‌سه‌كان! هه‌رچه‌ند هیدایه‌ت له‌ده‌ست خوایه‌, به‌ڵام كه‌س نازانێ كه‌ خوا كێ هیدایه‌ت ده‌دات، مه‌گه‌ر ئه‌وه‌ی ته‌نها خوا بیه‌وێ هیدایه‌تی بدات. خۆ ئه‌ گه‌ر ئه‌و كه‌سه‌ی كه‌ بانگی ده‌كه‌یت بۆ هیدایه‌ت بێباوه‌ڕ بوو، ئه‌وه‌ گیانی مكووڕبوون له‌سه‌ر ڕێنما بوونی ئه‌و كه‌سه‌ ئه‌بێ زیندووتر و به‌رقه‌رار تربێت لای داعییه‌كه‌. ئه‌وه‌تا پێغه‌مبه‌ری ئه‌كڕه‌م “صَلّى اڵهُ عَلَیْهِ وَعَلَى آلِهِ وسَلَّم  ” چه‌نده‌ له‌سه‌ر دڵی گران بوو كه‌ خه‌ڵكی لێی دوورده‌كه‌وتنه‌وه‌و گوێیان به‌ فه‌رمایشته‌ كانی ئه‌و نه‌ده‌دا له‌ بێباوه‌ڕان! تا گه‌یشت به‌وه‌ كه‌ خوا لۆمه‌ی بكات و بفه‌رموێت:  (فَلَعَلَّكَ بَاخِعٌ نَّفْسَكَ عَلَى آثَارِهِمْ إِن لَّمْ یُؤْمِنُوا بِهَذَا الْحَدِیثِ أَسَفاً)   (الكهف: 6) . واته‌: له‌وانه‌یه‌ تۆیش ئه‌ی 

پێغه‌مبه‌ر! “صَلّى اڵهُ عَلَیْهِ وَعَلَى آلِهِ وسَلَّم ” له‌خه‌م و خه‌فه‌تى ئه‌وانه‌دا باوه‌ڕ به‌م قورئانه‌ ناكه‌ن , خۆت له‌ ناو ببه‌یت و تیابچیت! هه‌ر بۆیه‌ خوای گه‌وره‌ پێغه‌مبه‌ری نازدار “صَلّى اڵهُ عَلَیْهِ وَعَلَى آلِهِ وسَلَّم ” به‌ مكووڕبوو له‌سه‌ر هیدایه‌تدانی خه‌ڵكه‌كه‌ وه‌سف ده‌كات، وه‌ك ده‌فه‌رموێت:  (إِن تَحْرِصْ عَلَى هُدَاهُمْ فَإِنَّ اللّهَ لاَ یَهْدِی مَن یُضِلُّ وَمَا لَهُم مِّن نَّاصِرِینَ)   (النحل: 37) . واته‌: هه‌رچه‌ند زۆر سووربی له‌سه‌ر ڕێنموونی ئه‌وانه‌ (بێ سووده‌) چونكه‌ به‌ڕاستی خوا ڕێنموونی كه‌سێك ناكات كه‌ (بیه‌وێ) گومڕای بكات هیچ پشتیوانێكیشیان نییه‌. بۆیه‌ ئه‌گه‌ر بابای داعی مكووڕ بوو له‌سه‌ر هیدایه‌تدانی خه‌ڵكه‌كه‌ ئه‌وه‌ له‌ دوییان نابێته‌وه‌ تا به‌هه‌ر جۆرێ بێت ده‌یهێنێته‌ سه‌ر ڕێگه‌ی ڕاستی ئیسلام! به‌ڵام ئه‌گه‌ر مكوڕ نه‌بێ زۆر گوێ به‌ هه‌موو كه‌س نه‌دات، ئه‌وه‌ بانگه‌وازه‌كه‌ی خۆی فه‌رامۆش ده‌كات و ناتوانێ كه‌ له‌ بانگه‌وازكردنه‌كه‌ی سه‌ركه‌وتوو ببێت.
2. حیكمه‌ت و لێزانین: حیكمه‌ت و لێزانین به‌هێزترین هۆكاری سه‌ركه‌وتنی بانگه‌وازه‌.
خوا  (سبحانه وتعالى)  فه‌رمانی كردووه‌ كه‌ بانگه‌واز به‌ حیكمه‌ت و كارزانی و به‌ مه‌وعیزه‌و نه‌سیحه‌تی چاك بانگه‌واز ئه‌بێ بكرێ، وه‌ك ده‌فه‌رموێت:  (ادْعُ إِلِى سَبِیلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِی هِیَ أَحْسَنُ)   (النحل : 125) . واته‌: خه‌ڵكی بانگ بكه‌ بۆ ڕێگه‌ی په‌روه‌ردگارت به‌ لێزانی و دانایی و ئامۆژگاری چاك و شیرین وه‌ له‌ گه‌ڵیان بدوێ (موجاده‌له‌ بكه‌) بدوێ به‌چاكترین شێوه‌. هه‌روه‌ها ده‌فه‌رموێ:  (وَمَن یُؤْتَ الْحِكْمَةَ فَقَدْ أُوتِیَ خَیْراً كَثِیراً)   (البقرة: 269) . واته‌: ئه‌وه‌ى كه‌وا حیكمه‌تى پێ ببه‌خشرێت، ئه‌وه‌ خێرێكى زۆرى پێ دراوه‌.
هه‌ڵبه‌ت حیكمه‌ت و لێزانینیش پیشه‌ى پێغه‌مبه‌ران و كه‌ڵه‌ پیاوانى ئیسلام بووه‌، كه‌ زۆر چاك به‌ حیكمه‌ت و كارزانینیان توانیویانه‌ كه‌ كاره‌كانیان له‌ جێگه‌ى خۆیان ئه‌نجام به‌رن، بۆ ئه‌مه‌ش گه‌لىَ جۆر شێوازیان گرتبووه‌ به‌ر.. ده‌مێ جار به‌ گوته‌ى نه‌رم و گفتولفت شیرین.. ده‌مێ هه‌ڵس و كه‌وتى له‌ جێ سه‌نگین .. حانێكیش پێویستیان به‌ زه‌برو كوته‌ك هه‌بوایه‌ بێ سێو دوو له‌ ملى كافرانیان ئه‌وه‌شاند .. چونكه‌ حیكمه‌ت و تێگه‌یشتنى چاك و به‌ مانا ته‌نها بریتى  نییه‌ له‌وه‌ كه‌وا له‌به‌رده‌م  باوه‌ڕداران ئاوى ساز گارو له‌ به‌رده‌م بێ باوه‌ڕیش وه‌ك ماستى مه‌ییو وابیت ! نه‌خێر.. به‌ڵكوو بۆ گه‌یشتن به‌ ئامانج هێندێ جار نه‌رم و نیان و شنه‌ با بوون  له‌به‌رده‌م پێویستیش دا ڕه‌قه‌ن و به‌ ده‌مارو ڕه‌شه‌با بوو ون ؟!
