تبلیغات
ماڵپه‌ری ئیسلام كورد
Rss
Logo
ADS
زاراوه‌كانی قیرائات

مه‌تنی تحفة الأطفال

ته‌فسیری قورئانی پیرۆز

شێوازی نوێژی پێغه‌مبه‌ر

ئامۆژگاری بۆ موسڵمانان

كاتی بانگه‌كان&بانكبێژان

24 كاتژمێر راسته‌وخۆ

ئاماری ماڵپه‌ر
میوانانی سه‌رهێل

ژماره‌ى سه‌ردانه‌كان

ڕاپرسی ماڵپه‌ر
ئایا تا ئێستا سوودت له‌ ماڵپه‌ری ئیسلام كورد بینیوه‌؟؟؟

ماڵپه‌ره‌ كۆنه‌كه‌مان
عه‌لمانیه‌ت بناسه‌
گێژاوی مه‌دخه‌لیزم
مێژووی انصار الاسلام
فیرعه‌ونی زه‌مان و قه‌یرانی...

 

 

 

ئه‌م بابه‌ته‌ بڵاوكراوه‌ته‌وه‌
له‌ به‌شی : به‌شی فه‌رمووده‌,

 

50 چیرۆک له‌گوڵزاری فه‌رمووده شیرینه‌کانی
پێغه‌مبه‌ره‌وه‌ صلی الله علیه وسلم-به‌شی پێنجه‌م و كۆتایی

ئاماده‌كردنی: ڕۆژان ڕه‌ئوف

چیرۆكی چل و یه‌ك: شه‌فاعه‌تی گه‌وره‌)

ئه‌بو هوره‌یره‌(خوای لێ ڕازبێت )ده‌فه‌رمووێت:جارێكیان گۆشتیان بۆ پێغه‌مبه‌ر (دروودو سه‌لامی خوای له‌سه‌ر بێت)هێناو ئه‌ویش كه‌حه‌زی له‌(قۆل) ده‌كرد ئه‌وه‌یان پێشكه‌ش كرد ئه‌ویش به‌ ددانی پیرۆزی گۆشته‌كه‌ی لێ ده‌كرده‌وه‌ له‌كاته‌دا فه‌رمووی له‌ڕۆژی قیامه‌تدا من ده‌بمه‌ پێشه‌نگی هه‌موو خه‌ڵكه‌كه‌ ده‌زانن به‌چی وام لێ دێت له‌و ڕۆژه‌دا چی مرۆڤ هه‌یه‌ هه‌ر هه‌موویان له‌شوێنێكی ته‌ختانیدا كۆده‌كرێنه‌وه‌ چاوو گوێچكه‌یان بێ هێز ده‌بن خۆر نزیك ده‌بێته‌وه‌ لێ یان و خه‌م وخه‌فه‌تێكی یه‌كجار زۆر به‌سه‌ریاندا زاڵ ده‌بێت له‌ناو خۆیاندا ده‌ست ده‌كه‌ن به‌ بۆڵه‌ بۆڵ به‌یه‌كتر ده‌ڵێن با چاره‌یه‌ك بۆ ئه‌م حاڵه‌ته‌مان بدۆزینه‌وه‌ به‌دوای كه‌سێكدا بگه‌ڕێین بۆمان بپاڕێته‌وه‌ و شه‌فاعه‌تمان بۆ بكات بابچینه‌ لای 

