تبلیغات
ماڵپه‌ری ئیسلام كورد
Rss
Logo
ADS
زاراوه‌كانی قیرائات

مه‌تنی تحفة الأطفال

ته‌فسیری قورئانی پیرۆز

شێوازی نوێژی پێغه‌مبه‌ر

ئامۆژگاری بۆ موسڵمانان

كاتی بانگه‌كان&بانكبێژان

24 كاتژمێر راسته‌وخۆ

ئاماری ماڵپه‌ر
میوانانی سه‌رهێل

ژماره‌ى سه‌ردانه‌كان

ڕاپرسی ماڵپه‌ر
ئایا تا ئێستا سوودت له‌ ماڵپه‌ری ئیسلام كورد بینیوه‌؟؟؟

ماڵپه‌ره‌ كۆنه‌كه‌مان
عه‌لمانیه‌ت بناسه‌
گێژاوی مه‌دخه‌لیزم
مێژووی انصار الاسلام
فیرعه‌ونی زه‌مان و قه‌یرانی...

 

 

 

ئه‌م بابه‌ته‌ بڵاوكراوه‌ته‌وه‌
له‌ به‌شی : به‌شی فه‌رمووده‌,

 

به‌شی ڕۆژوو له‌ پوخته‌ی صه‌حیحی موسلیم
به‌شی سێیه‌م و كۆتایی

ئاماده‌كردنی: عبدالرحمن پشتیوان سابیر

(٣٨) ڕۆژو له‌شه‌عباندا

٦٠٩ـ عَنْ أَبِی سَلَمَةَ قَالَ: سَأَلْتُ عَائِشَةَ (رَضِیَ اللَّهُ عَنْهَا) عَنْ صِیَامِ رَسُولِ اللَّهِ (صلی الله علیه وسلم) فَقَالَتْ: كَانَ یَصُومُ حَتَّى نَقُولَ: قَدْ صَامَ، وَیُفْطِرُ حَتَّى نَقُولَ: قَدْ أَفْطَرَ، وَلَمْ أَرَهُ صَائِمًا مِنْ شَهْرٍ قَطُّ أَكْثَرَ مِنْ صِیَامِهِ مِنْ شَعْبَانَ، كَانَ یَصُومُ شَعْبَانَ كُلَّهُ، كَانَ یَصُومُ شَعْبَانَ إِلَّا قَلِیلًا. [بخاری / الصوم/ ١٨٦٨]

(ابی سلمه‌) ده‌ڵێ: پرسیارم كردله‌ عائیشه‌ (خوای لێ ڕازی بێت) ده‌رباره‌ی ڕۆژوی پێغه‌مبه‌ر (صلی الله علیه وسلم) ئه‌ویش وتی: [ساڵی وا هه‌بوو] ئه‌وه‌نده‌ به‌ڕۆژو ده‌بوو هه‌تا ده‌مانوت ئه‌م مانگه‌ نایشكێنێ, [ساڵی واش هه‌بوو] به‌ڕۆژوو نه‌ده‌بوو, هه‌تا ده‌مانووت ئیتر ڕۆژو ناگرێت. نه‌شم بینیوه‌ 

هیچ مانگێك زۆر به‌ڕۆژو بوبێت, [ساڵی واش هه‌بوو] شه‌عبانی هه‌موو ده‌گرت مه‌گه‌ر كه‌مێكی نه‌بێت.


 

(٣٩) ڕۆژوی ناوه‌ڕاستی شه‌عبان

٦١٠ـ عَنْ عِمْرَانَ بْنِ حُصَیْنٍ (رضی الله عنه): أَنَّ رَسُولَ اللَّهِ (صلی الله علیه وسلم) قَالَ لَهُ أَوْ لِآخَرَ: (أَصُمْتَ مِنْ سُرَرِ شَعْبَانَ). قَالَ: لَا. قَالَ: (فَإِذَا أَفْطَرْتَ فَصُمْ یَوْمَیْنِ). [بخاری / الصوم/ ١٨٨٢]