3. بۆ هه‌ركه‌س به‌جۆرێ بانگه‌واز ده‌كرێت: یه‌كێ تر له‌ هۆكاری سه‌ركه‌وتنی بانگه‌واز ئه‌وه‌یه‌ كه‌ دیڕاسه‌ی بانگكراوه‌كه‌ بكه‌یت و بیپشكنیت كه‌ چی پێویسته‌. چون هه‌موو كه‌س وه‌ك یه‌ك نین، وه‌ك هه‌موو كه‌سیش یه‌ك جۆر شتی پێویست نییه‌.. هه‌یه‌ هیچ له‌باردا نه‌بووه‌.. واته‌: ئه‌بێ له‌ ئه‌لیف و بێیه‌وه‌ پێی هه‌ڵچنیته‌وه‌، هه‌یشه‌ له‌ دین شاره‌زایه‌، به‌ڵام پێویستی به‌ كه‌مێ ئاودان هه‌یه‌! ئه‌وانه‌ی كه‌ هیچییان له‌باردا نییه‌، هێدی هێدی له‌گه‌ڵی ده‌ست پێ ئه‌كه‌یت به‌و جۆره‌ی كه‌ ئه‌و ده‌توانێ لێی تێ بگات، وه‌ك ده‌ڵێن: (كلم الناس على قدر عقولهم). واته‌: به‌ ئه‌ندازه‌ی ئه‌قڵی ئه‌وان له‌گه‌ڵیان بدوێ. له‌ ناو ئه‌وانیشا خه‌ڵكه‌كه‌ چوون یه‌ك نین، هه‌یه‌ به‌ دوو قسان ڕاسته‌ڕێ ئه‌بێ و خوا هیدایه‌تی ئه‌دات، هه‌یشه‌ ڕۆحت ده‌ره‌ئه‌چێت تا له‌ شتێك ئه‌گا، هه‌یشه‌ قه‌ت تێ ناگات!! هه‌یشه‌ خۆی كه‌سێكی له‌ سه‌ر ئیسلام حسێب بووه‌و مسوڵمانه‌، به‌ڵام ورده‌ گوناهی هه‌ن (ڕه‌نگه‌ كه‌بیره‌شی هه‌بن!)، ئه‌وه‌ پێویسته‌ بۆ ئه‌ویش په‌نجه‌ له‌سه‌ر برینه‌كانی دابنێیت و به‌ حیكمه‌ت و لێزانین حاڵی بكه‌یت و تێی بگه‌ینیت..
4. هێناوه‌ی به‌ڵگه‌كان: هه‌ڵبه‌ت خه‌ڵك زۆری له‌ ئایین و به‌رنامه‌ی خوا حاڵی نه‌بوو ون، هه‌یه‌ ته‌نها گومانێك وای لێ كردووه‌ كه‌ له‌ گه‌ڵ ئایینی خوادا ڕێنه‌كه‌وێ, هه‌یشه‌ به‌ لینگاوقووچی له‌ ئیسلام گه‌یشتووه‌، بۆیه‌ بۆ هه‌موو ئه‌و كه‌سانه‌ زه‌رووره‌ كه‌ به‌ڵگه‌ی زیندووییان بۆ بهێنرێته‌وه‌.. به‌ڵگه‌ی زیندوو ئه‌وه‌یه‌ كه‌ ئه‌وان له‌كێی ئه‌م دینه‌ به‌گومانن، یان له‌كێی ئه‌م دینه‌ به‌ هه‌ڵه‌ تێیكه‌وتوون، هه‌ر له‌م شوێنه‌وه‌ به‌ڵگه‌ی زیندوویان بۆ ئه‌هێنرێته‌وه‌.. بۆ نموونه‌ خه‌ڵكێك پێیان وایه‌ كه‌ ئیسلام مافی ئافره‌تی خواردووه‌!! تۆ له‌و كاته‌ له‌سه‌رته‌ به‌ به‌ڵگه‌ی زیندوو ئه‌وه‌ بسه‌لمێنیت كه‌ ڕێژه‌ی تەڵاق لای دینداران زیاتره‌ یان لای بێدینان؟ به‌ ته‌ئكید ئه‌و چاك ده‌زانێ كه‌ ڕێژه‌ی ئه‌و ئافرتانه‌ی كه‌ داوای ته‌ڵاق ده‌كه‌ن له‌ ناو ئیسلامدا به‌په‌نجه‌ ده‌ژمێدرێن له‌چاو ئه‌وانی تر!! خۆ دیاره‌ كه‌ ئافره‌تیش داوای ته‌ڵاق له‌ مێرده‌كه‌ی ئه‌كات، چون له‌به‌ر ئه‌وه‌یه‌ كه‌ وا ئه‌زانێت به‌ جۆرێك مافی خوراوه‌.. یان بۆ نموونه‌ خه‌ڵك پێی وایه‌ كه‌ ئیسلام هه‌ر بریتییه‌ له‌ كوشت و بڕی، تۆ ئه‌و كاته‌ ته‌واوی مێژویی ئیسلامییان پێ ده‌سه‌لمێنی كه‌ ئایا له‌مسه‌رده‌مه‌ی عه‌وله‌مه‌ی ئێستاو دووركه‌وتنی خه‌ڵك له‌ ئیسلام خه‌ڵك زۆرتر ده‌كوژرێن یان له‌و سه‌رده‌مانه‌ی كه‌ ئیسلام حوكمی بوو؟!!
جارێ ئه‌مه‌ خوایشه‌ كه‌ داوا ئه‌كات كه‌ بانگه‌واز بۆ خوا بكه‌ین به‌ به‌ڵگه‌و نموونه‌ی زیندوو، وه‌ك ده‌فه‌رموێت:  (قُلْ هَـذِهِ سَبِیلِی أَدْعُو إِلَى اللّهِ عَلَى بَصِیرَةٍ أَنَاْ وَمَنِ اتَّبَعَنِی)   (یوسف : 108) . واته‌: ئه‌ی موحه‌ممه‌د! “صَلّى اللهُ عَلَیْهِ وَعَلَى آلِهِ وسَلَّم” به‌و خه‌ڵكه‌ بڵێ: ئه‌مه‌یه‌ ڕێگه‌ی من خۆم و ئه‌وه‌ی شوێنم كه‌وتوون خه‌ڵكی بانگ ده‌كه‌ین بۆ یه‌كتاپه‌رستی له‌سه‌ر بنچینه‌ی چاوساغی و به‌ڵگه‌ی شه‌رعیی و عه‌قڵی. ئینجا به‌ڵگه‌ هێنانه‌وه‌ له‌سه‌ر ئه‌وانه‌ی كه‌ پشتییان له‌ دینی خوا كردووه‌ له‌ دونیا چییان بۆ پێش دێت و له‌ قیامه‌تیش به‌چی ده‌گه‌ن..
