ماڵپه‌ری ئیسلام كورد
Rss
Logo
ADS
زاراوه‌كانی قیرائات

مه‌تنی تحفة الأطفال

ته‌فسیری قورئانی پیرۆز

شێوازی نوێژی پێغه‌مبه‌ر

ئامۆژگاری بۆ موسڵمانان

كاتی بانگه‌كان&بانكبێژان

24 كاتژمێر راسته‌وخۆ

ئاماری ماڵپه‌ر
میوانانی سه‌رهێل

ژماره‌ى سه‌ردانه‌كان

ڕاپرسی ماڵپه‌ر
ئایا تا ئێستا سوودت له‌ ماڵپه‌ری ئیسلام كورد بینیوه‌؟؟؟

ماڵپه‌ره‌ كۆنه‌كه‌مان
عه‌لمانیه‌ت بناسه‌
گێژاوی مه‌دخه‌لیزم
مێژووی انصار الاسلام
فیرعه‌ونی زه‌مان و قه‌یرانی...

 

 

 

ئه‌م بابه‌ته‌ بڵاوكراوه‌ته‌وه‌
له‌ به‌شی : قورئان و ته‌فسیر,

 

سوکایه‌تی به‌ قورئان و ئه‌رکی سه‌رشانمان به‌رامبه‌ری!!؟

ئاماده‌كردنی: ماكوان كه‌ریم

بسم الله‌ الرحمن الرحیم
الحمد لله‌رب العالمین الصلاة والسلام علی قا ئد المرسلین نبیینا وحبیبنا و شفیعنا محمد(صلی الله‌علیه‌وسلم) وعلی اله‌وأصحابه‌ومن تبعه‌ بإ حسان إلی یوم الدین. أما بعد:
لای هه‌مووان ئاشکرایه‌ له‌ هه‌رکات و هه‌رجێیه‌کدا بێبڕوایان و دوژمنانی ئیسلام که‌ له‌توانایاندا نه‌مابێت دژایه‌تی مسوڵمانان بکه‌ن ئه‌وا ئه‌وکات که‌وتونه‌ته‌ سوکایه‌تی به‌ پیرۆزییه‌کانی ئیسلام له‌ نێو ئه‌و دروشمه‌ پیرۆزه‌ ش دا سوکایه‌تی کردنه‌ به‌ پێغه‌مبه‌ روئه‌وپه‌یامه‌ی که‌ بۆی هاتووه‌ که‌ ئه‌ویش قورئانی پیرۆزه‌!دوژمنانی ئیسلام هه‌رچۆنێك هه‌وڵ ده‌ده‌ن ناتوانن پێ بگرن به‌ و ڕێژه‌ زۆره‌ بێشوماره‌ی ته‌وبه‌کاران که‌ ڕۆژانه‌ له‌سه‌رانسه‌ری جیهان دا ده‌گه‌ڕێنه‌وه‌ بۆ به‌ندایه‌تی کردن بۆ خوای تاك و ته‌نیاو باوه‌ ڕهێنانیان به‌ پێغه‌مبه‌رێتی محمد(صلی الله‌ علیه‌ وسلم) ڕازیبونیان به‌وه‌ی که‌ئیسلام ئاینیان بێت و وه‌ بڵاو بوونه‌وه‌ی راسترین په‌یام له‌سه‌ر زه‌وی که‌ قورئانی پیرۆزه‌ به‌ زۆربه‌ی زمانی جیهانی! 