(عمرانى كورِى حصین) (خوای لێ ڕازی بێت) ده‌ڵێ: پێغه‌مبه‌ر (صلی الله علیه وسلم) به‌وی فه‌رموویان به‌كه‌سێكی تر: ئایا ناوه‌ڕاستی شه‌عبان هیچ به‌ڕوَژوو بویت؟ ووتی: نه‌خێر فه‌رموی: (هه‌ركات ڕۆژوی مانگی [ڕه‌مه‌زانت] ته‌واو كرد، دوو ڕۆژ به‌ڕۆژوبه‌ له‌بری ئه‌وه‌ی له‌ شه‌عبان نه‌تگرتووه‌).

 

(٤٠) به‌ڕۆژوبوونی شه‌ش ڕۆژ له‌شه‌وال

٦١١ـ عَنْ أَبِی أَیُّوبَ الْأَنْصَارِیِّ (رضی الله عنه): أَنَّ رَسُولَ اللَّهِ (صلی الله علیه وسلم) قَالَ: (مَنْ صَامَ رَمَضَانَ، ثُمَّ أَتْبَعَهُ سِتًّا مِنْ شَوَّالٍ، كَانَ كَصِیَامِ الدَّهْرِ).

(ابو ایوب الانصارى) (خوای لێ ڕازی بێت) ده‌ڵێ: پێغه‌مبه‌ر (صلی الله علیه وسلم) فه‌رموویه‌تی: (ئه‌وه‌ی ڕه‌مه‌زان به‌ڕۆژو بێت و, پاشان شه‌ش ڕۆژی (شه‌وال)یش به‌ڕۆژو بێت به‌دوایدا، ئه‌وه‌ وه‌كو به‌ڕۆژو بونی هه‌موو ساڵه‌كه‌ وه‌هایه‌).

 

(٤١) نه‌گرتنی (نۆمینه‌ی حاجیان)

٦١٢ـ عَنْ عَائِشَةَ (رَضِیَ اللَّهُ عَنْهَا) قَالَتْ: مَا رَأَیْتُ رَسُولَ اللَّهِ (صلی الله علیه وسلم) صَائِمًا فِی الْعَشْرِ قَطُّ.

(عائشه‌) (خوای لێ ڕازی بێت) ده‌ڵێ: هه‌رگیز نه‌مبینیوه‌ پێغه‌مبه‌ر (صلی الله علیه وسلم) له‌و ده‌ڕۆژه‌دا [واته‌: ده‌ڕۆژی یه‌كه‌می مانگی ذی الحجه‌‌] به‌ڕۆژو بوبێت.

 