5. لوتف و نه‌رمونیانی و گوفتولفت شیرینی:  بۆیه‌ خوای گه‌وره‌ به‌ پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم” ی فه‌رموو:  (فَبِمَا رَحْمَةٍ مِنَ اللَّهِ لِنْتَ لَهُمْ وَلَوْ كُنْتَ فَظّاً غَلِیظَ الْقَلْبِ لَانْفَضُّوا مِنْ ..)    (آل عمران: 159)  واته‌: له‌ به‌زه‌یی خوادایه‌ كه‌ تۆ هێنده‌ نه‌رم و نیانی له‌گه‌ڵیاندا، ئه‌گه‌ر یه‌كی دڵڕه‌ق و توندو تۆسن بای، بڵاوه‌یان لێ ده‌كردی، بۆیه‌ پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم ده‌فه‌رموێت:  (« إِنَّ الرِّفْقَ لَا یَكُونُ فِی شَیْءٍ إِلَّا زَانَهُ، وَلَا یُنْزَعُ مِنْ شَیْءٍ إِلَّا شَانَهُ»)   (رواه مسلم)   (عَنْ عَائِشَةَ -رَضِیَ اللَّهُ عَنْهَا-) . واته‌: به‌ڕاستی نه‌رم و نیانی له‌هه‌ر شتێكدا هه‌بێت جوانی ده‌كات، له‌هه‌رشتێكیش هه‌ڵبگیرێت ناشرینی ده‌كات! هه‌روه‌ها ده‌فه‌رموێت: «عَنْ عَائِشَه‌َ  (رَضِیَ اللَّهُ عَنْهَا)  زَوْجِ النَّبِیِّ (صَلّى اللهُ عَلَیْهِ وَعَلَى آلِهِ وسَلَّم):  (أَنَّ رَسُولَ اللَّهِ (صلی الله علیه وسلم)  قَاڵ:  (یَا عَائِشَةُ، إِنَّ اللَّهَ رَفِیقٌ یُحِبُّ الرِّفْقَ، وَیُعْطِی عَلَى الرِّفْقِ مَا لَا یُعْطِی عَلَى الْعُنْفِ وَمَا لَا یُعْطِی عَلَى مَا سِوَاهُ»)  (البخاری / اڵدب/ ٥٦٧٨). واته‌: “عائیشه‌” (خوای لێی ڕازی بێت) هاوسه‌ری پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم” ده‌ڵێ: پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم”  فه‌رموویه‌تی: (ئه‌ی عائیشه‌، به‌ڕاستی خوا نه‌رم و نیانه‌ و نه‌رم ونیانیشی خۆش ده‌وێت، ئه‌وه‌ی له‌ نه‌رم و نیانیدا ده‌یبه‌خشێت، له‌ توندڕه‌ویدا نایبه‌خشێت له‌ هیچ بارودۆخێكی تریشدا نایبه‌خشێت). ڕاستیان گوتووه‌ كه‌ ده‌ڵێن: مار به‌ قسه‌ی خۆش له‌ كون دێته‌ر ده‌ر.. بۆیه‌ قسه‌ی نه‌رم و ڕووخۆشی له‌ ده‌می له‌بانگه‌واز كردن بۆ خوا ڕێگه‌یه‌كی سه‌ركه‌وتووی ئه‌و بانگه‌وازه‌یه‌.. به‌ڵام به‌شه‌ڕو تۆقاندن و چاوسووركه‌وتنه‌وه‌, له‌ ڕق زێتر چیتر دروست ناكات..!! بۆیه‌ وه‌ك له‌ پێشه‌وه‌ ئاماژه‌مان پێدا كه‌ ئه‌عڕابییه‌كه‌ ئه‌و كاته‌ی هاته‌ مزگه‌وت و له‌سه‌ر مێنبه‌ری پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم” میزی كرد،  هاوه‌ڵه‌كان زۆر لێی تووڕه‌بوون خه‌ریك بوون هه‌ر له‌سه‌ر میزكردنه‌كه‌ی ملی په‌ل بده‌ن!!! به‌ڵام پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم” فه‌رمووی: نـــــا! لێی گه‌ڕێن.. لێی گه‌ڕێن! با میزه‌كه‌ی خۆی ته‌واو بكات!! به‌ له‌وه‌ زیاتر په‌رتی نه‌كات! ئینجا كه‌ كابرا له‌ میزكردنه‌كه‌ی خۆی بووه‌وه‌، پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم” بانگی كردو پێی گوت: ئه‌م شوێنه‌ مزگه‌وت و ماڵی خودایه‌، ته‌نها بۆ ته‌سبیحات و یادكردنی خوایه‌، دروست نییه‌ كه‌ میزی تیا بكه‌یت.. ئینجا به‌ هاوه‌ڵانیشی فه‌رموو، هه‌ندێ ئاو بێنن به‌سه‌ر شوێنه‌كه‌ی دابكه‌ن.. كابرای ئه‌عرابی كه‌ ئه‌و نه‌رمونیانییه‌ی له‌ پێغه‌مبه‌ر و ئه‌و تووڕه‌ییه‌ی لای هاوه‌لێنی بینی، ده‌ستی به‌رزكرده‌وه‌ دوعای كرد گوتی: «اللَّهُمَّ ارْحَمْنِی وَمُحَمَّدًا وَڵا تَرْحَمْ مَعَنَا أَحَدًا». واته‌: خودایه‌ له‌ من و له‌ موحه‌مه‌د خۆش ببه‌، له‌گه‌ڵ ئێمه‌ش له‌ كه‌سی تر خۆش مه‌به‌!! پێغه‌مبه‌ر – فه‌رمووی: « ڵقَدْ حَجَّرْتَ وَاسِعًا». واته‌: تۆ ڕه‌حمه‌ته‌ فراوانه‌كه‌ی خوات ته‌سك كرده‌وه‌! (رواه البخاری عن ابی هریره‌ –رضی الله عنه-)
ئه‌م نه‌رمونیانییه‌ هه‌تا له‌ ئاینه‌كانی تریش به‌راچاوو ئاشكرا بوو، ئه‌وه‌تا خوای گه‌وره‌ به‌ موسای فه‌رموو:  (اذْهَبا إِلَى فِرْعَوْنَ إِنَّهُ طَغَى * فَقُولَا لَهُ قَوْلاً لَّیِّناً لَّعَلَّهُ یَتَذَكَّرُ أَوْ یَخْشَى * فَقُولَا لَهُ قَوْلاً لَّیِّناً لَّعَلَّهُ یَتَذَكَّرُ أَوْ یَخْشَى)   (طه :43- 44) . واته‌: هه‌ردووكتان بچنه‌ لای فیرعه‌ون، چونكه‌ به‌ڕاستی ئه‌و یاخیی و له‌خۆبایی بووه‌ جا به‌نه‌رمی و له‌سه‌رخۆ قسه‌ی له‌گه‌ڵ بكه‌ن و بیدوێنن، به‌ڵكو بیربكاته‌وه‌و قسه‌كه‌تان لێوه‌رگرێ، وه‌ یان بترسێ له‌خوا.  له‌ كاتێ كه‌ فیرعه‌ون خۆی به‌ خوا ئه‌زانى، خرابترین شێوه‌ ئه‌شكه‌نجه‌ی خه‌ڵكی ئه‌دا، كوڕانی ده‌كوشت و كچانی ده‌هێشته‌وه‌، كه‌چی خوای گه‌وره‌ به‌ موسا ده‌فه‌رموێت كه‌ له‌گه‌ڵ فیرعه‌ون نه‌رم بێت!!! بـۆ؟ بۆ ئه‌وه‌ بیری بێته‌وه‌و ترسی خوای بچێته‌ دڵ!