ئه‌مه‌ له‌کاتێكدا یه‌ که‌ ئه‌مڕۆ ته‌نیا ئیسلامه‌ له‌ پاش خوای تاك و ته‌نیا پێشه‌وایه‌کی ڕاستگۆو سه‌رڕاست ده‌گمه‌ن بوووه‌ تاکو ئه‌و خه‌ڵکه‌ بێشوماره‌ له‌ ژێر ئاڵایه‌کدا کۆبکاته‌وه‌ هه‌ر بۆیه‌ کاتێك که‌ده‌بینین له‌ کوردستانی خۆمان دا سوکایه‌تی به‌قورئان و مزگه‌وت و پیرۆزییه‌کانی ئیسلام ده‌کرێت نه‌ مامۆستایانی سه‌رمینبه‌ر ئه‌وغیره‌ته‌یان ماوه‌ که‌ خه‌ڵکی هانبده‌ن دژی ئه‌م کاره‌ نا مرۆڤانه‌یه‌! نه‌ گه‌نجانی مسوڵمانیش بچوکترین هه‌ڵوێستییان هه‌یه‌ ،ئه‌ویش ده‌گه‌ڕێته‌وه‌ بۆ نه‌مانی بیروباوه‌ڕی ڕاسته‌قینه‌ له‌ نێو کۆمه‌ڵگه‌ی ئێمه‌دا وه‌ شوێنکه‌وتنی ئیسلام ته‌نیا وه‌ ك خونه‌ریت و باو ماوه‌ له‌ کۆمه‌ڵگه‌ ی کورده‌واریدا هه‌ربۆیه‌ ده‌بینین هه‌ر قه‌ومێك به‌ ڕاستی ده‌ستیان گرتبێت به‌ قورئانی پیرۆزه‌وه‌ ئه‌وا له‌ لایه‌ن خوای گه‌وره‌وه‌ سه‌رکه‌وتنی بۆ ناردون و زه‌لیل و سه‌رشۆڕی نه‌کردوون هه‌روه‌ك پێغه‌مبه‌ری خوا(صلی الله‌ علیه‌ وسلم) له‌فه‌رمووده‌یه‌کی قودسیدا ده‌فه‌رمووێت: (أبشروا فإن هذا القرآن طرفه‌ بید الله‌ وطرفه‌ بأیدیکم فتمسکوابه‌ فإنکم لن تهلکوا ولن تضلوا بعده‌ شیئآ) (صحیح الجامع حدیث رقم(24) واته‌: مژده‌تان لێبێت ،ئه‌م قورئانه‌ جه‌مسه‌رێکی به‌ده‌ستی خواوه‌یه‌و جه‌مسه‌رێکیش به‌ده‌ستی ئێوه‌وه‌یه‌،جاتوند ده‌ستی پێوه‌ بگرن ،چونکه‌ له‌دوای قورئان ئیتر ئێوه‌ هه‌رگیز نافه‌وتێن و گومڕانابن.
که‌وابوو له‌م فه‌رمووده‌ قودسیه‌وه‌ بۆمان ڕون ده‌بێته‌وه‌ ئه‌وه‌ی له‌ ڕێبازی قورئان لابدات و ده‌ستی پێوه‌ نه‌گرێت وبه‌ ئاره‌زوی خۆی تأویلات بکات ئه‌وه‌ خوای گه‌وره‌ سه‌ڕشۆڕو زه‌لیلی ده‌کات له‌ به‌رده‌م دوژمنانیدا وه‌ ك له‌م فه‌رمووده‌ قودسیه‌دا زیاتر بۆمان ڕوون ده‌بێته‌وه‌ که‌ پێغه‌مبه‌ری خوا(صلی الله‌ علیه‌ وسلم)ده‌فه‌رمووێت: (إن الله‌ یرفع بهذا الکتاب أقوامآ ویصع به‌ أخرین) (صحیح الجامع حدیث رقم(1896) واته‌: خوای گه‌وره‌ به‌م قورئانه‌ کۆمه‌ ڵانێك به‌رز ده‌کاته‌وه‌ و کۆمه‌ ڵانێکی تریشی پێ نزم و سوك ده‌کات.