(٤٢) ڕۆژوی عارفه‌

٦١٣ـ عَنْ أَبِی قَتَادَةَ (رضی الله عنه): رَجُلٌ أَتَى النَّبِیَّ (صلی الله علیه وسلم) فَقَالَ: كَیْفَ تَصُومُ؟ فَغَضِبَ رَسُولُ اللَّهِ (صلی الله علیه وسلم) مِنْ قوله، فَلَمَّا رَأَى عُمَرُ (رضی الله عنه) غَضَبَهُ، قَالَ: رَضِینَا بِاللَّهِ رَبًّا وَبِالْإِسْلَامِ دِینًا وَبِمُحَمَّدٍ نَبِیًّا، نَعُوذُ بِاللَّهِ مِنْ غَضَبِ اللَّهِ وَغَضَبِ رَسُولِهِ. فَجَعَلَ عُمَرُ رَضِی اللَّهُ عَنْهُ یُرَدِّدُ هَذَا الْكَلَامَ حَتَّى سَكَنَ غَضَبُهُ، فَقَالَ عُمَرُ: یَا رَسُولَ اللَّهِ، كَیْفَ بِمَنْ یَصُومُ الدَّهْرَ كُلَّهُ؟ قَالَ: (لَا صَامَ وَلَا أَفْطَرَ) أَوْ قَالَ: (لَمْ یَصُمْ وَلَمْ یُفْطِرْ). قَالَ: كَیْفَ مَنْ یَصُومُ یَوْمَیْنِ وَیُفْطِرُ یَوْمًا؟ قَالَ: (وَیُطِیقُ ذَلِكَ أَحَدٌ). قَالَ: كَیْفَ مَنْ یَصُومُ یَوْمًا وَیُفْطِرُ یَوْمًا؟ قَالَ: (ذَاكَ صَوْمُ دَاوُدَ عَلَیْهِ السَّلَام). قَالَ: كَیْفَ مَنْ یَصُومُ یَوْمًا وَیُفْطِرُ یَوْمَیْنِ؟ قَالَ: (وَدِدْتُ أَنِّی طُوِّقْتُ ذَلِكَ). ثُمَّ قَالَ رَسُولُ اللَّهِ(صلی الله علیه وسلم): (ثَلَاثٌ مِنْ كُلِّ شَهْرٍ، وَرَمَضَانُ إِلَى رَمَضَانَ، فَهَذَا صِیَامُ الدَّهْرِ كُلِّهِ. صِیَامُ یَوْمِ عَرَفَةَ: أَحْتَسِبُ عَلَى اللَّهِ أَنْ یُكَفِّرَ السَّنَةَ الَّتِی قَبْلَهُ وَالسَّنَةَ الَّتِی بَعْدَهُ، وَصِیَامُ یَوْمِ عَاشُورَاءَ: أَحْتَسِبُ عَلَى اللَّهِ أَنْ یُكَفِّرَ السَّنَةَ الَّتِی قَبْلَهُ).

(ابو قتاده‌) (خوای لێ ڕازی بێت) ده‌ڵێ: پیاوێك هات بۆلای پێغه‌مبه‌ر (صلی الله علیه وسلم) لێی پرسی؟ ئه‌وه‌ چۆن به‌ڕۆژو ده‌بیت؟! پێغه‌مبه‌ر (صلی الله علیه وسلم) له‌قسه‌كه‌ی په‌ست بوو، كه‌(عمر)ئه‌وه‌ی بینی وتی: ئێمه‌ ڕازین كه‌ خوا په‌روه‌ردگارمانه‌ و ئیسلام ئاینمانه‌ و محمدیش پێغه‌مبه‌رمانه‌, په‌ناده‌گرین به‌خوا له‌ناڕه‌زایی و توڕه‌یی خواو پێغه‌مبه‌ره‌كه‌ی, جا (عمر)چه‌ند جارێك ئه‌وه‌ی دووباره‌ كرده‌وه‌ هه‌تا پێغه‌مبه‌ر ڕقه‌كه‌ی نیشته‌وه‌, ئینجا عمر ووتی: ئه‌ی پێغه‌مبه‌ری خوا كه‌سێك هه‌موو كات به‌ڕۆژو بێت پێت چۆنه‌.؟ ئه‌ویش فه‌رمووی: ئه‌وه‌ نه‌ڕۆژوی بۆ حسابه‌، نه‌شكاندوشێتی, عمر ووتی: ئه‌ی ئه‌وه‌ی دوو ڕۆژ بگرێت و ڕۆژێك نه‌گرێت؟ جاكه‌س ده‌توانێت ئه‌وه‌ بكات؟ عمر وتی: ئه‌وه‌ی ڕۆژه‌ ناڕۆژێك به‌ڕۆژو ده‌بێت؟ فه‌رمووی ئه‌وه‌ رۆژوی (داود)ه‌ سه‌لامی خوای له‌سه‌ر بێت, عمر وتی: ئه‌ی ئه‌وه‌ چۆنه‌ ڕۆژێك به‌ڕۆژو بێت و دوو ڕۆژ به‌ڕۆژو نه‌بێت؟ فه‌رمووی: ئاواته‌خوازم ئه‌و توانایه‌م پێ بدرایه‌. پاشان پێغه‌مبه‌ر (صلی الله علیه وسلم) فه‌رمووی: سێ ڕۆژ له‌هه‌موو مانگێكدا ڕه‌مه‌زانیش بۆ ڕه‌مه‌زان ئه‌وه‌ڕۆژوی هه‌موو ساڵه‌كه‌یه‌. ڕۆژوی ڕۆژی عه‌ره‌فه‌ش ئومێدم وایه‌ به‌خوا كه‌ببێت به‌كه‌فاره‌تی ساڵی ڕابردوو ساڵی داهاتووش. ڕۆژوی عاشوراش ئومێدم وایه‌ به‌خوا كه‌ببێت به‌ كه‌فاره‌تی ساڵی ڕابردوو*. 