(ئاده‌م )كه‌ده‌چنه‌ لای پێی ده‌ڵێن تۆ باوكی هه‌موومانیت و خوا به‌ده‌ستی قودره‌تی خۆی دروستی كردی و ڕووحی به‌به‌ردا كردی و فه‌رمانی به‌فریشته‌كان دا كڕنوشیان بۆ بردیت لای خوا شه‌فاعه‌تمان بۆ بكه‌ خۆ تۆ خۆت ده‌زانیت كه‌له‌ چ بارێكداین (ئاده‌م) له‌وه‌لاَم دا ده‌فه‌رمووێت: خوای مه‌زن ئیمڕۆ به‌ جۆرێك غه‌زه‌بی گرتووه‌ كه‌قه‌ت وا نه‌بووه‌ و قه‌ت وانابێت كاتی خۆی خواردنی دره‌خته‌كه‌ی لێ قه‌ده‌غه‌ كردبووم به‌لاَم من به‌قسه‌م نه‌كرد ئێستاش من خه‌می خۆمه‌ بچن بۆ لای یه‌كێكی تر ئه‌وانیش ده‌چنه‌ لای (نووح) و پێی ده‌ڵێن تۆ یه‌كه‌م نێرراوی خوای بۆ سه‌ر زه‌وی فریامان كه‌وه‌ و له‌م باره‌ ڕزگارمان بكه‌ ئه‌ویش به‌هه‌مان شێوه‌ی (ئاده‌م) ده‌ڵێت خوا غه‌زه‌بی گرتووه‌ من كاتی خۆی دوعام له‌ نه‌ته‌وه‌كه‌م كرد من خه‌می خۆمه‌ بچن بۆ لای (ئیبراهیم) كه‌ده‌چن بۆ لای عه‌رزی ده‌كه‌ن تۆ پێغه‌مبه‌رو خۆشه‌ویستی خوای فریامان بكه‌وه‌ ئه‌ویش به‌هه‌مان شێوه‌ باسی غه‌زه‌بی خوا ده‌كات و ده‌ڵێت من خه‌می خۆمه‌. بڕۆن بۆ لای(مووسا) كه‌ده‌چن بۆ تۆ لای عه‌رزی ده‌كه‌ن پێغه‌مبه‌رو (كه‌لیمی)خوای فریامان بكه‌وه‌ ئه‌ویش ده‌ڵێت به‌خوا ئیمڕۆخوای گه‌وره‌ خراپ غه‌زه‌بی گرتووه‌ من كاتی خۆیی پیاوێكم كوشتووه‌ كه‌نه‌ ده‌بوو بیكوژم ئێستاش خه‌می خۆمه‌. بڕۆن بۆ لای (عیسا) كه‌ده‌چنه‌ لای عه‌رزی ده‌كه‌ن تۆ به‌مناڵی له‌بێشكه‌دا قسه‌ت كردووه‌ له‌ڕووحی خوا دروست بوویت. فریامان بكه‌وه‌ و ڕزگارمان بكه‌ ئه‌ویش وه‌ك ئه‌وانی پێش خۆی باس له‌غه‌زه‌بی خوا ده‌كات له‌و ڕۆژه‌دا به‌لاَم باسی هیچی خۆی ناكات و ده‌ڵێت بچن بۆ لای (محمد) ئیتر دێن بۆ لای من وده‌ڵێن تۆ دوا پێغه‌مبه‌ری و خوا له‌ هه‌موو گوناهه‌كانی به‌روو دوات خۆش بووه‌ فریامان بكه‌وه‌ منیش به‌ده‌میانه‌وه‌ ده‌چم و له‌به‌رده‌م عه‌رشی خوادا كڕنووش ده‌به‌م زۆر ده‌پاڕێمه‌وه‌ پاشان له‌خواییه‌وه‌ پێم ده‌ڵێن ئه‌ی(محمد) سه‌رت هه‌ڵبڕه‌ چی داوا بكه‌یت ده‌ت درێتێ شه‌فاعه‌تت قبووڵه‌ منیش ده‌ڵێم: خوایه‌! جارێ نه‌ته‌وه‌كه‌ی خۆم ! نه‌ته‌وه‌كه‌م! ئه‌ویش ده‌فه‌رمووێ: ئه‌ی (محمد) له‌ ده‌رگای ڕاستی به‌هه‌شته‌وه‌ كێت ئه‌وێت له‌ ئه‌ممه‌ته‌كه‌ت بیان نێره‌ بۆ به‌هه‌شت ئه‌مه‌ بێجگه‌ له‌وانه‌ی كه‌ له‌ ده‌رگاكانی تره‌وه‌ ده‌چنه‌ به‌هه‌شت قه‌سه‌م به‌وه‌ی گیانی منی به‌ده‌سته‌، پانی ده‌رگای به‌هه‌شت به‌قه‌ده‌ر ماوه‌ی نێوان (مه‌ككه‌)و(هاجر)یان نێوان (مه‌ككه‌)و (بوسرا)یه‌))

(ئه‌م دوو شوێنه‌ له‌ مه‌ككه‌وه‌ دوورن)

(حدیث صحیح متفق علیه)