هیدایه‌تدانی به‌نده‌كان له‌سه‌رده‌می زێڕینی ئیسلامیدا:
گه‌ر چاوێك به‌سه‌رده‌می زێڕینی ئیسلامیدا بخشێنین ئه‌وه‌ نموونه‌ی زۆر جوان و به‌ مانا له‌ هیدایه‌تدانی به‌نده‌كان ده‌بینین له‌وانه‌:
(1)  هیدایه‌تدانی “سه‌لمانی فارسی”  (خوا لێی ڕازی بێت(
له‌ “عه‌بدوڵڵای كوڕی عه‌بباس” (خوا لێی ڕازی بێت) ده‌گێڕنه‌وه‌ ده‌ڵێت: “سه‌لمانی فارسی” بۆی گێڕامه‌وه‌ فه‌رمووی: من یه‌كێ بووم له‌ فارسه‌كان، خه‌ڵكی دێیه‌ك بووم له‌ ئه‌سفه‌هان كه‌ پێیان ده‌گوت: (جه‌ی)، باوكم كه‌ كه‌سایه‌تییه‌كی ناودار و به‌رپرسی گونده‌كه‌ بوو، هه‌روه‌ك به‌رپرسی هه‌ڵگیرساندنی ئاگریشبوو، ئه‌و منی له‌ هه‌موو خه‌ڵكی سه‌ر زه‌وی خۆشتر ده‌ویست، له‌ خۆشه‌ویستییان هه‌نده‌ پێمه‌وه‌ هۆگرببوو نه‌یده‌هێشت هه‌تا بچمه‌ ده‌ره‌وه‌ له‌ ترسی ئه‌وه‌  كه‌ خراپه‌ی ده‌روبر كارم تێ نه‌كات و له‌ده‌ستی ده‌رنه‌چم، تا منی له‌ دیار ئه‌و ئاگره‌ی كه‌ ئه‌و سه‌رپه‌رشتی ده‌كرد له‌ ماڵ گیرساندبوومه‌وه‌، بۆ ئه‌وه‌ قه‌ت ئاگره‌كه‌ی كه‌ هه‌ڵگیرساندبوو خامۆش نه‌بێته‌وه‌!!
هه‌روه‌ها  باوكم كێڵگه‌یه‌كی گه‌وره‌ی هه‌بوو، له‌ كێڵگه‌كه‌ ته‌لارێكی هه‌بوو پێی گوتم: كوڕی خۆم تۆ ئه‌مڕۆ له‌ جێی من سه‌ربده‌ له‌ ته‌لاره‌كه‌ی ناو كێڵگه‌كه‌، ئه‌ڵێ:  یه‌كه‌مجاربوو كه‌ ده‌ره‌وه‌ی ماڵ ببینم، كاتێ به‌ نیازی كێڵگه‌كه‌ ئه‌ڕۆیشتم له‌ ڕێگا به‌لای كه‌نیسه‌یه‌كی نه‌سڕانییه‌كاندا ڕه‌ت بووم، گوێم له‌ ده‌نگیان بوو كه‌ نوێژیان ده‌كرد! كه‌ ئه‌وه‌م بینی نه‌مده‌زانی كه‌ باوكم بۆچی منی له‌ماڵه‌كه‌یدا گیر كردووه‌ كه‌ ناهێڵێ له‌و خه‌ڵگه‌ بگه‌م!! ئه‌ڵێ كاتىَ كه‌ لێیان چوومه‌ پێش و زیاتر گوێم گرت له‌ قسه‌كانیان، زیاتر سه‌رنجی ڕاكێشام تا خۆم گه‌یانده‌ ناویانه‌وه‌ تا له‌ نزیكه‌وه‌ حاڵیان ببینم و بزانم خه‌ریكی چین؟! ئه‌ڵێ كاتێ كه‌ ئه‌وانم بینی زۆر به‌ نوێژه‌كانیانه‌وه‌ سه‌رسام بووم! بۆیه‌ كاره‌كانی ئه‌وانم زۆر كه‌وته‌ به‌ردڵه‌وه‌، بۆیه‌ گوتم: به‌و خوایه‌ ئه‌م دینه‌یان له‌و دینه‌ی كه‌ ئێمه‌  له‌سه‌رین زۆر باشتره‌! ئه‌ڵێ به‌و خوایه‌ تامه‌زرۆیان ببوم و پشتم تێ نه‌كردن  و مامه‌وه‌ تاكوو ڕۆژئاوابوو، بۆیه‌ له‌ خۆشی ئه‌و مه‌جلیسه‌ پشتم له‌ كێڵگه‌كه‌ كردوو نه‌چووم بۆ ئه‌وێ!! ئه‌ڵێ پێم گوتن: بنه‌ڕه‌تی ئه‌م دینه‌ له‌ كێیه‌؟ ئه‌وانیش گوتیان له‌ شامه‌، ئه‌ڵێ پاشان چوومه‌وه‌ لای باوكم، ئه‌ویش له‌ هه‌موو ئه‌و كاته‌ی كه‌ له‌ كه‌نیسه‌كه‌ بووم ئه‌و ده‌ستی له‌ كاره‌كه‌ی هه‌ڵگرتووبوو به‌دوامدا گه‌ڕاوه‌و خه‌ڵكی بۆ سۆراغ كردنم سپاردبوو! ئه‌ڵێ كه‌ گه‌ڕامه‌وه‌ باوكم پێی گوتی: كوڕی خۆم له‌ كوێ بوویت؟ ئه‌م هه‌موو شوێنه‌ به‌دواتدا گه‌ڕاوم و سۆراغم كردوویت! ئه‌ی تۆ به‌ڵێنت پێ نه‌دام كه‌ پێتدام؟ ئه‌ڵێ گوتم: باوكه‌ گیان! من به‌ لای خه‌ڵكێكدا ڕه‌ت بووم له‌ كه‌نیسه‌ نوێژیان ده‌كرد بۆیه‌ من زۆریان پێ سه‌رسام بووم تا له‌وێ گیری كردم و زۆریش به‌ دینه‌كه‌یانه‌وه‌ تامه‌زرۆی كردم، بۆیه‌ تا ئاوابوونی خۆر له‌ لای ئه‌وان مامه‌وه‌! ئه‌ڵێ باوكم پێی گوتم: كوڕی خۆم ئه‌و دینه‌ی ئه‌وان هیچ خێرێكی پێوه‌ نییه‌! دینی خۆت بگره‌و بیر له‌ دینی تر نه‌كه‌یته‌وه‌! ئه‌ڵێ گوتم: نا به‌خوا، به‌ڵكوو ئه‌و دین له‌و دینه‌كه‌ی ئێمه‌ زۆر باشتره‌، ئه‌ڵێ ئیتر باوكم زۆرم لێترسا، له‌وه‌ ترسا كه‌ پشت له‌ دینه‌كه‌ی خۆم بكه‌م و بچمه‌ سه‌ر دینی تر! بۆیه‌ ئه‌ڵێ له‌ ماڵدا زنجیرێكی كرده‌ پێكانمه‌وه‌و له‌ ماڵ به‌ندی كردم ته‌نها له‌ كاتی نان خواردن و حاجه‌ته‌كانه‌وه‌ نه‌بێت كه‌ ده‌یكرده‌وه‌!! ئه‌نا هه‌ر به‌و حاڵه‌ هێشتمیه‌وه‌! ئه‌ڵێ نه‌ساڕاكان به‌دوامدا ناردیان، ئه‌ڵێ منیش له‌ ڕێگه‌ی خزمه‌تكارێكمانه‌وه‌ پێم گوتن پێیان بڵێ: ئه‌گه‌ر هه‌ر كاروانێك له‌ شامه‌وه‌ به‌ لاتاندا  ڕه‌تبوو تكا ده‌كه‌م به‌ زووترین كات ئاگادارم بكه‌نه‌وه‌، ئه‌ڵێ: ڕۆژێك كاروانێكی بازرگانی شامییه‌كان به‌لایاندا ڕه‌ت ئه‌بێت، یه‌كسه‌ر دێن ئاگادارم ده‌كه‌نه‌وه‌، ئه‌ڵێ منیش گوتم ئه‌گه‌ر كاریان ته‌واو بوو ویستیان بگه‌ڕێنه‌وه‌ شام ئاگادارم بكه‌نه‌وه‌، ئه‌ڵێ كه‌ ویستیان بگه‌ڕێنه‌وه‌ بۆ شام هاتن ئاگاداریان كردمه‌وه‌، ئه‌ڵێ منیش زنجیره‌كانم له‌ پێی خۆم پچڕاندو له‌گه‌ڵیانا كه‌وتمه‌ ڕێ تا گه‌یشتین به‌ شام! ئه‌ڵێ كه‌ چووم پرسیارم كرد كه‌ كێ له‌م خه‌ڵكه‌ شاره‌زاترین كه‌سه‌ به‌ دین؟ گوتیان فولانه‌ قه‌شه‌ كه‌ له‌و كه‌نیسه‌یه‌، ئه‌ڵێ چوومه‌ لای و پێمگوت: كه‌ من حه‌زم به‌و دینه‌ كردووه‌ ئه‌مه‌وێ بێمه‌ ناوییه‌وه‌، وه‌ پێم خۆشه‌ كه‌ هه‌ر له‌گه‌ڵ تۆدا بم و خزمه‌تی تۆ بكه‌م له‌ كه‌نیسه‌! تاكو لێتانه‌وه‌ فێر ببم و له‌گه‌ڵتانا نوێژ بكه‌م! ئه‌ڵێ ئه‌ویش گوتی: وه‌ره‌ ژووره‌وه‌، ئه‌ڵێ له‌گه‌ڵی چوومه‌ ژووه‌ره‌وه‌ و له‌ خزمه‌ت ئه‌ودا مامه‌وه‌!!