*- ئه‌م فه‌رمووده‌ پێچه‌وانه‌ی فه‌رمووده‌ی پێشووی (عایشه‌) نیه‌ چونکه‌ نه‌بینینی ئه‌و به‌ڵگه‌ نیه‌ له‌سه‌ر ئه‌وه‌ پیغه‌مبه‌ر(ص) به‌ڕۆژوو نه‌بووبێت له‌ عارفه‌دا، ئه‌کرێ ئه‌و ڕۆژه‌ له‌ماڵی ئه‌ودا نه‌بوبێت.

 

(٤٣) نه‌گرتنی ڕۆژوی عارفه‌ بۆ حاجیان

٦١٤ـ عَنْ أُمِّ الْفَضْلِ بِنْتِ الْحَارِثِ (رَضِیَ اللَّهُ عَنْهُمَ): أَنَّ نَاسًا تَمَارَوْا عِنْدَهَا یَوْمَ عَرَفَةَ فِی صِیَامِ رَسُولِ اللَّهِ (صلی الله علیه وسلم)، فَقَالَ بَعْضُهُمْ: هُوَ صَائِمٌ، وَقَالَ بَعْضُهُمْ: لَیْسَ بِصَائِمٍ، فَأَرْسَلْتُ إِلَیْهِ بِقَدَحِ لَبَنٍ وَهُوَ وَاقِفٌ عَلَى بَعِیرِهِ بِعَرَفَةَ، فَشَرِبَهُ. [بخاری / الحج/ ١٥٧٨]

ام الفضل بنت الحارث(خوای لێ ڕازی بێت) ده‌ڵێ: خه‌ڵكێك له‌لای ئه‌و گفتوگۆیان بوو ده‌رباره‌ی به‌ڕۆژوبوونی پێغه‌مبه‌ر (صلی الله علیه وسلم): له‌ڕۆژی عارفه‌دا, هه‌ندێكیان وتیان به‌ڕۆژووه‌, هه‌ندێكی تریان وتیان نه‌خێر به‌ڕۆژو نییه‌, ئه‌وسا په‌رداخێك شیری بۆ پێغه‌مبه‌ر (صلی الله علیه وسلم) نارد له‌كاتێكدا به‌سه‌ر وشتره‌كه‌یه‌وه‌ بوو له‌عارفه‌دا, ئه‌ویش خواردیه‌وه‌.

 

 

 

(٤٤) ڕۆژوو نه‌گرتن له‌ جه‌ژنه‌كاندا

٦١٥ـ عَنْ أَبِی عُبَیْدٍ مَوْلَى ابْنِ أَزْهَرَ أَنَّهُ قَالَ: شَهِدْتُ الْعِیدَ مَعَ عُمَرَ بْنِ الْخَطَّابِ (رضی الله عنه) فَجَاءَ فَصَلَّى، ثُمَّ انْصَرَفَ، فَخَطَبَ النَّاسَ فَقَالَ: إِنَّ هَذَیْنِ یَوْمَانِ نَهَى رَسُولُ اللَّهِ (صلی الله علیه وسلم) عَنْ صِیَامِهِمَا: یَوْمُ فِطْرِكُمْ مِنْ صِیَامِكُمْ، وَالْآخَرُ یَوْمٌ تَأْكُلُونَ فِیهِ مِنْ نُسُكِكُمْ. [بخاری / الصوم/ ١٨٨٩]