-------------------------------------------------------


چیرۆكی چل و دوو: ئه‌و چوار كه‌سه‌ی كه‌ له‌ قیامه‌تدا ناڕه‌زایی ده‌رده‌بڕن

ئه‌بو هوره‌یره‌(خوای لێ ڕازبێت )ده‌فه‌رمووێت:له‌ پێغه‌مبه‌ره‌وه‌ (دروودو سه‌لامی خوای له‌سه‌ر بێت)بیستووه‌ ده‌فه‌رمووێت:

((له‌ڕۆژی (قیامه‌تدا) چوار كه‌س له‌به‌رده‌م خوای گه‌وره‌دا شكات ده‌كه‌ن پیاوێكی كه‌ڕ كه‌ هیچ نابیستێ، پیاوێكی گێل و ئه‌حمه‌ق، پیاوێكی خه‌ڵه‌فاو له‌به‌ر پیری پیاوێكی تر كه‌له‌ كاتێكدا مردووه‌ هیچ دیانه‌تێكی پێ نه‌گه‌یووه‌ كه‌ڕه‌كه‌ ده‌ڵێت خوایه‌ كه‌ئیسلامه‌تی هات من گوێم له‌هیچ شتێك نه‌بوو، گێله‌كه‌ش ده‌ڵێت كه‌ئیسلام هات من فامم نه‌بوو منالاَن شتیان تێ ده‌گرتم، خه‌ڵه‌فاوه‌كه‌ش ده‌ڵێتكه‌ئیسلام هات من په‌كم كه‌وتبوو عه‌قڵَم له‌ده‌ست دابوو ،ئه‌وه‌ش كه‌پێش هاتنی ئیسلام مردبوو ده‌ڵێت من هیچ ئاینێكم پێ نه‌گه‌یووه‌ ئیتر په‌یمانیان لێ وه‌رده‌گرن كه‌فه‌رمانبه‌ری ڕێنمایی یه‌كان بن و پێیان ده‌لێت: ئاگری دۆزه‌خ تان بۆ سارد ده‌كرێته‌وه‌ و هیچ زیانتان پێ ناگه‌یه‌نێت ...))

(حدیث صحیح اخرجه‌ احمد والبزاز وابن ابی عاصم والبیهقی...)



-------------------------------------------------------


چیرۆكی چل و سێ: ده‌ستپاكی پیاوێك

(ئه‌بو هوره‌یره‌(خوای لێ ڕازبێت )ده‌فه‌رمووێت:له‌ پێغه‌مبه‌ره‌وه‌ (دروودو سه‌لامی خوای له‌سه‌ر بێت)بیستووه‌ ده‌فه‌رمووێت:

((پیاوێك پارچه‌ زه‌وی یه‌كی له‌یه‌كێكی تر كڕی كاتێك كه‌ زه‌ویه‌كه‌ی ئه‌كێلاَ گۆزه‌یه‌كی پڕ له‌ ئاڵتوونی تیا دۆزیه‌وه‌ یه‌كسه‌ر بردیه‌وه‌ بۆلای ئه‌و كه‌سه‌ی زه‌وییه‌كه‌ی لێ كڕی بوو پێی ووت: ئه‌مه‌ ئاڵتوونی تۆیه‌ من هه‌ر زه‌وییه‌كه‌م لێت كڕیبووه‌. خاوه‌ن زه‌وییه‌كه‌ش ووتی:نه‌خێر ئه‌مه‌ هی من نییه‌ چونكه‌ من زه‌وییه‌كه‌و چی تری تیا بێت پێم فرۆشتووی مافی منی به‌سه‌ره‌وه‌ نه‌ماوه‌ دووایی چوونه‌ لای پیاوێك تا كێشه‌كه‌یان بۆ یه‌كلایی بكاته‌وه‌ ئه‌ویش ووتی: ئێوه‌ مناڵتان هه‌یه‌؟ ووتیان به‌ڵێ یه‌كێكیان كوڕێك و ئه‌ویتر كچێكی هه‌بوو . ئینجا ووتی له‌یه‌كتریان ماره‌ بكه‌ن با خۆیان ئه‌و پاره‌ خه‌رج بكه‌ن و خێریشی لێ بكه‌ن .))