ئه‌ڵێ قه‌شه‌كه‌ پیاوێكی به‌ت ئه‌تواربوو، چون فه‌رمانی ده‌كرد كه‌ خه‌ڵك خێر بكه‌ن و هانی خێرو خێراتی ئه‌دان، كاتێكیش كه‌ پاره‌و یارمه‌تییه‌كانیان كۆ  ده‌كرده‌وه‌ ئه‌و هه‌مووی بۆ خۆی گل ئه‌دایه‌وه‌و نه‌یئه‌دا به‌ هیچ هه‌ژارێك؟!! ئه‌ڵێ: هه‌تا  ئه‌و ماوه‌یه‌ به‌ ئه‌ندازه‌ی حه‌فت كوبه‌ زێرو پاره‌و دراو كۆ ده‌كاته‌وه‌ و ده‌یشارێته‌وه‌!! ئه‌ڵێ بۆیه‌ به‌ هۆی ئه‌و ڕه‌فتارانه‌ی كه‌ ده‌یكرد زۆر ڕقم لێی گرتبوو، ئه‌ڵێ كاتێ ئه‌مرێ نه‌ساڕاكان تێكڕا كۆ ئه‌بنه‌وه‌ تا به‌ خاكی بسپێرن، ئه‌ڵێ منیش پێم گوتن: ئه‌م پیاوه‌ پیاوێكی خراپ بوو! چون  فه‌رمانی خێرو خێراتی به‌ ئێوه‌ ده‌كرد و هانی ئه‌دان، كه‌چی كاتێ كه‌ زێڕو پاره‌و پوولیان كۆ ده‌كرده‌وه‌ ئه‌و هه‌مووی بۆ خۆی گل ئه‌دایه‌وه‌ و نه‌یئه‌دا به‌ هه‌ژاره‌كان، ئه‌ڵێ ئه‌وانیش گوتیان تۆ چۆنت ئه‌وه‌ زانی؟ به‌ڵگه‌ت چییه‌؟ ئه‌ڵێ منیش گوتم: گه‌نجینه‌كانتان پێ نیشان ئه‌ده‌م؟!! ئه‌ڵێ چووم جێگاكه‌م پێ نیشاندان، ئه‌ڵێ كه‌ چوون حه‌فت گۆزه‌یان له‌ زێڕو پاره‌ له‌ شوێنكه‌ هێنایه‌ ده‌ر!! ئه‌ڵێ كاتىَ كه‌ ئه‌وه‌یان بینی گوتیان به‌وخوایه‌ به‌خاكی ناسپێرین!! ئه‌ڵێ ته‌رمه‌كه‌یان هێنا له‌ خاچیانداو پاشان به‌ به‌رد به‌رده‌بارانیان كرد!! پاشان قه‌شه‌یه‌كی تریان هێناو خستیانه‌ شوێنه‌كه‌ی ئه‌وه‌و و كردیان به‌ گه‌وره‌ی خۆیان! “سه‌لمان” ده‌ڵێت: هه‌چ پیاوێكم بینی بێ كه‌ پێنج نوێژی كردبێ كه‌چی  له‌م پیاوه‌م باشتر نه‌بینیبوو، وه‌كه‌سم له‌و پیاوه‌ باشتر و دونیا نه‌ویستترو ئاخیره‌ت خوازتر نه‌بینیبوو.. ئه‌ڵێ بۆیه‌ زۆر كه‌وتبووه‌ دڵم زۆرم خۆش ده‌ویست كه‌ كه‌سم به‌و جۆره‌ خۆشنه‌ویستبێت، ئه‌ڵێ ماوه‌یه‌كی باش له‌گه‌ڵیدا بووم  هه‌تا ده‌مرێ لێی جیا نه‌بوومه‌وه‌، ئه‌ڵێ: له‌ كاتی سه‌رمه‌رگیدا پێم گوت: ئه‌ی فوڵان كه‌س من تۆم به‌ جۆرێ خۆشویستووه‌ كه‌ كه‌سی ترم له‌ پێشتۆ به‌م شێوه‌ خۆش نه‌ویستووه‌! ئه‌بینم ئه‌وه‌ كۆتایی ڕێگاته‌و له‌سه‌رمه‌رگدایت، ئایا هیچ سپارده‌ و نه‌سیحه‌تێكت بۆ من نییه‌؟ چ فه‌رمانێكم پێ ده‌كه‌یت؟!! ئه‌ڵێ گوتی: كوڕی خۆم به‌وخوایه‌ ئه‌مڕۆ  له‌و زه‌مه‌نه‌ی مندا كه‌س شك نابه‌م كه‌ له‌سه‌ر هه‌مان ڕێو شوێنی ئێمه‌ بێت، چونكه‌ هه‌موو خه‌ڵك ئه‌مڕۆ به‌ هیلاك چوونه‌ و وازیان له‌ هه‌موو شتێك هێناوه‌ كه‌ پێشتر له‌سه‌ری بوون، به‌ڵام پیاوێك ئه‌وه‌تا له‌ (مووسڵ)ه‌ كه‌ فوڵان كه‌سه‌، ته‌نها ئه‌و شك ئه‌به‌م كه‌ له‌سه‌ر ئه‌و ڕێگه‌یه‌ی كه‌ من له‌سه‌ریم بێت، كه‌وابوو بڕۆ خۆ بگه‌یه‌نه‌ ئه‌و! ئه‌ڵێ كه‌ مرد و به‌خاكمان سپارد، یه‌كسه‌ر چووم خۆم گه‌یاند ئه‌و پیاوه‌ی وا له‌ مووسڵه‌! ئه‌ڵێ كه‌ چوومه‌ لای پێم گوت: فوڵان كه‌س؛ فیساركه‌س له‌كاتی مردنیدا ئامۆژگاری كردم كه‌ خۆ بگه‌ینه‌مه‌ لای تۆ، وه‌ ڕایگه‌یاند كه‌ تۆ له‌سه‌ر ئه‌وه‌یت كه‌ ئه‌و له‌سه‌ری بووه‌، ئه‌ڵێ ئه‌ویش پێی گوتم: فه‌رمووی باشه‌ لای من بمێنه‌وه‌، ئه‌ڵێ منیش لای مامه‌وه‌، ئه‌ڵێ: بینیم كه‌ باشترین پیاوێكه‌ كه‌ له‌سه‌ر هه‌مان ڕێی پیاوه‌كه‌ی پێشوو بێت، ئه‌ڵێ زۆری نه‌برد ئه‌ویش وه‌فاتی كرد، ئه‌ڵێ له‌كاتی سه‌رمه‌رگیدا پێم گوت: ئه‌ی فوڵان كه‌س؛ فیسار كه‌س وه‌سیه‌تی كردم كه‌ خۆ بگه‌یه‌نمه‌ لای تۆ، منیش خۆم گه‌یانده‌ لای تۆ، ئه‌وه‌ ئێستاش تۆ له‌ كۆتایی ڕێگه‌یت، تۆ چیم پێ ده‌ڵێیت و فه‌رمانی چیم پێ ده‌كه‌یت؟ ئه‌ڵێ ئه‌ویش گوتی: كوڕٍی خۆم، به‌و خوایه‌ كه‌س شك نابه‌م كه‌ له‌سه‌ر هه‌مان ڕێو شوێنی ئێمه‌ بێت ته‌نها ئه‌و پیاوه‌ نه‌بێ كه‌ له‌ (نه‌سیبینه‌ -ناوچه‌یه‌كه‌ له‌ شام-) كه‌ فوڵان كه‌سه‌، بڕۆ خۆ بگه‌یه‌نه‌ ئه‌و! ئه‌ڵێ كاتێ كه‌ ئه‌ویش مردو به‌خاكمان سپارد ئینجا خۆم گه‌یانده‌ ئه‌و پیاوه‌ی كه‌ له‌ نه‌سیبین بوو! چووم و باس و خواسه‌كه‌ و ڕاسپارده‌ی هاوڕێكه‌م پێگه‌یاند، ئه‌ڵێ گوتی: ده‌ی وه‌ره‌ لای من بمێنه‌وه‌، ئه‌ڵێ منیش لای ئه‌و نیشته‌جێ بووم، بینیم له‌سه‌ر هه‌مان ڕێ و شوێنی هاوڕێكه‌م بوو، به‌م پێیه‌ له‌گه‌ڵ باشترین كه‌س گیرسامه‌وه‌، ئه‌ڵێ به‌و خوایه‌ زۆری نه‌برد ئه‌ویش مرد، وه‌ له‌كاتی سه‌ره‌مه‌رگدا پێم گوت: ئه‌ی فوڵان كه‌س؛ فوڵان كه‌س وه‌سیه‌تی فیسار كه‌سی لێ كردم،  ئه‌ویش  وه‌سیه‌تی تۆی لێ كردم، ده‌ی تۆ وه‌سیه‌تی كێم پێ ده‌كه‌یت؟ ئه‌ڵێ ئه‌ویش گوتی: به‌خوایه‌ كه‌سێ شك نابه‌م كه‌ له‌و سات و كاته‌دا له‌سه‌ر هه‌مان ڕێوشوێنی ئێمه‌ بێت!! به‌ڵام من ده‌مه‌وێ كه‌ بچیته‌ لای پیاوێك له‌ عه‌موورییه‌، ته‌نها ئه‌و له‌سه‌ر هه‌مان ڕێو شوێنی ئێمه‌یه‌، ئه‌گه‌ر حه‌ز ده‌كه‌یت خۆ بگه‌یه‌نه‌ ئه‌و، چونكه‌ هه‌ر ئه‌و له‌سه‌ر ڕێو شوێنی ئێمه‌یه‌، ئه‌ڵێ كه‌ ئه‌ویش مردو به‌خاكمان سپارد، یه‌كسه‌ر خۆم گه‌یانده‌ ئه‌و پیاوه‌ی كه‌ له‌ عه‌ممورییه‌یه‌، چوم و هه‌واڵه‌كه‌م پێ گه‌یاند، ئه‌ڵێ ئه‌ویش گوتی: ده‌ی ده‌توانی لای من بمێنیته‌وه‌، ئه‌ڵێ: ئیتر له‌گه‌ڵ كه‌سێ مامه‌وه‌ كه‌له‌سه‌ر هه‌مان ڕێوی شوێنی هاوڕێكانی ترم بوو، ئه‌ڵێ له‌وێ ئیشم ده‌كرد تاكوو بووم به‌خاوه‌ن مه‌ڕو مالێتێكی زۆر! ئه‌ڵێ پاشان ئه‌ویش فه‌رمانی خوای گه‌یشته‌ سه‌ر، ئه‌ڵێ له‌ كاتى سه‌ره‌مه‌رگدا بووم پێم گوت: ئه‌ی فوڵان كه‌س! من له‌گه‌ڵ فوڵانه‌كه‌س بووم، وه‌سییه‌تی فوڵآن و فیساری لێ كردم، فوڵان كه‌سیش وه‌سیه‌تی فوڵان و فوڵانی لێ كردم، پاشان فوڵان كه‌سیش وه‌سیه‌تی تۆی  لێ كردم، ده‌ی تۆش به‌كێم ده‌سپێریت؟ ئه‌ڵێ ئه‌ویش گوتی: به‌ڵێ به‌و خوایه‌ كوڕی خۆم من كه‌سێ شك نابه‌م كه‌ حاڵی حاز له‌سه‌ر هه‌مان ڕێوشوێنی ئێمه‌ بێت تا بتنێرمه‌ لای، به‌ڵام ئێستا تۆ له‌سه‌رده‌می  په‌یامبه‌رێكدایت كه‌ په‌یامی ئیبڕاهیم ده‌گه‌یه‌نێت و له‌ خاكی عه‌ڕه‌به‌كان سه‌ر هه‌ڵئه‌دات (دوای ده‌ركه‌وتنی) كۆچ بۆخاكی خاوه‌ن دارخورما ده‌كات.. (كه‌ مه‌به‌ستی مه‌دینه‌یه‌)، وه‌ چه‌ند نیشانه‌یه‌كی پێوه‌ هه‌ن كه‌ قه‌ت ون نابن، (ئه‌ویش) دیاری وه‌رئه‌گرێ و سه‌ده‌قه‌و خێریش ڕه‌ت ده‌كاته‌وه‌و نایانخوات، وه‌ له‌ نێوان هه‌ردووشانیدا مۆری پێغه‌مبه‌رێتی پێوه‌یه‌، ئه‌گه‌ر ده‌توانی خۆ بگه‌یه‌نیته‌ ئه‌و ناوچه‌یه‌ی ئه‌و ئه‌وه‌ بیكه‌، ئه‌ڵێ پاشان كه‌ ئه‌ویش  مردو به‌ خاك سپێردرا، دوای ئه‌وه‌نده‌ی خوا ویستی له‌ عه‌ممورییه‌ مامه‌وه‌، ئه‌ڵێ پاش ماوه‌یه‌ك چه‌ند كه‌سێكی بازرگان كه‌ له‌ تیره‌ی (كه‌لب) بوون به‌لامدا ڕه‌ت  ئه‌بن و پێم گوتن: ئایا ده‌مگه‌یه‌ننه‌ خاكی عه‌ڕه‌به‌كان، ئه‌گه‌ر وابكه‌ن ئه‌وه‌ ئه‌وه‌نده‌ چێڵ و مه‌ڕوماڵاته‌ی كه‌ هه‌من پێتان ئه‌ده‌م، ئه‌ڵێ ئه‌وانیش گوتیان: باشه‌، ئه‌ڵێ به‌گه‌ڵیان كه‌وتم تا گه‌یشتین به‌ شوێنێك كه‌ پێی ده‌گوترا دۆڵی (دیهات)، كه‌چی ئه‌وان سته‌م و خیانه‌تیان لێكردم و منیان به‌ به‌نده‌ به‌ پیاوێكی جووله‌كه‌ فرۆشت!! ئه‌ڵێ لای ئه‌و به‌ به‌نده‌ مامه‌وه‌، ئه‌ڵێ پاش ماوه‌یه‌ك له‌ شوێنێكی ناوچه‌كه‌ چاوم به‌ دارخورما كه‌وت! ئه‌ڵێ ئاواتم خواست كه‌ ئه‌وه‌ هه‌ر ئه‌و شوێنه‌ بێت كه‌ هاوڕێكه‌م باسی كردبوو! به‌ڵام هه‌قی ئه‌وه‌م نه‌بوو كه‌ كابرای جووله‌كه‌ جێ بهێڵم چونكه‌ تازه‌ من به‌نده‌ی ئه‌و و لای ئه‌و بووم! ئه‌ڵێ ڕۆژێك ئامۆزایه‌كی ئه‌و  له‌ مه‌دینه‌ كه‌ له‌ به‌نی قوره‌یزه‌ بوو هات و  منی له‌و كڕیه‌وه‌! ئه‌ڵێ ئیتر ئه‌ویش منی هه‌ڵگرت بردمییه‌ مه‌دینه‌، ئه‌ڵێ به‌وخوایه‌ زانیم كه‌  ئه‌و شاره‌ هه‌ر ئه‌م شاره‌بوو كه‌ هاوڕێكه‌م وه‌سفی كردبوو، ئه‌ڵێ لای ئه‌و مامه‌وه‌، تاكوو خوا پێغه‌مبه‌ری خۆی بۆ مه‌دینه‌ هێنا، ماوه‌یه‌كبوو هاتبووه‌ مه‌دینه‌ من پێم نه‌زانیبوو، وه‌نه‌شمده‌توانی كه‌ هیچ شتێكی له‌باره‌یدا بزانم له‌ كاتێ كه‌ من وام به‌حاڵی به‌نده‌ییه‌وه‌، ئه‌ڵێ پاشان  ئه‌ڵێ به‌و خوایه‌ ڕۆژێ له‌سه‌ر دارخورمای  خاوه‌نه‌ جووله‌كه‌كه‌م بووم كارم ده‌كرد و ئه‌ویش دانیشتبوو، ئه‌ڵێ: بینیم كه‌ ئامۆزایه‌كی  خاوه‌نه‌كه‌ی هات و له‌لای ئه‌و وه‌ستاو گوتی: ده‌ك خوا تیره‌ی قیله‌ بكوژێت (مه‌به‌ستی تیره‌ی ئه‌وس و خه‌زره‌ج بوو) كه‌ ئێستا له‌ قوباْ  كۆبوونه‌ته‌وه‌ بۆ پێشوازی كردنی ئه‌و پیاوه‌ی كه‌ له‌ مه‌ككه‌وه‌ هاتووه‌ بۆ ئێره‌ و پێیان وایه‌ كه‌ ئه‌و پێغه‌مبه‌ره‌، ئه‌ڵێ به‌و خوایه‌ كه‌ ئه‌مه‌م گوێ لێ بوو له‌ شوێنی خۆم له‌و به‌رزه‌وه‌ خۆم فڕێ دایه‌ خواره‌وه‌، هه‌تا گومانم برد كه‌ ڕه‌نگه‌ به‌سه‌ر خاوه‌نه‌كه‌مدا به‌رببمه‌وه‌، ئه‌ڵێ هاتمه‌ خواره‌وه‌ ڕووم له‌ كوڕه‌ مامه‌كه‌ی كردو گوتم: چیت گوت؟ ئه‌وه‌ ئه‌ڵێی چی؟ ئه‌ڵێ كه‌ وامگوت: خاوه‌نه‌كه‌م شه‌قێكی زۆر تووندی لێ سره‌واندم، پاشان گوتی: چیت به‌و داوه‌؟ بڕۆوه‌ شوێنی خۆت، ئه‌ڵێ گوتم: نا! هیچ شتـێ نییه‌، ته‌نها ویستم ئه‌وه‌ی گوتی لێی دووباره‌ بكه‌مه‌وه‌.. ئه‌ڵێ: هه‌ندێ خورمام كۆكرده‌وه‌، كه‌ شه‌وداهات هه‌ڵم گرتن و چوومه‌ی لای ئه‌و پێغه‌مبه‌ره‌ “صَلّى اللهُ عَلَیْهِ وَعَلَى آلِهِ وسَلَّم” كه‌ له‌ قوباْ  بوو، چوومه‌ لای و پێمگوت: پێم گه‌یشتووه‌ كه‌ تۆ پیاوچاكیت و وه‌چه‌ند هاوه‌ڵێكی هه‌ژارو نه‌دارت له‌گه‌ڵ دایه‌، ئه‌م خۆرمایه‌ كه‌ سه‌ده‌قه‌یه‌ بۆ ئێوه‌م هێناوه‌ كه‌ بیخۆن! ئه‌ڵێ لێی نزیك بوومه‌وه‌، پێغه‌مبه‌ر به‌ هاوه‌لێنی فه‌رموو: بخۆن، خۆی ده‌ستی بۆ درێژ نه‌كردو نه‌یخوارد، ئه‌ڵێ له‌ دڵی خۆمدا گوتم: ئه‌وه‌ یه‌ك! پاشان له‌ لای ڕۆیشتم و دوایی قاپه‌ خورمایه‌كم هه‌ڵگرت و هاتمه‌وه‌ لای و پێم گوت: من ئه‌بینم كه‌ تۆ له‌سه‌ده‌قه‌ ناخۆیت، ده‌ی ئه‌وه‌ دیارییه‌ كه‌  ڕێزی تۆیم پێگرتووه‌ وه‌ریگره‌، ئه‌ڵێ پێغه‌به‌ر “صَلّى اللهُ عَلَیْهِ وَعَلَى آلِهِ وسَلَّم” وه‌ریگرت و خواردی و هاوه‌لێنیشی بۆ خواردنی بانگ كرد! ئه‌ڵێ ئه‌وانیش له‌گه‌ڵی ده‌ستیان كرد به‌ خواردن، ئه‌ڵێ له‌ دڵی خۆمدا گوتم: ئه‌وه‌ دوو! ئه‌ڵێ به‌رده‌وام چاوه‌دێری ئه‌و پێغه‌مبه‌ره‌م ده‌كرد تا  ڕۆژێ بینیم كه‌ مردووێكیان له‌ به‌ قیع ده‌ناشت و ئه‌ویش لى لایه‌كی ته‌نیشت گۆڕه‌كه‌ دانیشتبوو و عه‌باكه‌ی خستبووه‌ سه‌ر شانی خۆی، ئه‌ڵێ ده‌چووم له‌و سه‌رو ئه‌مسه‌ر ده‌هاتم و ده‌چووم تاكوو بتوانم شانی پیرۆزی ببینم، ئه‌ڵێ كه‌ پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم” چاوی پێم كه‌وت من ڕووی خۆم وه‌رگێڕایه‌وه‌، ئه‌ڵێ زانی كه‌ من به‌ دوای  شتێكه‌وه‌ ده‌گه‌ڕێم، ئه‌ڵێ جوولایه‌وه‌، له‌گه‌ڵ جوولێنه‌وه‌كه‌ی عه‌باكه‌ی سه‌رشانی كه‌وته‌ خوار، ده‌ڵێ له‌گه‌ڵ كه‌وتنه‌ خواری عه‌باكه‌ی سه‌رشانی هه‌مان ئه‌و مۆره‌ ده‌ركه‌وت كه‌ هاوڕێكه‌م