(ابوعبید) كارگوزاری (ابن ازهار) ده‌ڵێ: جه‌ژنمان كرد له‌گه‌ڵ (عمری كوڕی خطاب) (خوای لێ ڕازی بێت) هات و نوێژی كردوو ڕۆیشت و وتاری بۆ خه‌ڵك داو وتی: ئه‌م دوو ڕۆژه‌ پێغه‌مبه‌ر (صلی الله علیه وسلم): ڕێگری كردووه‌ ڕۆژوی تێدا بگیرێت, ئه‌و ڕۆژه‌ی ڕۆژو ده‌شكێنن دوای مانگی ڕه‌مه‌زان [واته‌ جه‌ژنی ڕه‌مه‌زان] هه‌روه‌ها ئه‌وڕۆژه‌ی كه‌قوربانی حه‌جی تێدا ده‌خۆن (ڕۆژه‌كانی جه‌ژنی قوربان).

 

(٤٥) ڕۆژانی (ایام التشریق)

٦١٦ـ عَنْ نُبَیْشَةَ الْهُذَلِیِّ (رضی الله عنه) قَالَ: قَالَ رَسُولُ اللَّهِ (صلی الله علیه وسلم): (أَیَّامُ التَّشْرِیقِ أَیَّامُ أَكْلٍ وَشُرْبٍ -وفی روایة- وَذِكْرٍ لِلَّهِ).

(نبیشة الهذلی) ده‌ڵێ: پێغه‌مبه‌ر (صلی الله علیه وسلم): فه‌رموویه‌تی: (سێ ڕۆژه‌ی دوای جه‌ژنی قوربان ڕۆژانی خواردن و خواردنه‌وه‌ن) له‌ڕیوایه‌تێكی تردا هاتووه‌ (یادكردنی خوای گه‌وره‌شن).

 

(٤٦) ڕۆژی دووشه‌مووان

٦١٧ـ عَنْ أَبِی قَتَادَةَ الْأَنْصَارِیِّ (رضی الله عنه): أَنَّ رَسُولَ اللَّهِ (صلی الله علیه وسلم) سُئِلَ عَنْ صَوْمِ الِاثْنَیْنِ، فَقَالَ: (فِیهِ وُلِدْتُ، وَفِیهِ أُنْزِلَ عَلَیَّ).

(ابوقتادة‌) (خوای لێ ڕازی بێت) ده‌ڵێ: پێغه‌مبه‌ر (صلی الله علیه وسلم): كاتێك ده‌رباره‌ی ڕۆژوی دووشه‌موان لێیان پرسیوه‌ , فه‌رموویه‌تی: (من له‌و ڕۆژه‌دا له‌دایك بووم, له‌و ڕۆژه‌شدا قورئان دابه‌زێنراوه‌ته‌ سه‌رم). [واته‌: بیگرن باشه‌]

 

(٤٧) به‌ڕۆژوبوونی ڕۆژانی هه‌ینی به‌ته‌نها په‌سه‌ند نییه‌

٦١٨ـ عَنْ أَبِی هُرَیْرَةَ (رضی الله عنه) قَالَ: قَالَ رَسُولُ اللَّهِ (صلی الله علیه وسلم): (لَا یَصُومْ أَحَدُكُمْ یَوْمَ الْجُمُعَةِ إِلَّا أَنْ یَصُومَ قَبْلَهُ أَوْ یَصُومَ بَعْدَهُ). [بخاری / الصوم/ ١٨٨٤]

(ابوهریره‌) (خوای لێ ڕازی بێت) ده‌ڵێ: پێغه‌مبه‌ر (صلی الله علیه وسلم): فه‌رموویه‌تی: (باكه‌ستان ڕۆژانی هه‌ینی به‌ڕۆژو نه‌بێت مه‌گه‌ر ڕۆژێك له‌پێشه‌وه‌ یان له‌دواوه‌ [له‌گه‌ڵیدا] به‌ڕۆژو بێت.