هه‌ربۆیه‌ ئه‌مڕۆ ده‌بینین له‌سه‌رانسه‌ری جیهان دا ئه‌گه‌ر کۆمه‌ ڵێك مسوڵمانی سه‌ر ڕاست به‌ ته‌واوی ده‌ستیان گرت بێت به‌ قورئانه‌وه‌ ئه‌واخوای گه‌وره‌ سه‌رکه‌وتنیان پێده‌به‌خشێت و هه‌رگیزاو هه‌رگیز زه‌لیلی به‌رده‌ستی دووژمنیان ناکات ئه‌گه‌ر چیش به‌و په‌ڕی هێزی ئه‌تۆمی وئاسمانی و زه‌مینی و ده‌ریایی یه‌وه‌ لێیان بدرێت!به‌ ڵام وه‌ ك ده‌بینین ئیخوانی میصر که‌ زیاتر له‌ 80 کورسی په‌رله‌مانیشیان هێنا که‌ چی ده‌بینین چۆن زه‌لیل که‌وتون له‌ به‌رده‌م دادگا سه‌ربازییه‌کانی حکومه‌تی طاغوتی حسنی موباره‌ك دا که‌ ڕۆژ نییه‌ به‌ ده‌یانیان لێ نه‌گیرێت و دادگایی نه‌کرێت له‌ کاتێكدا له‌ گه‌ڵیشیدا به‌شداره‌ له‌ حکومه‌ت و په‌رله‌مان دا! وه‌ له‌ بری ئه‌وه‌ی به‌رپه‌رچیان بده‌نه‌وه‌ به‌ و قاعیده‌ جه‌ماوه‌رییه‌ زۆره‌وه‌ که‌ هه‌یانه‌ به‌ڵکو به‌ پێچه‌وانه‌وه‌ خۆیان ده‌ستیان ده‌خه‌نه‌ به‌رده‌م جه‌لادانی میصر تاوه‌کو که‌له‌ پچه‌یان بکه‌ن! هه‌ربۆیه‌ ئه‌مڕۆ ده‌بینین ئه‌م نه‌ خۆشییه‌ ش زۆرێك له‌ مسوڵمانانی کوردستانی گرتۆته‌وه‌ که‌ یان له‌ترسا یان له‌برسا بێده‌نگییان هه‌ ڵبژاردووه‌ و ڕۆژ به‌ ڕۆژ سوکایه‌تی زیاتریان پێ ده‌کرێت که‌وابوو ده‌ بێت بزانین له‌م کاته‌ ناڕه‌ حه‌تییه‌دا ئه‌رکی سه‌رشانمان چییه‌ به‌رامبه‌ر به‌ قورئان؟که‌ له‌ پێنج خاڵدا باسی لێوه‌ ده‌که‌ین إن شاألله‌ به‌م شێوه‌یه‌ی خواره‌وه‌:
1-پاراستنی پیرۆزی و ڕێزی قورئان: واته‌ به‌ پاکی ده‌ستی لێ بده‌ین و هه‌ڵی بگرین وه‌ ك خوای گه‌وره‌ ده‌فه‌رمووێت: (إِنَّهُ ۥ لَقُرۡءَانٌ۬ كَرِیمٌ۬ (٧٧) فِى كِتَـٰبٍ۬ مَّكۡنُونٍ۬ (٧٨) لَّا یَمَسُّهُ ۥۤ إِلَّا ٱلۡمُطَهَّرُونَ (٧٩)) (الوقعة/77 – 79) واته‌: ئه‌مه‌ قورئانێکی به‌ ڕێزه‌ ، له‌ کتێبێکی پارێزراودایه‌ ، ته‌نها ئه‌وانه‌ ده‌ستی لێ ده‌ده‌ن که‌ خۆیان خاوێن و پاکژ کردۆته‌وه‌.
سه‌ یر له‌وه‌دایه‌ ئه‌ مڕۆ کۆمه‌ڵێك که‌س هه‌ن که‌ به‌ ته‌سکه‌ره‌ مسوڵمانن!نه‌ ك قورئان ناپارێزن به‌ ڵکو سوکایه‌تیشی پێ ده‌که‌ن له‌ هه‌مووی سه‌یرتر ئه‌وه‌یه‌ که‌ خۆیان پێ له‌ هه‌ڵگرانی قورئان مسوڵمان تره‌! له‌ کاتێکدا ئه‌وانه‌ قورئان له‌سه‌ریانه‌ نه‌ك له‌گه‌ڵیان.
2- خوێندنه‌وه‌و له‌به‌رکردنی : پێغه‌مبه‌ری خوا(صلی الله‌ علیه‌ وسلم) ده‌فه‌رمووێت: ( اقرؤو القرآن فإنه‌ یأتی یوم القیامة شفیعآ لأصحابه‌) (رواه‌ المسلم) واته‌: قورئان بخوێننه‌وه‌ ،چوونکه‌ ڕۆژی دوایی دێت و ده‌بێته‌ تکا کار بۆخاوه‌نه‌که‌ی.