(حدیث صحیح متفق علیه)



-------------------------------------------------------


چیرۆكی چل و چوار: هاوڕێ یه‌تی له‌به‌ر خاتری خوا

ئه‌بو هوره‌یره‌(خوای لێ ڕازبێت )ده‌فه‌رمووێت: پێغه‌مبه‌ر (دروودو سه‌لامی خوای له‌سه‌ر بێت)فه‌رمووی:

((پیاوێك بۆ سه‌ردانی هاوڕێكه‌یی به‌ره‌و ئه‌و گونده‌ كه‌وته‌ ڕێ كه‌هاوڕێكه‌ی لێ بوو به‌فه‌رمانی خوا فریشته‌یه‌ك چووه‌ سه‌ر ڕێگاكه‌ی و لێ پرسی:

بۆ كوێ ده‌چیت؟ ئه‌ویش ووتی ده‌چمه‌ سه‌ردانی هاوڕێكه‌م له‌و گونده‌ جارێكی تر لێی پرسی یه‌وه‌ ئایا هیچ چاكه‌یه‌كی له‌گه‌ڵتا كردووه‌ وا به‌په‌رۆشی بۆی؟ ووتی نه‌خێر ته‌نها له‌به‌ر خاتری خوا خۆشم ویستووه‌. ئینجا فریشته‌كه‌ ووتی من له‌لایه‌ن خواوه‌ نێرراوم تا پێت ڕابگه‌یه‌نم كه‌ خواش تۆی خۆش ده‌وێت))

(حدیث صحیح واخرجه‌ مسلم و احمد)



-------------------------------------------------------


چیرۆكی چل پێنج: خوا پێی خۆشه كه‌ یه‌كێك تۆبه‌ ده‌كات

عبدالله‌ كوڕی مه‌سعوود (خوای لێ ڕازبێت )ده‌فه‌رمووێت: پێغه‌مبه‌ر (دروودو سه‌لامی خوای له‌سه‌ر بێت)فه‌رمووی:

((قه‌سه‌م به‌خوا كه‌ به‌نده‌یه‌كی گوناهبار ده‌گه‌ڕێته‌وه‌ و تۆبه‌ ده‌كات خوای گه‌وره‌ ئه‌وه‌نده‌ی پێ خۆشه‌ كه‌زۆر له‌ خۆشحاڵی ئه‌و پیاوه‌ زیاتره‌ كه‌ بۆتان باس ده‌كه‌م

پیاوێك له‌بیابانێكی چۆڵ و پڕ مه‌ترسی دا حوشترێكی پێ یه‌ چی خواردن و ئاوی هه‌یه‌ له‌و حوشتره‌ی باركردووه‌ له‌ شوێنێك بۆ حه‌وانه‌وه‌ لائه‌دات و خه‌وی لێ ده‌كه‌وێت كاتێك خه‌به‌ری ده‌بێته‌وه‌ ده‌بینێ حوشتره‌كه‌ی به‌باره‌وه‌ ڕۆیشتووه‌ ماوه‌یه‌كی زۆر به‌ دووایا ده‌گه‌ڕێت زۆر تینوو ده‌بێت بڕیار ده‌دات بگه‌ڕێته‌وه‌ بۆ شوێنه‌كه‌ی خۆی سه‌ری ده‌خاته‌ سه‌ر باسكی و چاوه‌ڕێی مردن ده‌كات كوت و پڕحوشتره‌كه‌ به‌خۆی و باره‌وه‌ په‌یدا ده‌بێت. ده‌بێت ئه‌م پیاوه‌ چه‌ند خۆشحاڵ بێت؟ ده‌خوا زیاتر خۆشحاڵه‌ به‌تۆبه‌ی به‌نده‌كه‌ی هه‌ندیك له‌ڕاوییه‌كانی ئه‌م حه‌دیسه‌ ئه‌مه‌ش ده‌گێڕنه‌وه‌ :

كاتێك پیاوه‌كه‌ چاوی به‌ حوشتره‌كه‌ی ده‌كه‌وێته‌وه‌ خێرا په‌لاماری ده‌دات له‌ خۆشی یانا سه‌ری لێ ئه‌شێوێت و هه‌ڵه‌ ده‌كات و ده‌ڵێت خوایه‌ تۆ به‌نده‌ی منی و منیش خوای تۆم هه‌زار شكور بۆ تۆ ).

(حدیث صحیح متفق علیه)



-------------------------------------------------------



          

صفحات سایت

پیچک