 

٦١٩ـ عَنْ أَبِی هُرَیْرَةَ (رضی الله عنه) عَنِ النَّبِیِّ (صلی الله علیه وسلم) قَالَ: (لَا تَخْتَصُّوا لَیْلَةَ الْجُمُعَةِ بِقِیَامٍ مِنْ بَیْنِ اللَّیَالِی، وَلَا تَخُصُّوا یَوْمَ الْجُمُعَةِ بِصِیَامٍ مِنْ بَیْنِ الْأَیَّامِ، إِلَّا أَنْ یَكُونَ فِی صَوْمٍ یَصُومُهُ أَحَدُكُمْ).

(ابوهریره‌) (خوای لێ ڕازی بێت) ده‌ڵێ: پێغه‌مبه‌ر (صلی الله علیه وسلم): فه‌رموویه‌تی: (شه‌وی هه‌ینی تایبه‌ت مه‌كه‌ن به‌شه‌و نوێژو ڕۆژی هه‌ینی له‌ناو ڕۆژه‌كانی تر تایبه‌ت مه‌كه‌ن به‌ڕۆژووه‌وه‌, مه‌گه‌ر ئه‌و ڕۆژه‌ به‌رعاده‌تی ڕۆژوگرتنی یه‌كێكتان بكه‌وێت.

 

(٤٨) ڕۆژوی سێ ڕۆژ له‌هه‌ر مانگێكدا

٦٢٠ـ عن مُعَاذَةُ الْعَدَوِیَّةُ أَنَّهَا قَالَتْ: سَأَلَتْ عَائِشَةَ زَوْجَ النَّبِیِّ (صلی الله علیه وسلم): أَكَانَ رَسُولُ اللَّهِ (صلی الله علیه وسلم) یَصُومُ مِنْ كُلِّ شَهْرٍ ثَلَاثَةَ أَیَّامٍ؟ قَالَتْ: نَعَمْ. فَقُلْتُ لَهَا: مِنْ أَیِّ أَیَّامِ الشَّهْرِ كَانَ یَصُومُ؟ قَالَتْ: لَمْ یَكُنْ یُبَالِی مِنْ أَیِّ أَیَّامِ الشَّهْرِ یَصُومُ.

(خاتوو معاذة العدویة)ده‌ڵێ: پرسیومه‌ له‌عائیشه‌ی هاوسه‌ری پێغه‌مبه‌ر (صلی الله علیه وسلم): كه‌ ئایا پێغه‌مبه‌ری خوا له‌هه‌ر مانگیكدا سێ ڕۆژ به‌ڕۆژو ده‌بوو؟ وتی: به‌ڵێ، وتم: له‌چ رۆژانێكی مانگدا به‌ڕۆژوو ده‌بوو؟ وتی: گوێی نه‌ده‌دایه‌ له‌كام ڕۆژ له‌ڕۆژه‌كانی مانگ به‌ڕۆژوو ببێت.

 

(٤٩) ڕۆژوی به‌رده‌وام په‌سه‌ند نییه‌

٦٢١ـ عن عَبْدَ اللَّهِ بْنَ عَمْرِو بْنِ الْعَاصِ (رضی الله عنه) قَالَ: بَلَغَ النَّبِیَّ (صلی الله علیه وسلم) أَنِّی أَصُومُ أَسْرُدُ، وَأُصَلِّی اللَّیْلَ، فَإِمَّا أَرْسَلَ إِلَیَّ وَإِمَّا لَقِیتُهُ، فَقَالَ: (أَلَمْ أُخْبَرْ أَنَّكَ تَصُومُ وَلَا تُفْطِرُ وَتُصَلِّی اللَّیْلَ؟ فَلَا تَفْعَلْ، فَإِنَّ لِعَیْنِكَ حَظًّا، وَلِنَفْسِكَ حَظًّا، وَلِأَهْلِكَ حَظًّا، فَصُمْ وَأَفْطِرْ، وَصَلِّ وَنَمْ وَصُمْ مِنْ كُلِّ عَشْرَةِ أَیَّامٍ یَوْمًا، وَلَكَ أَجْرُ تِسْعَةٍ). قَالَ: إِنِّی أَجِدُنِی أَقْوَى مِنْ ذَلِكَ یَا نَبِیَّ اللَّهِ، قَالَ: (فَصُمْ صِیَامَ دَاوُدَ عَلَیْهِ السَّلَام). قَالَ: وَكَیْفَ كَانَ دَاوُدُ یَصُومُ یَا نَبِیَّ اللَّهِ؟ قَالَ: (كَانَ یَصُومُ یَوْمًا وَیُفْطِرُ یَوْمًا، وَلَا یَفِرُّ إِذَا لَاقَى). قَالَ: مَنْ لِی بِهَذِهِ یَا نَبِیَّ اللَّهِ؟ قَالَ عَطَاءٌ: فَلَا أَدْرِی كَیْفَ ذَكَرَ صِیَامَ الْأَبَدِ، فَقَالَ النَّبِیُّ (صلی الله علیه وسلم): (لَا صَامَ مَنْ صَامَ الْأَبَدَ، لَا صَامَ مَنْ صَامَ الْأَبَدَ لَا صَامَ مَنْ صَامَ الْأَبَدَ). [بخاری / الصوم ١٨٧٦]