ئه‌مڕۆکه‌ ده‌بینین خه‌ڵکی قورئان له‌به‌رده‌کات بۆ ده‌نگ خۆشی و فرۆشتنی په‌نابه‌خوای گه‌وره‌! نه‌ ك بۆ به‌ده‌ست هێنانی پاداشت له‌ قیامه‌ت و ڕه‌زامه‌ندی خوای گه‌وره‌ .
3- فێرکردنی خه‌ڵکی و خۆشه‌ ویست کردنی لای که‌س و کارو منداڵمان: پێغه‌مبه‌ری خوا( صلی الله‌ علیه‌ وسلم) ده‌فه‌رمووێت: (خیرکم من تعلم القرآن وعلمه‌) ( رواه‌ البخاری) واته‌: چاکترینتان که‌سێکه‌ فێری قورئان ببێت و فێری خه‌ ڵکی بکات.
له‌ جیاتی ئه‌وه‌ی خۆمان و ماڵ و منداڵمان فێری قورئان بکه‌ین ده‌یان کتێبی پڕوپووچ و بێ مانا ده‌ خوێنینه‌وه‌ و ده‌کڕین بۆ مناڵه‌کانمان چوونکه‌ ئه‌و خه‌ڵکه‌ واده‌زانێت قورئان بۆ مردوو ته‌ عزییه‌کانه‌ بێ ئاگا له‌و هه‌موو ئه‌حکامه‌ جوانه‌ی قورئان که‌ له‌ ڕاستیدا بۆ زیندووه‌ ئیشی پێ بکات نه‌ ك مردوو،کاتێکیش له‌ جێیه‌ کدا ئایه‌ت ده‌خوێنیته‌وه‌ به‌سه‌ر خه‌ڵکی دا پێت ده‌ڵێن ئه‌مه‌ یان ئیرهابه‌ یان ئاینی تازه‌یه‌ ئه‌م گه‌نجانه‌ هێناویانه‌ په‌نا به‌خوا!.
4- بیرکردنه‌وه‌ له‌ واتاکه‌ی: خوای گه‌وره‌ ده‌فه‌رمووێت: (أَفَلَا یَتَدَبَّرُونَ ٱلۡقُرۡءَانَ أَمۡ عَلَىٰ قُلُوبٍ أَقۡفَالُهَآ (٢٤)) (محمد/24) واته‌: ئایا بۆ له‌قورئان وورد نابنه‌وه‌ ؟ یان دڵیان قفڵی لێدراوه‌و توانای بیرکردنه‌وه‌یان نه‌ماوه‌؟.
ئه‌گه‌ر که‌مێك سه‌یری زانا ڕۆژئاواییه‌کان بکه‌ین کاتێك باسی ئایه‌تێکیان بۆ ده‌کرێت به‌س ئه‌وه‌نده‌ بزانن زانستێکی تێدایه‌ چه‌ندین ڕۆژو مانگ و ساڵ ده‌خه‌نه‌ سه‌ر یه‌ك تاوه‌ کو له‌ ڕیی ئه‌و ئایه‌ته‌وه‌ ناوبانگێك بۆ خۆی به‌ده‌ست بێنێت زانیارییه‌ ك بدۆزیته‌وه‌ که‌ مرۆڤه‌کان په‌ی پێنابه‌ن که‌ چی ئه‌وه‌تا خوای گه‌وره‌ له‌م ئایه‌ته‌دا داوا مان لێده‌کات وورد بینه‌وه‌ له‌ ئایه‌ته‌کانی قورئان و ئه‌و قفڵه‌ ئاسنه‌ی دڵه‌کانمان بکه‌ینه‌وه‌ که‌ چی زۆر به‌داخه‌وه‌ هه‌رده‌ ڵێی له‌ گه‌ ڵ باوه‌ ڕدارانیشی نییه‌ په‌ نا به‌خوا .
5- پیاده‌و په‌ یڕه‌و کردنی فه‌رمانه‌کانی: پێغه‌مبه‌ری خوا( صلی الله‌ علیه‌ وسلم) ده‌فه‌رمووێت: ( اقرؤوا القرآن واعلموا به‌ ولا تاکلوا به‌) ( رواه‌ احمد وهو صحیح) واته‌: قورئان بخوێنه‌وه‌و کرده‌وه‌ی پێ بکه‌ن و بژێوی و خواردنی پێ په‌یدا مه‌که‌ن.