باسی كردبوو!! ئه‌ڵێ بۆیه‌ یه‌كسه‌ر پڕم دایه‌ پشتی و ماچم كرد ده‌ستم كرد به‌ گریان!! پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم” پێی فه‌رمووم ڕووم تێبكه‌، ئه‌ڵێ ڕووم تێكرد و چیڕۆكه‌كه‌م بۆی گێڕایه‌وه‌ هه‌روه‌ك بۆ تۆ “ئیبنوعه‌بباس” گێڕامه‌وه‌، ئه‌ڵێ پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم” ئه‌و هه‌واڵه‌ی هاوه‌ڵه‌كه‌ی زۆر پێ سه‌یر بوو.. ئه‌ڵێ من هه‌ر به‌ به‌نده‌یی مامه‌وه‌ تا شه‌ڕی به‌درو ئوحودیش ڕه‌ت بوو! ئه‌ڵێ پاشان پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم” پێی فه‌رمووم: خۆت بكڕه‌وه‌ ئه‌ی “سه‌لمان”، ئه‌ڵێ منیش خۆم له‌ خاوه‌نه‌كه‌م به‌وه‌ كڕییه‌وه‌ كه‌ سێسه‌د دارخورمای بۆ بسه‌نم  له‌ خاكێكی به‌یاردا بۆی بڕوێنم له‌گه‌ڵ چل ئوقییه‌ی زێر كه‌ بیده‌مێ، ئه‌ڵێ پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم” فه‌رمووی: یارمه‌تی  براكه‌تان بده‌ن، ئه‌ڵێ ئه‌وانیش به‌ هێنانی دارخورما یارمه‌تییان دام، هه‌بوو به‌ سی دارخومای بچووك یارمه‌تی دام، هه‌بوو به‌ بیست دارخورما، هه‌بوو به‌ پازده‌، هه‌یشبوو به‌ ده‌، واته‌: هه‌ركه‌سه‌و به‌ پێی توانای خۆی تا گه‌یشت به‌ سێسه‌د دارخورمای بچووك بۆیان كۆ كردمه‌وه‌، ئه‌ڵێ پاشان پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم” پێی فه‌رمووم: هه‌ڵسه‌ سه‌لمان بۆ هه‌ر دارخورمایه‌ك چاڵێك هه‌ڵكه‌نه‌، كه‌ ته‌واویش بوو ئاگادارم بكه‌وه‌ تاكوو من بۆ خۆم بیانخه‌مه‌ ناوییانه‌وه‌! ئه‌ڵێ بۆ هه‌رهه‌موو سێسه‌د دارخورماكه‌ چاڵم هه‌ڵكه‌ند و هاوه‌ڵانیشم یارمه‌تییان ده‌دام، تاكوو له‌كاره‌كه‌م بوومه‌وه‌، ئینجا هاتمه‌وه‌ خزمه‌ت پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم” و پێم گوت: كه‌ چاڵه‌كان ئێستا ساز بوون، ئه‌ڵێ پێغه‌مبه‌ر – له‌گه‌ڵم هات و چووینه‌ شوێنه‌كه‌، ئینجا پێغه‌مبه‌ر  “صَلّى اللهُ عَلَیْهِ وَعَلَى آلِهِ وسَلَّم”  به‌ده‌ستی پیرۆزی خۆی دارخورماكانی خسته‌ نا چاڵه‌كانه‌وه‌.. ئه‌وه‌ی كه‌ ماوه‌ چل ئوقییه‌ زێڕه‌كه‌ بوو، ئه‌ڵێ ڕۆژێك به‌ ئه‌ندازه‌ی هێلكه‌یه‌ك له‌ زێڕ كه‌ له‌ ده‌ستكه‌وت له‌ هه‌ندێ غه‌زادا كه‌وتبووه‌ ده‌ست و هێناینه‌ به‌رده‌م پێغه‌مبه‌ر”ێصَلّى اللهُ عَلَیْهِ وَعَلَى آلِهِ وسَلَّم” ئه‌ڵێ پرسی: “سه‌لمان” له‌گه‌ڵ خۆ كڕینه‌وه‌كه‌ی خۆی گه‌یشت به‌ چی؟ ئه‌ڵێ منیان بۆ لای ئه‌و بانگ كرد و پێی فه‌رمووم: ئه‌وه‌ هه‌ڵگره‌ “سه‌لمان” بڕۆ ئه‌وه‌ی كه‌ له‌سه‌رت ماوه‌ ته‌واویكه‌! ئه‌ڵێ گوتم: جا ئه‌ی پێغه‌مبه‌ری خوا ئه‌وه‌ له‌ كێ ئه‌وه‌ی له‌سه‌رمه‌ ته‌واوی ده‌كات؟! ئه‌ڵێ فه‌رمووی: هه‌ڵیگره‌ خواش هه‌قت بۆ ئه‌گه‌یه‌نێته‌ جێ، ئه‌ڵێ هه‌ڵمگرت و كێشام، سوێن به‌و كه‌سه‌ی كه‌ گیانی “سه‌لمان”ی به‌ده‌سته‌ ته‌واوی زێڕه‌كه‌ 40 ئوقییه‌ی زێڕی كرد كه‌ له‌سه‌رم مابوو!! ئه‌ڵێ چووم پاشماوه‌ی هه‌قه‌كه‌ی خۆمم دا به‌خاوه‌نه‌ جووڵه‌كه‌كه‌م و خۆم ته‌واو كڕییه‌وه‌، ئه‌ڵێ له‌گه‌ڵ پێغه‌مبه‌ر “صَلّى اللهُ عَلَیْهِ وَعَلَى آلِهِ وسَلَّم ” به‌شداری شه‌ڕی خه‌نده‌قم كرد، پاشان له‌ هیچ ڕێوڕه‌سمێكی تری غه‌زاكاندا پاش نه‌كه‌وتم !!
ئه‌مه‌بوو چیڕۆكی ڕینمابوونی سه‌لمانی فارسی، خوای گه‌وره‌ بۆ هیدایه‌تدانی هه‌ر به‌نده‌یه‌ك هه‌موو ڕێگه‌یه‌كی بۆ ته‌خت كردوون به‌و مه‌رجه‌ ئه‌و كه‌سه‌ مه‌یل به‌هه‌ق بێ و عه‌وداڵی ڕاسته‌قینه‌ی ته‌واو بێ.
ماویه‌تی
          

صفحات سایت

پیچک