(عبدالله ی كوڕی عمرو كوڕی عاص) (خوای لێ ڕازی بێت) ده‌ڵێ: هه‌واڵ گه‌یشته‌وه‌ پێغه‌مبه‌ر (صلی الله علیه وسلم): كه‌من به‌رده‌وام به‌ڕۆژوم وبه‌شه‌ویش نوێژده‌كه‌م, جا نازانم ناردی به‌شوێنمدا یان خۆم به‌خزمه‌تی گه‌یشتم. فه‌رمووی: (بیستومه‌ كه‌تۆ به‌رده‌وام به‌ڕۆژو ده‌بیت و ڕۆژو ناشكێنیت, به‌رده‌وامیش شه‌ونوێژ ده‌كه‌یت؟ وامه‌كه‌.. چونكه‌ چاوت مافی هه‌یه‌ خۆیشت مافت هه‌یه‌ , خێزانت مافی هه‌یه‌, تۆ به‌ڕۆژوببه‌و مه‌شبه‌, شه‌ونوێژ بكه‌و بشخه‌وه‌, له‌ده‌ڕۆژدا ڕۆژێك به‌ڕۆژو ببه‌. پاداشتی نۆ ڕۆژه‌كه‌ی تری هه‌یه‌ (عبدالله) وتی: من له‌وه‌ زیاتر ده‌توانم ئه‌ی پێغه‌مبه‌ر (صلی الله علیه وسلم): فه‌رمووی: (كه‌واته‌ ڕۆژو بگره‌ وه‌ك به‌ڕۆژو بوونی (داود) سه‌لامی خوای لێبێت. وتم : (داود) چۆن به‌ڕۆژو ده‌بوو ئه‌ی پێغه‌مبه‌ر (صلی الله علیه وسلم): فه‌رمووی: (ڕۆژێك به‌ڕۆژو ده‌بو ڕۆژێك ده‌یشكاند. كاتێكیش به‌ره‌نگاری دوژمنیش بووایه‌ته‌وه‌ ڕای نه‌ده‌كرد) وتم جاكێ ئه‌وه‌ی بۆ ده‌لوێ ئه‌ی پێغه‌مبه‌ر (صلی الله علیه وسلم)؟ عطاء ده‌ڵێ: ئیتر نازانم چۆن باسی ڕۆژوی به‌رده‌وام هاته‌ پێشه‌وه‌, پێغه‌مبه‌ر (صلی الله علیه وسلم): فه‌رمووی: (ئه‌وه‌ ڕۆژوی نه‌گرتووه‌ كه‌به‌رده‌وام به‌ڕۆژو ده‌بێت, ئه‌وه‌ ڕۆژوی نه‌گرتووه‌ كه‌ به‌رده‌وام به‌ڕۆژو ده‌بێت [واته‌: خێری ناگات و نادروسته‌]

 