سه‌یرکه‌ لێره‌دا چه‌ند به‌جوانی بۆمان ڕون ده‌کاته‌وه‌ که‌وا قورئان په‌یامی خوایه‌ بۆ حوکم پێکردن نێردراوته‌ سه‌رزه‌وی نه‌ ك بۆ پاره‌ په‌یدا کردن که‌ ئه‌مڕۆکه‌ زۆرن له‌وانه‌ی خۆیان به‌ زاناو دانای ئیسلامیش ده‌زانن به‌ لام به‌قورئانه‌وه‌ ده‌خۆن خوای گه‌وره‌ په‌نامان بدات.
که‌وابوو خوێنه‌ری به‌ڕێز بزانه‌ که‌ ئه‌م قورئانه‌ موعجیزه‌یه‌کی خوای گه‌وره‌یه‌ که‌ له‌م سه‌رده‌می زوڵم و سته‌مه‌ی سه‌ر زه‌ویدا ته‌نیا ئه‌وه‌ زاخاوی دڵی ئیمانداران وه‌ تاکه‌ په‌یامه‌ بتوانێت کێشه‌کانی خه‌ڵکی چاره‌سه‌ر بکات نه‌ ك یاسایه‌ك که‌ خودی مرۆڤ دایبنێت هه‌ربۆیه‌ ئه‌و مرۆڤه‌ سه‌رکه‌شه‌ کاتێك که‌ توانای نییه‌ وێنه‌ی ئه‌و قورئانه‌ دابنێت سوکایه‌تی پێده‌کات جا له‌ کۆتاییدا ته‌ماشای ئه‌و دیمه‌نه‌ سامناکه‌ی ڕۆژی دوایی بکه‌ که‌ چۆن خه‌ڵکی له‌ شوێن نه‌که‌وتن و بێ ئاگاییان له‌ قورئان ده‌ستی په‌ شیمانی ده‌گه‌زن وه‌ ك خوای گه‌وره‌ ده‌فه‌رمووێت: (وَیَوۡمَ تَشَقَّقُ ٱلسَّمَآءُ بِٱلۡغَمَـٰمِ وَنُزِّلَ ٱلۡمَلَـٰٓٮِٕكَةُ تَنزِیلاً (٢٥)ٱلۡمُلۡكُ یَوۡمَٮِٕذٍ ٱلۡحَقُّ لِلرَّحۡمَـٰنِ‌ۚ وَڪَانَ یَوۡمًا عَلَى ٱلۡكَـٰفِرِینَ عَسِیرً۬ا (٢٦)وَیَوۡمَ یَعَضُّ ٱلظَّالِمُ عَلَىٰ یَدَیۡهِ یَقُولُ یَـٰلَیۡتَنِى ٱتَّخَذۡتُ مَعَ ٱلرَّسُولِ سَبِیلاً۬ (٢٧)یَـٰوَیۡلَتَىٰ لَیۡتَنِى لَمۡ أَتَّخِذۡ فُلَانًا خَلِیلاً۬ (٢٨)لَّقَدۡ أَضَلَّنِى عَنِ ٱلذِّڪۡرِ بَعۡدَ إِذۡ جَآءَنِى‌ۗ وَڪَانَ ٱلشَّیۡطَـٰنُ لِلۡإِنسَـٰنِ خَذُولاً۬ (٢٩)وَقَالَ ٱلرَّسُولُ یَـٰرَبِّ إِنَّ قَوۡمِى ٱتَّخَذُواْ هَـٰذَا ٱلۡقُرۡءَانَ مَهۡجُورً۬ا (٣٠)وَكَذَٲلِكَ جَعَلۡنَا لِكُلِّ نَبِىٍّ عَدُوًّ۬ا مِّنَ ٱلۡمُجۡرِمِینَ‌ۗ وَكَفَىٰ بِرَبِّكَ هَادِیً۬ا وَنَصِیرً۬ا (٣١)بکات وَقَالَ ٱلَّذِینَ كَفَرُواْ لَوۡلَا نُزِّلَ عَلَیۡهِ ٱلۡقُرۡءَانُ جُمۡلَةً۬ وَٲحِدَةً۬‌ۚ ڪَذَٲلِكَ لِنُثَبِّتَ بِهِۦ فُؤَادَكَ‌ۖ وَرَتَّلۡنَـٰهُ تَرۡتِیلاً۬ (٣٢)وَلَا یَأۡتُونَكَ بِمَثَلٍ إِلَّا جِئۡنَـٰكَ بِٱلۡحَقِّ وَأَحۡسَنَ تَفۡسِیرًا (٣٣)ٱلَّذِینَ یُحۡشَرُونَ عَلَىٰ وُجُوهِهِمۡ إِلَىٰ جَهَنَّمَ أُوْلَـٰٓٮِٕكَ شَرٌّ۬ مَّكَانً۬ا وَأَضَلُّ سَبِیلاً۬ (٣٤) (الفرقان/25 – 34) واته‌: ڕۆژێك دێت ئاسمان وه‌ ك هه‌وری چڕوپڕ ده‌نوێنێت ،وه‌فریشته‌کانیش داده‌به‌زن ده‌سته‌ده‌سته‌و گرۆگرۆ ئه‌وڕۆژه‌ئیترموڵك وده‌سه‌ڵات داری ڕاسته‌قینه‌ به‌ده‌ست خوای میهره‌بانه‌ ،بێگومان ئه‌وڕۆژه‌ ڕۆژێکی زۆرسه‌خت ودژوار ده‌بێت بۆکافروخوانه‌ناسان هه‌ر ئه‌وڕۆژه‌ سته‌م کار قه‌پ ده‌کات به‌ده‌ستی خۆیدا گاز له‌هه‌ردوو ده‌ستی ده‌گرێت له‌په‌شیمانیداو ده‌ڵێت :خۆزگه‌ له‌گه‌ڵ پێغه‌مبه‌ردا ڕێبازی ئیمانم بگرتایه‌ته‌ به‌ر خۆزگه‌ فڵان که‌سم نه‌کردایه‌ته‌ هاوه‌ڵ ودۆستی خۆم چوونکه‌ سه‌ری لێشێواندم به‌ ڕاستی ئه‌وناله‌باره‌ وێڵی کردم له‌به‌رنامه‌ی خوا دوای ئه‌وه‌ی که‌پێم ڕاگه‌یه‌نرابوو،بێگومان شیطان هه‌میشه‌و به‌رده‌وام بۆی خه‌جاڵه‌ت بوون و شه‌رمه‌زاری کردنی ئاده‌میزاده‌ ئه‌گه‌ر ووریا نه‌بێت و ڕێبازی ئیمان نه‌گرێت دوای دوورکه‌وتنه‌وه‌ی ئوممه‌ت له‌قورئان پێگه‌مبه‌ر(صلیالله‌ علیه‌وسلم)سکاڵاده‌کات وده‌فه‌رمووێت:په‌روه‌ردگارا به‌ ڕاستی قه‌ومه‌که‌م وازیان له‌م قورئانه‌ هێناوه‌ و پشت گوێیان خستووه‌ و گرنگی پێ ناده‌ن هه‌ربه‌وشێوه‌یه‌ ی که‌تۆ ئه‌ی محمد دژایه‌تی ده‌کرێی بۆهه‌رپێغه‌مبه‌رێك دوژمنان و مڵۆزممان له‌تاوانباران فه‌راهه‌م هێناوه‌ ،به‌ڵام دڵنیابه‌که‌ په‌روه‌ردگارت به‌سه‌ که‌ڕێنموویت بکات و پشتیوانیت لێ کافره‌کان بیانوویه‌کی تریان گرت و ووتیان ئه‌وه‌ بۆ قورئان به‌یه‌ ك که‌ڕه‌ت بۆی ڕه‌وانه‌ ناکرێت،بێگومان ئێمه‌ هه‌ربه‌و شێوه‌یه‌ ڕه‌وانه‌ی ده‌که‌ین ،تادڵی تۆزیاتر دڵنیا بکه‌ین ،به‌رده‌وام دایده‌ڕێژین و ده‌یگه‌یه‌نین خوانه‌ ناسان هه‌ر ڕه‌خنه‌یه‌کی نابه‌جێ بگرن ئێمه‌ گوێی پێناده‌ین و به‌رده‌وام حه‌قیقه‌ ت و ڕاستیت پێ ڕاده‌گه‌یه‌نین،وه‌ به‌جوانی هه‌موو شتێکت بۆ ڕوون ده‌که‌ینه‌وه‌ ئه‌و تاوانبارانه‌ ،له‌سه‌ر ڕوخساریان کێش ده‌کرێن بۆدۆزه‌خ و تییایدا کۆده‌کرێنه‌وه‌،ئائه‌وانه‌ ناخۆشترین جێیان هه‌یه‌ ،چونکه‌ گومڕاترین ڕێبازیان کاتی خۆی گرتبووه‌ به‌ر.


له‌ کۆتاییدا داواکارم له‌خوای گه‌وره‌ له‌ وکه‌سانه‌م بژمێرێت که‌وا ده‌ستمان گرتووه‌ به‌ قورئانه‌وه‌ و به‌ دوورمان بکات له‌و کۆمه‌ڵه‌ی که‌ به‌قورئانه‌وه‌ ده‌خۆن ((اللهم آمین))
          

صفحات سایت

پیچک

ساخت وبلاگ در میهن بلاگ

شبکه اجتماعی فارسی کلوب | اخبار کامپیوتر، فناوری اطلاعات و سلامتی مجله علم و فن | ساخت وبلاگ صوتی صدالاگ | سوال و جواب و پاسخ | رسانه فروردین، تبلیغات اینترنتی، رپرتاژ، بنر، سئو