(٥٠) چاكترین ڕۆژو ڕۆژوی (داود)ه‌، ڕۆژ ناڕۆژێك

٦٢٢ـ عَنْ عَبْدِ اللَّهِ بْنِ عَمْرٍو (رَضِیَ اللَّهُ عَنْهُمَ) قَالَ: قَالَ رَسُولُ اللَّهِ (صلی الله علیه وسلم): (إِنَّ أَحَبَّ الصِّیَامِ إِلَى اللَّهِ صِیَامُ دَاوُدَ، وَأَحَبَّ الصَّلَاةِ إِلَى اللَّهِ صَلَاةُ دَاوُدَ عَلَیْهِ السَّلَام: كَانَ یَنَامُ نِصْفَ اللَّیْلِ، وَیَقُومُ ثُلُثَهُ، وَیَنَامُ سُدُسَهُ. وَكَانَ یَصُومُ یَوْمًا وَیُفْطِرُ یَوْمًا). [بخاری / التجهد/ ١٠٧٩]

(عبدالله ی كوڕی عمرو) (خوای لێ ڕازی بێت) ده‌ڵێ: پێغه‌مبه‌ر (صلی الله علیه وسلم) فه‌رموویه‌تی: (په‌سه‌ندترین ڕۆژو لای خوای گه‌وره‌ ڕۆژوی (داود)ه‌, په‌سه‌ندترین شه‌ونوێژیش لای خوای گه‌وره‌ هه‌ر شه‌ونوێژی داوده‌. نیوه‌ی كاتی شه‌و ده‌خه‌وت سێیه‌كه‌ی تری شه‌ونوێژی ده‌كرد, شه‌ش یه‌كی ده‌خه‌وته‌وه‌, هه‌روه‌ها ڕۆژێك به‌ڕۆژوده‌بوو, ڕۆژێكیش به‌ڕۆۆژو نه‌ده‌بوو).

 

(٥١) ئه‌وه‌ی ڕۆژوی سونه‌ت بگرێت پاشان بیشكێنێت

٦٢٣ـ عَنْ عَائِشَةَ (رَضِیَ اللَّهُ عَنْهَا) أُمِّ الْمُؤْمِنِینَ قَالَتْ: دَخَلَ عَلَیَّ النَّبِیُّ (صلی الله علیه وسلم) ذَاتَ یَوْمٍ فَقَالَ: (هَلْ عِنْدَكُمْ شَیْءٌ). فَقُلْنَا: لَا. قَالَ: (فَإِنِّی إِذَنْ صَائِمٌ). ثُمَّ أَتَانَا یَوْمًا آخَرَ، فَقُلْنَا: یَا رَسُولَ اللَّهِ أُهْدِیَ لَنَا حَیْسٌ، فَقَالَ: (أَرِینِیهِ فَلَقَدْ أَصْبَحْتُ صَائِمًا). فَأَكَلَ.

(عائشه‌) (خوای لێ ڕازی بێت) ده‌ڵێ: پێغه‌مبه‌ر (صلی الله علیه وسلم): ڕۆژێك هات بۆلام فه‌رمووی: (هیچتان له‌لا هه‌یه‌؟) وتمان نه‌خێر: فه‌رمووی: (كه‌واته‌ به‌ڕۆژو ده‌بم), ڕۆژێكی تر هات بۆ لامان. وتمان: ئه‌ی پێغه‌مبه‌ر (صلی الله علیه وسلم): خورماو ڕۆن و كه‌شكمان به‌دیاری بۆ هاتووه‌, فه‌رمووی: (پیشانم بده‌, هه‌رچه‌نده‌ ئه‌م به‌یانییه‌ نیازی ڕۆژوم هه‌بوو) ئیتر ده‌ستی كرد به‌خواردنی.

------------------------------------------

بۆ ئه‌م بابه‌ته‌ سوود وه‌رگیراوه‌ له‌ به‌رنامه‌ی ساباتی فه‌رمووده‌ كه‌ به‌رنامه‌یه‌كی تایبه‌ته‌ به‌ سایتی ده‌نگی ئیسلام

          

صفحات سایت

پیچک